[᭑᭔ 14B]
᭑᭔
ᬢ᭄ᬥᭀᬂᬚᬳᬶᬓᬸ᭞ᬢ᭄ᬯᬄᬢᬸᬯᬶᬢᭀᬦᬾᬚᬢ᭄ᬬ᭞ᬦᬾᬤᬸᬭᬸᬂᬩᬓᬢ᭄ᬕᭂᬮᬳᬂ᭛ᬲᬮ᭄ᬯᬶᬃᬦᬾᬲᬫ᭄ᬧᬸᬦ᭄ᬭᬱᬬᬂᬳᬶᬓᬸ᭞ᬗᬯᬶᬦᬂᬫᭂᬤ᭄ᬫᬗᭂᬘᬧᬂ᭞ᬬᬾᬦ᭄ᬫᭂᬤ᭄ᬧᬓ᭄ᬧᬵᬓᭂᬘ
ᬧᬂᬋᬓᬾ᭞ᬦᬸᬫ᭄ᬩᬸᬯᬂᬤᬸᬓᬶᬢᬓᬬᬸᬦ᭄᭞ᬲᬸᬓᬦᬾᬧᬚᭂᬗᬦ᭄ᬳᬶᬓᬸ᭞ᬯᬦ᭄ᬢᬄᬬᬸᬓ᭄ᬢᬶᬦᬾᬧᬸᬦᬶᬓ᭞ᬲᬤᬸᬭᬸᬂᬳᭀᬍᬕ᭄ᬯᬋᬕᬦ᭄᭛ᬘᭀᬩᬶᬲᭂᬍᬄᬫᬗ᭄ᬤᬾᬦ᭄ᬩᬓᬵ
ᬢ᭄ᬢᬸᬳᬸ᭞ᬲᬗ᭄ᬓᬦ᭄ᬯᬾᬦ᭄ᬢᭂᬜ᭄ᬚᭂᬮᬾᬫᭂᬮᬄ᭞ᬳᭂᬜᬾᬦ᭄ᬳᭂᬦ᭄ᬢᭀᬗ᭄ᬭᬕᬕᬺᬓᬾ᭞ᬳᬧᬦᬾᬳᬗ᭄ᬕᬾᬦ᭄ᬫᬗᬸᬓᬸᬃ᭞ᬳᬧᬧᬢᭂᬄᬲᬚᬕᬢ᭄ᬳᬶᬓᬸ᭞ᬦᬾᬦᬾᬫᬳᬗ᭄ᬕᬾᬦ᭄ᬗᬸᬚ᭄ᬬᬂ
ᬘᭀᬩᬶᬲᬸᬲᬸᬧ᭄ᬫᬗ᭄ᬤᬾᬦ᭄ᬢᬯᬂ᭛ᬲᬸᬓᬤᬸᬓᬯᬶᬢᬶᬂᬢᬸᬗ᭄ᬕᬮ᭄ᬳᬶᬓᬸ᭞ᬩᭀᬗ᭄ᬓᬶᬮ᭄ᬚᭂᬮᬾᬫᭂᬮᬄ᭞ᬦᬾᬫᭂᬮᬄᬲᬸᬓᬭᬱᬦᬾ᭞ᬦᬾᬚᭂᬮᬾᬗᬯᬶᬦᬂᬲᬸᬗ᭄ᬲᬸᬢ᭄
[᭑᭕ 15A]
ᬢᬺᬱ᭄ᬡᬦᬾᬬᬸᬓ᭄ᬢᬶᬢᬸᬳᬸ᭞ᬲᬓᬶᬢ᭄ᬫᬢᬶᬦᬾᬫᬓᬤ᭞ᬢᭀᬚ᭄ᬯᬦᬾᬗᭂᬍᬕᬦᬶᬦ᭄ᬫᬦᬄ᭛ᬲᬸᬓᬤᬸᬓᬚ᭄ᬯᬭᬱᬬᬂᬢᬸᬳᬸ᭞ᬳᬦ᭄ᬢᬸᬓ᭄ᬯᬾᬦ᭄ᬢᭂᬦ᭄ᬓᬵᬢᭀᬦ᭄ᬫᭂᬮᬄ᭞ᬓᬢᭀ
ᬦ᭄ᬩᭂᬘᬶᬓᬾᬭᬕ᭄ᬭᬕᬂ᭞ᬳᬦᬸᬢ᭄ᬭᬶᬂᬤᭂᬫᭂᬦᬾᬢᬸᬳᬸ᭞ᬜᬩ᭄ᬭᬦ᭄ᬳᬸᬯᬄᬦᬸᬳᬸᬢ᭄ᬮᬕᬸ᭞ᬫᭂᬮᬳᬾᬂᬗᬸᬦᬶᬢᬶᬫ᭄ᬩᬗᬂ᭞ᬫᬗ᭄ᬓᬶᬦ᭄ᬓᬢᭀᬦ᭄ᬓᬯᬲ᭄ᬢᬦᬦ᭄᭛ᬲᬓ᭄ᬯᬾᬳᬶᬂᬚᬦ᭄ᬫᬭᬶᬂᬚ
ᬕᬢ᭄ᬢᬸᬳᬸ᭞ᬯᬾᬦ᭄ᬢᭂᬜ᭄ᬘᭂᬦᬶᬂᬫᭂᬦᬯᬂ᭞ᬦᬾᬮᬗ᭄ᬕᭂᬂᬫᭀᬮᬶᬄᬲᬸᬓᬦᬾ᭞ᬬᬤ᭄ᬬᬦᬾᬤᬸᬓᬲᬢᬸᬳᬸᬓ᭄᭞ᬯᬾᬦ᭄ᬢᭂᬦ᭄ᬗᬾᬤᬦ᭄ᬜᬲᬶᬦᬄᬢᬸᬳᬸ᭞ᬳᬕᬸᬂᬳᬮᬶᬢ᭄ᬳ᭄ᬬᬦ᭄ᬳᬤᬸ
ᬗᬂ᭞ᬲᬸᬓᬦᬶᬂᬮᬬᬄᬗᬚᭂᬗᬵᬂ᭛᭐᭛ᬧᬸᬧᬸᬄᬕᬶᬦᬥ᭛᭐᭛ᬬᬤ᭄ᬬᬦ᭄ᬮᬭᬦᬶᬂᬲᭂᬥᬸᬓᬦ᭄᭞ᬢ᭄ᬯᬶᬲᬓᬶᬢᬶᬂᬗ᭄ᬭᬧᬓᬦᬶᬦ᭄᭞ᬤᬸᬓᬦᬶᬂᬲᬮᬄ
Kaca:Bali-lontar-paparikan-darmapada-350ppi.pdf/15
Kaca puniki sampun kauji-wacén
