[᭑᭕ 15B]
᭑᭕
ᬳᬘᭂᬧᬦ᭄᭞ᬲᬸᬓᬦᬶᬂᬩᭂᬥᬓ᭄ᬫᬗᬶᬦᬸᬫ᭄᭞ᬍᬕᬦᬶᬂᬢᬶᬲ᭄ᬓᬗᬶᬦᬦ᭄᭞ᬬᬸᬓ᭄ᬢᬶᬢᬸᬗ᭄ᬕᬶᬮ᭄᭞ᬧᬢᭂᬄᬢᭂᬍᬩᬾᬗᭂᬘᬧᬂ᭛ᬯᬦ᭄ᬢᬄᬦᬾᬳᬗ᭄ᬕᬾᬦ᭄ᬫᭀᬮᬶᬳᬂ᭞ᬩᬭᬾ
ᬦᬾᬦᬾᬗ᭄ᬕᬾᬦ᭄ᬫᬜ᭄ᬘᬶᬗᬦ᭄᭞ᬳᬶᬓᬸᬬᬸᬓ᭄ᬢᬶᬫᬩᬶᬦᬬᬦ᭄᭞ᬯᬾᬦ᭄ᬢᭂᬦᬾᬧᬰ᭄ᬭᬡᬮᬶᬬᬸ᭞ᬯᬾᬦ᭄ᬢᭂᬦ᭄ᬳᬓᬶᬓᬶᬢ᭄ᬗᬤᭀᬓᬂ᭞ᬫᬗ᭄ᬤᬾᬳᭀᬮᬶᬄ᭞ᬓᬲᬸᬓᬦ᭄ᬫᬦᬄᬳᬚᬳᬦ᭄
᭛ᬬᬸᬓ᭄ᬢᬶᬢᬦ᭄ᬯᬾᬦ᭄ᬢᭂᬦ᭄ᬓᬲᬸᬓᬦ᭄᭞ᬦᬾᬮᬗ᭄ᬕᭂᬂᬗᭂᬍᬕᬦᬶᬦ᭄ᬲᬳᬶ᭞ᬢᬦ᭄ᬯᬾᬦ᭄ᬢᭂᬜ᭄ᬚᬤ᭄ᬫᬓᬯᬾᬳᬦ᭄᭞ᬦᬾᬫᭀᬮᬶᬄᬋᬡᬲᬢᬸᬳᬸᬓ᭄᭞ᬲᬓᬶᬂᬦᬶᬦ᭄ᬤᬶᬳᬶᬦ᭄ᬓᬲᬸ
ᬓᬦ᭄᭞ᬳᬦ᭄ᬢᬸᬓ᭄ᬬᬸᬓ᭄ᬢᬶ᭞ᬲᬸᬓᬤᬸᬓᬦᬾᬢ᭄ᬯᬶᬓᭂᬫ᭄ᬩᬃ᭞᭛ᬲᬗᬓ᭄ᬦᬾᬓᬢᭀᬦ᭄ᬫᬓ᭄ᬭᬡᬦ᭄᭞ᬳᬦ᭄ᬢᬸᬓ᭄ᬳᬸᬦᬶᬂᬭᬶᬂᬦᬾᬩᭂᬘᬶᬓ᭄᭞ᬳᭂᬦ᭄ᬢᭀᬳᬭᬦ᭄ᬭᬱᬤᬸᬓ᭞ᬩ
[᭑᭖ 16A]
ᬦᬾᬲᬸᬓᬚ᭄ᬯᬢᬳᬾᬦ᭄ᬢᭂᬧᬸᬓ᭄᭞ᬬᬾᬦ᭄ᬢᬦ᭄ᬳᬸᬦᬶᬂᬗ᭄ᬭᬱᬲᬸᬓ᭞ᬢᬦ᭄ᬫᬡ᭄ᬥᬸᬕᬶ᭞ᬳᬸᬦᬶᬂᬗ᭄ᬭᬱᬬᬂᬢᭀᬤᬸᬓ᭛ᬫᭂᬮᬳᬂᬜᭂᬍᬄᬗᬯᬲᬂ᭞ᬳᬧᬦ᭄ᬚ᭄ᬯᬲᬭᬸᬯᬶᬬᬸᬓ᭄ᬢᬶ᭞ᬤᬵᬗ
ᬤᬾᬦ᭄ᬲᬸᬓᬤᬸᬓᬳᬶᬓᬵ᭞ᬦᬾᬗᬤᬓᬂᬩᭂᬘᬶᬓ᭄ᬍᬢᬸᬄ᭞ᬗᬶᬂᬯᬦ᭄ᬢᬄᬦᬾᬚᭂᬮᬾᬫᭂᬮᬄ᭞ᬓ᭄ᬭᬾᬓᬵᬭᬶᬳᬶᬦ᭄᭞ᬢᭀᬭᬱᬬᬂᬲᬸᬓᬤᬸᬓ᭛ᬦᬾᬓᭂᬢᬄᬳᬭ
ᬦᬶᬦ᭄ᬫᭂᬮᬄ᭞ᬬᬾᬦ᭄ᬲᭂᬗ᭄ᬕᬸᬄᬲᬸᬓᬳᬭᬦᬶᬦ᭄᭞ᬦᬾᬦᬸᬫ᭄ᬩᬸᬳᬂᬭᬱᬤᬸᬓ᭞ᬳᬦ᭄ᬢᬸᬓ᭄ᬦᬾᬚᭂᬮᬾᬓ᭄ᬧᬗ᭄ᬕᬸᬄ᭞ᬜᬾᬜ᭄ᬚ᭄ᬯᬗᬶᬘᬾᬦ᭄ᬧᬦᬸᬕ᭄ᬭᬳᬦ᭄᭞ᬲᬗ᭄ᬓᬦ᭄ᬩᬦᬶ᭞ᬦᬸᬤᬸᬄ
ᬦᬾᬚᭂᬮᬾᬢᭀᬫᭂᬮᬄ᭛ᬢᭀᬚ᭄ᬯᬵᬗᬯᬶᬦᬂᬢᬸᬮᬄ᭞ᬩᬦ᭄ᬳᬗ᭄ᬓᬸᬄᬧᬸᬭᬸᬦ᭄ᬗ᭄ᬯᬤᬶᬦ᭄᭞ᬧᭂᬢᭂᬂᬍᬫᬄᬢᬦ᭄ᬭᬾᬭᬾᬦᬦ᭄᭞ᬫᭂᬮᬳᬶᬩ᭄ᬩᬩᬃᬫᬦᬸᬤᬸᬕ᭄
Kaca:Bali-lontar-paparikan-darmapada-350ppi.pdf/16
Kaca puniki sampun kauji-wacén
