[᭒᭐ 20B]
᭒᭐
ᬦ᭄ᬤ᭄ᬭ᭄ᬬᬦᬾ᭞ᬗ᭄ᬕᬾᬦ᭄ᬫᭂᬜ᭄ᬘᬡᬵᬲᬃᬯ᭄ᬯᬳᬶᬥᬸᬧ᭄᭞ᬬᬾᬦᬾᬓᬾᬢᭀᬓᬲ᭄ᬯᬾᬡᬦ᭄ᬢᬸᬳᬸ᭞ᬫᭀᬫᭀᬬᬸᬓ᭄ᬢᬶᬢᬸᬯᬶᬲᬚ᭞ᬯᬢᭂᬓ᭄ᬦᬾᬦᬾᬫᬳᬶᬘᬬᬂ᭛ᬫᬸᬮᬵᬲᬸᬓᭂᬄᬫ
ᬜᬸᬲᬸᬧᬂᬳᬶᬓᬸ᭞ᬗᬶᬗᭂᬢᬶᬦᬾᬚᬢᬶᬲᬚ᭞ᬬᬾᬦ᭄ᬲᬫ᭄ᬧᬸᬦ᭄ᬲᬶᬤ᭄ᬥᬵᬫ᭄ᬭᬯᬢᬾ᭞ᬗᬩᭀᬢ᭄ᬲᬦ᭄ᬗᬗ᭄ᬓᭂᬦᬶᬦ᭄ᬳᬶᬓᬸ᭞ᬳᬧᬦ᭄ᬢᬸᬗ᭄ᬓᬲ᭄ᬭᬶᬂᬦᬾᬓᭂᬢᬄᬢᬸᬳᬸ᭞ᬲᭂᬗ᭄ᬕᬸᬄᬬᬸ
ᬓ᭄ᬢᬶᬚᬢᬶᬲᬚᬵ᭞ᬳᬾᬫᬦ᭄ᬳ᭄ᬬᬾᬦ᭄ᬳᬶᬧ᭄ᬬᬦᬾᬧᭂᬰᬢ᭄᭛ᬬᬾᬦ᭄ᬳᬸᬦᬶᬂᬫᬜᭂᬍᬓ᭄ᬦᬾᬲᬚᬢᬸᬳᬸ᭞ᬗᬗ᭄ᬓᭂᬦᬶᬦᬾᬢᬸᬳᬸᬚᬢ᭄ᬬ᭞ᬯᬶᬯᬾᬓᬳᬶᬓᬳᬭ
ᬦᬾ᭞ᬢᬦ᭄ᬫᬮᬶᬄᬢᬶᬦ᭄ᬤᬶᬄᬭᬶᬂᬤᬸᬤᬸ᭞ᬢᬸᬯᬄᬦᬾᬚᬢᬶᬤᬸᬓ᭄ᬳ᭄ᬬᬂᬇᬓᬸ᭞ᬧᬢᬶᬦ᭄ᬤᬶᬳᬦ᭄ᬳᬧᬂᬲᬚ᭞ᬫᬓᭂᬮᬾᬲ᭄ᬭᬶᬂᬧᬗ᭄ᬮᬶᬧᬸᬢ᭄ᬫᬮᬵ᭞᭛ᬳᬓᬾᬄᬳᬚᬓ᭄ᬢ᭄ᬯ
[᭒᭑ 21A]
ᬭᬦᬯᬂᬢᬸᬳᬸ᭞ᬓᬧᬶᬢᬸᬯᬶᬭᬶᬂᬳᬯᬓ᭄᭞ᬢᭀᬬᬸᬓ᭄ᬢᬶᬫᭀᬫᭀᬳᬭᬦᬾ᭞ᬲᬸᬓᭂᬄᬓᬮ᭄ᬫᬗ᭄ᬕᬶᬄᬦᬾᬢᬸᬳᬸ᭞ᬩᭂᬕᬕᬡ᭄ᬥᭀᬂᬫᬶᬍᬳᬦ᭄ᬯᬶᬓᬸᬮ᭄᭞ᬧᬢᭂᬕᬸᬳᬶᬦ᭄ᬧᭂ
ᬢᭂᬂᬍᬫᬄ᭞ᬜ᭄ᬮᭀᬕᬾᬓᬲᭂᬗ᭄ᬕᬸᬄᬧ᭄ᬭᬚ᭄ᬜᬦ᭄᭛ᬦᬗ᭄ᬳᬶᬂᬯᬾᬦ᭄ᬢᭂᬦ᭄ᬚ᭄ᬯᬳᬦᬦ᭄ᬯ᭄ᬭᬸᬄ᭞ᬭᬶᬂᬤᬾᬯᬾᬓᬾᬢ᭄ᬯᬭᬢᬯᬂ᭞ᬢᭀᬲᬾᬗᭂᬄᬭᬶᬂᬧᬤᬾᬯᬾᬓᬦᬾ᭞ᬕᭂᬮᬲ᭄ᬓ
ᬮ᭄ᬫᬗ᭄ᬕᬶᬄᬦᬾᬢᬸᬳᬸ᭞ᬤᬾᬯᬾᬓᬾᬫᬶᬍᬄᬳᬸᬭᬸᬓᬂᬫᬮᬸ᭞ᬫᬗ᭄ᬭᬸᬭᬸᬄᬦᬾᬬᬸᬓ᭄ᬢᬶᬲᬚ᭞ᬤᬸᬫᬸᬕᬶᬕᭂᬮᬶᬲ᭄ᬧᬭᬵᬚ᭄ᬜᬦ᭄᭛᭐᭛ᬧᬸᬧᬸᬄᬕᬶᬦᬤ᭄ᬥᬵ᭛
᭐᭛ᬢᬯᬾᬦ᭄ᬢᭂᬦ᭄ᬫᬮᬶᬄᬢᬦᬯᬂ᭞ᬭᬶᬂᬤᬾᬯᬾᬓ᭄ᬦᬾᬚᬢᬶᬳᬸᬦᬶᬂ᭞ᬳᬾᬤᬍᬫ᭄ᬯᬢᭂᬓ᭄ᬦ᭄ᬬᬳᬶᬓᬵ᭞ᬗᭂᬓᭀᬄᬜᬸᬚᬢ᭄ᬬᬂᬦᬾᬢᬸᬳᬸ᭞ᬢᬦ᭄ᬳᬦ᭄ᬤᭂᬮ᭄ᬭᬶᬂᬧᬤᭂᬯᬾᬓ
Kaca:Bali-lontar-paparikan-darmapada-350ppi.pdf/21
Kaca puniki sampun kauji-wacén
