[᭑᭐ 10B]
᭑᭐
ᬡ᭄ᬥᬶᬄᬭᬶᬂᬧᭂᬮᬶᬄ᭞ᬢᬦ᭄ᬲᬄᬍᬕᬵᬫᬓᬶᬤ᭄ᬬᬂ᭞ᬢᭀᬦᬾᬢᬢᭂᬮᬸᬓᬾᬃᬢ᭄ᬢᬶᬦᬦ᭄᭞ᬳᭂᬦ᭄ᬢᭀᬚ᭄ᬯᬳᬗ᭄ᬕᬾᬦ᭄ᬫᬩᬺᬱᬶᬄ᭞ᬫᬫᬓ᭄ᬩᬓ᭄ᬭᬸᬭᬸᬗᬾᬲᬸᬳᬸᬂ᭞ᬤᬢᬓᬸᬢ᭄ᬧᬤᬶᬤᬶᬬ
ᬦ᭄᭞ᬤᬵᬗᬗ᭄ᬓ᭄ᬭᬕ᭄ᬫᬦᬸᬗ᭄ᬕᬸᬓᬦ᭄ᬢᬶ᭞ᬧᬂᬲᬶᬂᬩᬸᬳᬸᬂ᭞ᬩᬦ᭄ᬢ᭄ᬯᬭᬳᬤᬦᬾᬳᬚᬓ᭄᭛ᬳᬶᬗᬦᬶᬦ᭄ᬗᬚᬓᬶᬦ᭄ᬢᬶᬫ᭄ᬧᬮ᭄᭞ᬤᬵᬗᬧᬸᬲ᭄ᬫᬓ᭄ᬱᬗ᭄ᬮᬗᭂᬳᬶᬦ᭄᭞ᬗᬓᬸᬯᬂᬦᬾᬢ᭄ᬯᬵ
ᬭᬕᭂᬮᬄ᭞ᬫᬶᬮᬸᬦᬾᬲᬓᬶᬂᬗ᭄ᬮᬤᬦᬶᬦ᭄᭞ᬳᬧᬦᬾᬢᬸᬢᬸᬃᬲᬸᬚᬢᬶ᭞ᬧᬢᬸᬢ᭄ᬧᬗ᭄ᬭᬶᬗᬦᬫᬮᬸ᭞ᬬᬾᬦ᭄ᬲᬸᬩᬓᬺᬱᬲᬚ᭞ᬤᬵᬓᭀᬘᭂᬦᬶᬂᬗᬚᬓᬶᬦ᭄᭞ᬧᭂ
ᬥᬲ᭄ᬦᬸᬢᬸᬕ᭄᭞ᬲᬓᬶᬂᬤᭂᬫᭂᬦ᭄ᬧᬤᬶᬤᬶᬬᬦ᭄᭛ᬮ᭄ᬯᬶᬃᬓᬤᬶᬢᬫ᭄ᬩᬸᬮᬶᬮᬶᬗᬦ᭄᭞ᬧᭀᬮᬳᬾᬫᬗᬶᬲᭂᬧ᭄ᬲᬭᬶ᭞ᬢ᭄ᬯᬭᬚ᭄ᬯᬫᬗ᭄ᬭᬸᬲᬓ᭄ᬱ᭄ᬓᬃ᭞ᬢᬦ᭄ᬩᬾ
[᭑᭑ 11A]
ᬤᬮ᭄ᬯᬶᬃᬢᬦᬢᬸᬦᬶᬦ᭄᭞ᬯᬂᬓᬾᬢᭀᬢᬶᬗ᭄ᬓᬳᬾᬘᭂᬦᬶᬂ᭞ᬳᬋᬧ᭄ᬭᬶᬂᬲᬲᬦ᭄ᬳᬶᬥᬸᬧ᭄᭞ᬤᬵᬘᭂᬦᬶᬂᬓᬸᬫᬘᬘᬤ᭄᭞ᬳᬚᬸᬫᬾᬜᬓᬶᬢᬶᬦ᭄ᬳᬢᬶ᭞ᬧᬂᬤᬵᬩᬶᬗᬸᬂ᭞ᬲᬜ᭄ᬚᬢᬵ
ᬲᭂᬗ᭄ᬕᬸᬄᬲᭂᬫᭂᬗᬦ᭄᭛ᬲᬗ᭄ᬓᬜ᭄ᬘᭂᬦᬶᬂᬭᬶᬗ᭄ᬓᬸᬄᬧᭂᬲᬦ᭄᭞ᬜᭂᬮᬧ᭄ᬤᬾᬯᬾᬓᬾᬳᬗ᭄ᬕᬲᬶᬦ᭄᭞ᬩᭂᬭᬶᬕᬸᬓᬺᬢᬂᬢᭂᬓᭂᬓᬂ᭞ᬓᬦ᭄ᬢᬶᬘᭂᬦᬶᬂᬧᭂᬲᬓᬶᬢ᭄ᬲᬓᬶᬢ᭄᭞ᬗᬸᬤ᭄ᬬᬂᬢᭀᬢᬓᬸ
ᬢ᭄ᬗᭂᬫ᭄ᬩᬸᬲᬶᬦ᭄᭞ᬧᬦᭂᬕᬸᬮ᭄ᬤᬾᬯᬾᬓᬾᬮᬶᬬᬸ᭞ᬓᬤᬾᬜ᭄ᬘᭂᬦᬶᬂᬢᭀᬜᭂᬳᭂᬢᬂ᭞ᬲᬗ᭄ᬓᬦ᭄ᬭᬶᬗ᭄ᬓᬸᬄᬩᬸᬓᬚᬦᬶ᭞ᬗᬸᬤ᭄ᬬᬵᬂᬜᬸᬦᬸᬢ᭄᭞ᬤᬾᬦᬶᬂᬳᬤᬫᬃᬕ᭄ᬕᬕᬶᬫ᭄ᬩᬃ᭛
ᬬᬾᬜ᭄ᬘᭂᬦᬶᬂᬫᬗ᭄ᬕᬶᬄᬤᬶᬚᬮᬦ᭄᭞ᬭᬶᬂᬬᬦᬓ᭄ᬦᬾᬚᬢᬶᬳᬸᬦᬶᬂ᭞ᬬᬢᬸᬢᬸᬕ᭄ᬩᬭᬂᬫᬚᬮᬦ᭄᭞ᬳᬕᭂᬢ᭄ᬚ᭄ᬯᬧᭂᬚᬮᬜ᭄ᬘᭂᬦᬶᬂ᭞ᬬᬾᬦᬾᬫᭀᬫᭀᬧᬗ᭄ᬕᬶᬳᬶᬦ᭄᭞ᬕᭂᬍᬗᬂ
Kaca:Bali-lontar-paparikan-darmapada-350ppi.pdf/11
Kaca puniki sampun kauji-wacén
