[᭑᭘ 18B]
᭑᭘
ᬮᬶᬄᬳᬸᬧᬄ᭛ᬬᬾᬦ᭄ᬓᬾᬢᭀᬢᬡ᭄ᬥᬩᬶᬦᬜ᭞ᬗᬺᬋᬄᬲ᭄ᬯᬃᬕ᭄ᬕᬢᬸᬯᬶᬦ᭄᭞ᬲᬸᬕᬶᬄ᭞ᬧᬥᬫ᭄ᬭᬲᬄᬫᬳᬗ᭄ᬓᬸᬳᬦ᭄᭞ᬧᬥᬵᬢ᭄ᬯᬭᬗᬶᬢᬸᬂᬢᬸᬬᬸᬄ᭞ᬜᭂᬢᬭᬕ
ᬫᭂᬓᭂᬓ᭄ᬳᬶᬦ᭄ᬤ᭄ᬭᬵ᭞ᬫᬗ᭄ᬤᬾᬧᭀᬮᬶᬄ᭞ᬳᬸᬧᬄᬦᬳᬭᬦ᭄ᬓᬲᬸᬓᬦ᭄᭛ᬳᭂᬦ᭄ᬢᭀᬢ᭄ᬯᬶᬦᬾᬗᬯᬶᬦᬂᬲᬚ᭞ᬉᬭᬶᬧᬾᬲᬗ᭄ᬲᬭᬬᬸᬓ᭄ᬢᬶ᭞ᬢᬦ᭄ᬲᬄᬫ᭄ᬭᬲᬄᬧᭂ
ᬢᭂᬂᬍᬫᬄ᭞ᬢᬦ᭄ᬯᬾᬦ᭄ᬢᭂᬜ᭄ᬚᬤ᭄ᬫᬦᬾᬮᬸᬧᬸᬢ᭄᭞ᬲᬢᬸᬳᬸᬓ᭄ᬫᬗᬸᬩᭂᬃᬮᬯᬢ᭄᭞ᬗ᭄ᬳᬶᬂᬢᬦ᭄ᬧᬗ᭄ᬕᬶᬄ᭞ᬳᬧᬦ᭄ᬢᭀᬮᬯᬢ᭄ᬧ᭄ᬭᬲᬬᬦ᭄᭛ᬦᬧᬶᬓᬾᬦᬾᬬᬸᬓ᭄ᬢᬶᬳ
ᬦ᭞ᬦᬾᬯᬾᬦ᭄ᬢᭂᬦ᭄ᬭᬶᬂᬚᬕᬢ᭄ᬳᬶᬓᬶ᭞ᬬᬸᬓ᭄ᬢᬶᬦᬾᬢᬦ᭄ᬳᬦᬳᬦ᭞ᬯᬦ᭄ᬢᬄᬲᬫᬶᬤᬤᭀᬲ᭄ᬢᬸᬳᬸ᭞ᬳᬯᬦᬦ᭄ᬢᬦ᭄ᬳᬦᬮᬗ᭄ᬕᭂᬂ᭞ᬳᬸᬯᬄᬲᬫᬶ᭞ᬇᬓᬢ᭄ᬯᬶᬯᬢᭂᬓᬶᬂᬓᬳ
[᭑᭙ 19A]
ᬦᬦ᭄᭛ᬧᬸᬭᬦᬾᬳᭂᬦ᭄ᬢᭀᬧᭂᬥᬲᬂ᭞ᬫᬕᭂᬮᬢᬸᬭᬦ᭄ᬭᬸᬲᬓ᭄ᬱᬫᬶ᭞ᬦᬾᬭᬶᬳᬶᬦ᭄ᬩᬓᬸᬄᬓᬮᬶᬦ᭄ᬢᬂ᭞ᬳᬶᬧᬶᬤᬦ᭄ᬓᬾᬗᬯᬶᬢ᭄ᬳᬸᬯᬸᬕ᭄᭞ᬦᬾᬘᬶᬗᬓᬶᬦ᭄ᬳᬚᬳᬦ᭄᭞ᬩᬾ
ᬤᬬᬸᬓ᭄ᬢᬶ᭞ᬭᬶᬂᬦᬾᬦᬶᬗᬓᬶᬦ᭄ᬳᬶᬩᬸᬲᬦ᭄᭛ᬦᬾᬘᭂᬦᬶᬓ᭄ᬓᬾᬗᬶᬦ᭄ᬗᭂᬤᬾᬦᬂ᭞ᬦᬾᬓᭂᬤᬲ᭄ᬫᬦᬥᬶᬤᭂᬓᬶᬮ᭄᭞ᬦᬾᬳᬦ᭄ᬤᬧ᭄ᬫᬶᬥᭂᬧ᭄ᬕᭂᬕᭂᬳᬂ᭞ᬦᬾᬳᬜᬃᬫᬦᬤᬶᬩᬸᬳᬸ
ᬓ᭄᭞ᬗ᭄ᬳᬶᬂᬳᬶᬧᬶᬤᬦ᭄ᬓᬾᬥᬾᬗᬂ᭞ᬤᬤᬶᬥᬓᬶ᭞ᬦᭂᬕᭂᬳᬂᬢᬸᬯᬶᬦ᭄ᬫᬸᬳᬸᬓᬂ᭛ᬦᬾᬗᭂᬦᬄᬳᬭᬦᬶᬦ᭄ᬢᬯᬄ᭞ᬩᬦ᭄ᬥᬸᬫᬸᬂᬓᭂᬢᬄᬳᬸᬦᬶᬗᬶᬦ᭄᭞ᬤᬵᬜᭂᬦ᭄ᬩᬜᬜᬓ᭄ᬓ
ᬧᬸᬲᬦ᭄᭞ᬗᬸᬕᬸᬍᬯᬶᬄᬩᬦ᭄ᬢ᭄ᬯᬭᬢᬯᬸ᭞ᬫᭂᬮᬳᬂᬤᬸᬫᬸᬦ᭄ᬜᬸᬧᬸᬧᬂ᭞ᬫ᭄ᬮᬸᬢ᭄ᬫᭂᬮᬸᬢᬶᬦ᭄᭞ᬫᬗ᭄ᬤᬢᬦᬓᬸᬢᬶᬦ᭄ᬮᬯᬢ᭄᭛᭐᭛ᬧᬸᬧᬸᬄᬇᬲ᭄ᬢ᭄ᬭᬶᬢᬦ᭄ᬧᭀ
Kaca:Bali-lontar-paparikan-darmapada-350ppi.pdf/19
Kaca puniki sampun kauji-wacén
