[᭑᭖ 16B]
᭑᭖
᭞ᬦᬾᬦᬸᬤᬸᬄᬫᭂᬮᬄᬩᬸᬤ᭄ᬥ᭄ᬬᬂ᭞ᬲᬗᬸᬳᬸᬗ᭄ᬲᬶ᭞ᬢᬦ᭄ᬲᬄᬤᬸᬓᬫ᭄ᬭᬱᬫ᭄ᬩᬸᬳᬦ᭄᭛ᬬᬦ᭄ᬳᬶᬥᬸᬧᬾᬯᬢᭂᬓ᭄ᬫ᭄ᬭᬲᭂᬧᬄ᭞ᬲᬗ᭄ᬓᬦ᭄ᬲᬗ᭄ᬲᬭᬓᬭᬦᬶᬦ᭄᭞ᬫᭂᬍᬤᬾ
ᬗᬯᬶᬦᬂᬳᬸᬬᬂ᭞ᬢᬺᬱ᭄ᬡᬦᬾᬬᬾᬓᬧᬦᭂᬕᬸᬮ᭄᭞ᬉᬭᬶᬧᬾᬢᬦ᭄ᬲᬄᬩᭂᬤᬓ᭄᭞ᬲᬳᬶᬇᬦᬸᬫᬶᬦ᭄᭞ᬦᬗ᭄ᬳᬶᬂᬚ᭄ᬯᬦᬸᬫᬗ᭄ᬕᭂᬄᬩᭂᬥᬓ᭄᭛ᬳᬶᬓᬵᬦᬾᬗᬯᬶᬦᬂ
ᬳᭂᬫ᭄ᬩᬲ᭄᭞ᬅᬕᬫᬵᬢ᭄ᬯᬶᬇᬮ᭄ᬫᬸᬩᬢᬶᬦ᭄᭞ᬲᬫᬵᬫᬗ᭄ᬭᬸᬭᬸᬄᬓᬯᬶᬢᬦ᭄᭞ᬲᬗ᭄ᬓᬦ᭄ᬧᬭᬦ᭄ᬳᬸᬭᬶᬧ᭄ᬳᬶᬓᬸ᭞ᬲᬓᬶᬂᬢ᭄ᬯᬶᬢᭀᬓᬳᬸᬮᬄ᭞ᬓᬲᬶᬍᬫᬶᬦ᭄᭞ᬭᬯᬸᬄᬫᬗ᭄ᬓᬶ
ᬦ᭄ᬤᬸᬭᬸᬂᬢᬢᬲ᭄᭛ᬳᬓᬾᬄᬫᭂᬢᬸᬭᬭᬜ᭄ᬘᬗᬦ᭄᭞ᬫᬗ᭄ᬭᬾᬓᬦᬾᬢᬶᬤᭀᬂᬬᬸᬓ᭄ᬢᬶ᭞ᬢ᭄ᬯᬄᬳᬗ᭄ᬕᬾᬦ᭄ᬗᬧᬸᬲᬶᬦ᭄ᬫᬦᬄ᭞ᬫᬗ᭄ᬤᬾᬦ᭄ᬢᬶᬲ᭄ᬲᬶᬋᬧᬾᬦ᭄ᬭᬸᬲ᭄᭞ᬳᬦ᭄ᬢᬸ
[᭑᭗ 17A]
ᬓ᭄ᬳᬫᬦ᭄ᬫᬗ᭄ᬮᬾᬩᬂ᭞ᬦᬾᬦᬶᬦ᭄ᬤᬶᬳᬶᬦ᭄᭞ᬳᬚ᭄ᬭᬶᬄᬗᬗ᭄ᬓᭂᬦᬶᬦᬾᬲᬚ᭛ᬗ᭄ᬳᬶᬂᬬᬾᬜ᭄ᬚᬢᬶᬫᭂᬍᬤ᭄ᬧᬂᬦᬯᬂ᭞ᬭᬶᬂᬦᬾᬲᬸᬚᬢᬶᬯᬶᬬᬸᬓ᭄ᬢᬶ᭞ᬧᬗ᭄ᬭᬱᬦᬾᬚ᭄ᬯᬵᬗ᭄ᬕᬾᬦ᭄ᬢᬶᬗ᭄ᬳᬮ᭄
ᬤᬵᬗᭂᬓᭀᬄᬚᭀᬕ᭄ᬩᬸᬕᬸ᭞ᬢᭂᬓᬾᬦ᭄ᬓᬢᬸᬢᬸᬭᬦ᭄ᬳᬯᬓ᭄᭞ᬢᬦ᭄ᬧᬪᬸᬓ᭄ᬢᬶ᭞ᬧᬢᬸᬢ᭄ᬓᭂᬘᬧᬂᬧ᭄ᬭᬕᬬᬦ᭄᭛ᬤᬵᬜᭂᬦᬕᬶᬄᬗᬺᬕᭂᬧᬂ᭞ᬜᭂᬦ᭄ᬢᭀᬓᬂᬤᬾᬯᬾ
ᬓᬾᬭᬶᬭᬶᬄ᭞ᬳᬧᬦᬾᬢᬶᬤᭀᬂᬓᬤ᭄ᬯᬕᬦ᭄᭞ᬢᬦ᭄ᬯᭂᬦᬂᬋᬱᬧᬂᬢᬸᬳᬸ᭞ᬯᬦ᭄ᬢᬄᬧᬗ᭄ᬭᬱᬦᬾᬯ᭄ᬦᬂ᭞ᬫᬗ᭄ᬭᬱᬦᬶᬦ᭄᭞ᬤᬵᬫᭂᬢᬓᭀᬦ᭄ᬳᬧᬓ᭄ᬭᬡ᭛ᬲᬸᬃ
ᬬ᭄ᬬᬦᬾᬫᬲᬸᬦᬃᬕᬮᬂ᭞ᬳᬧᬶᬦᬾᬫᬯᬓ᭄ᬗᭂᬩᬸᬲᬶᬦ᭄᭞ᬓᬸᬤ᭄ᬬᬂᬳᭂᬦ᭄ᬢᭀᬚ᭄ᬯᬗᬺᬱᭂᬧᬂ᭞ᬓᬸᬤ᭄ᬬᬂᬩᬳᬦ᭄ᬢ᭄ᬯᬭᬗᬸᬕᬸ᭞ᬓᬾᬦ᭄ᬓᬾᬦ᭄ᬗᬳᬦ᭄ᬫᬦᬸᬢᬸᬭᬂ᭞ᬤ᭄ᬬᬧᬶᬦ᭄ᬭᬶᬭᬶᬄ
Kaca:Bali-lontar-paparikan-darmapada-350ppi.pdf/17
Kaca puniki sampun kauji-wacén
