[᭑᭒ 12B]
᭑᭒
ᬫ᭄ᬧᬮᬾᬢᭀᬦ᭄ᬤᬾᬦ᭄ᬳᭂᬜᬓ᭄᭛ᬫᬶᬦᬓᬤᬶᬢᬸᬜ᭄ᬚᬸᬂᬧ᭄ᬝᬓ᭄᭞ᬮ᭄ᬯᬶᬳᬾᬗ᭄ᬭᬳᬶᬦ᭄ᬳᬢᬶ᭞ᬬᬤᬶᬦ᭄ᬫᭂᬦ᭄ᬢᬶᬓ᭄ᬭᬶᬂᬩᭂᬭᬯᬄ᭞ᬮᬗ᭄ᬕᭂᬂᬧᬸᬢᬶᬄᬢᬦ᭄ᬚ᭄ᬯᬶᬤᭂᬓᬶᬮ᭄᭞ᬗᬮᬸ
ᬩ᭄ᬳᬮᬸᬩ᭄ᬩᭀᬦᬾᬫᬶᬳᬶᬓ᭄᭞ᬗᬯᬾᬦᬂᬫᬦᬄᬳᬸᬮᬗᬸᬦ᭄᭞ᬧᬾᬫ᭄ᬩᭀᬦᬶᬦ᭄ᬲᬃᬯ᭄ᬯᬕᬸᬫᬶᬢᬶᬢ᭄᭞ᬓᬤᬶᬳᬶᬓᬸ᭞ᬰᬶᬱ᭄ᬬᬦ᭄ᬳᬶᬤᬲᬗ᭄ᬳ᭄ᬬᬂᬩᬸᬤ᭄ᬥ᭛ᬓᬶᬃᬢ᭄ᬢᬶᬦᬾᬧ
ᬕᭂᬄᬢᬸᬃᬮᬗ᭄ᬕᭂᬂ᭞ᬗᬯᬾᬳᬬᬸᬓ᭄ᬭᬡᬩᭂᬘᬶᬓ᭄᭞ᬢᬦ᭄ᬧᬶᬮᬶᬄᬭᬶᬂᬚᭂᬮᬾᬫᭂᬮᬄ᭞ᬮᬸᬧᬸᬢ᭄ᬫᬭᬶᬂᬕᭀᬥᬲᬫᬶ᭞ᬳᭂᬦᭂᬂᬤᭂᬕ᭄ᬤᭂᬕ᭄ᬳᭂᬦᬶᬂᬲᬸᬘᬶ᭞ᬦᬶᬃᬫ᭄ᬫᬮᬢᬦ᭄ᬧᬢᭂᬍ
ᬢᬸᬄ᭞ᬧ᭄ᬭᬚ᭄ᬜᬦ᭄ᬧᬸᬢᬸᬲ᭄ᬦᬶᬲ᭄ᬢᬺᬱ᭄ᬡᬵ᭞ᬳᬫᬥᬗᬶᬮᭀᬓᬲᬫᬶ᭞ᬭᬚᬯᬶᬓᬸ᭞ᬓᬶᬦᬭᬦᬦ᭄ᬲᬗ᭄ᬳ᭄ᬬᬂᬩᬸᬤ᭄ᬥ᭛᭐᭛ᬧᬸᬧᬸᬄᬕᬶᬦᬤ᭄ᬥ᭛᭐᭛
[᭑᭓ 13A]
ᬬᬾᬜ᭄ᬚᬢᬶᬫᭂᬍᬤ᭄ᬧᬂᬦᬯᬂ᭞ᬭᬶᬂᬦᬾᬚᬢᬶᬳᬭᬜ᭄ᬚᬢᬶ᭞ᬧᬸᬭᬸᬦ᭄ᬓᬾᬘᭂᬦᬶᬂᬦᭂᬍᬩᬂ᭞ᬜ᭄ᬚᬚᬄᬫᬗ᭄ᬭᬸᬭᬸᬄᬫᬜᬸᬲᬸᬧ᭄᭞ᬗ᭄ᬭᬕᬬᬂᬦᬾᬧᬧᭀᬮᭀᬲᬦ᭄᭞ᬫᬜᬶᬘᬶᬧᬶᬦ᭄
᭞ᬗ᭄ᬘᬧ᭄ᬕᬂᬦᬾᬢᬦ᭄ᬧᬭᬱ᭛ᬢᬸᬳᬸᬬᬸᬓ᭄ᬢᬶᬲᭂᬗ᭄ᬓᬵᬧᭂᬲᬦ᭄᭞ᬗᭂᬘᬧᬶᬦᬾᬢᬸᬳᬸᬬᬸᬓ᭄ᬢᬶ᭞ᬚᬢᬶᬯᬩᬦᬶᬩᬦ᭄ᬬᬦ᭄᭞ᬗᬗ᭄ᬓᭂᬦᬶᬦᬾᬚᬢᬶᬢᬸᬳᬸ᭞ᬩᬦ᭄ᬓᭂᬢᬄ
ᬫᬧᬸᬲ᭄ᬳᬧᬸᬲᬦ᭄᭞ᬲᬮᬶᬂᬓ᭄ᬮᬶᬤᬶᬦ᭄᭞ᬦᬾᬬᬸᬓ᭄ᬢᬶᬢᬦ᭄ᬧᬸᬭᬸᬦᬶᬗ᭄ᬕᬮ᭄᭛ᬓᬤᬸᬂᬳᬶᬧ᭄ᬬᬦᬾᬫᭂᬮᬄ᭞ᬗᬤᭂᬕ᭄ᬳᬕᬸᬂᬜᬓ᭄ᬭᬯᭂᬃᬢ᭄ᬢᬶ᭞ᬳᬾᬫᬦ᭄ᬲᬚᬬᬦ᭄ᬢᬗ᭄ᬬᬂ᭞ᬲᬸ
ᬓᬬᬦ᭄ᬧᬸᬍᬲᬾᬦᭂᬭᬸᬲ᭄᭞ᬬᬾᬦ᭄ᬳᭂᬦ᭄ᬢᭂᬦ᭄ᬧᬓ᭄ᬱᬓᬶᬤᭂᬫᬂ᭞ᬜᭂᬮᬧ᭄ᬳᬗ᭄ᬲᬧᬶᬦ᭄᭞ᬤᬾᬯᬾᬓᬯᬦ᭄ᬢᬄᬩᭀᬕᭀᬮᬦ᭄᭛᭐᭛ᬳᭀᬯᬸᬧᬸᬄᬳᬶᬲ᭄ᬢ᭄ᬭᬶᬢ
Kaca:Bali-lontar-paparikan-darmapada-350ppi.pdf/13
Kaca puniki sampun kauji-wacén
