[᭒᭗ 27B]
᭒᭗
ᬢ᭄ᬢᬫᬵᬢᬯᬄᬳᬶᬓᬸ᭞ᬫᬗᬯᬾᬭᬸᬲᬶᬢ᭄ᬲᬢᬢᬵ᭞ᬮᬸᬯᬶᬄᬩᬦ᭄ᬫᭂᬦᬂᬫᬋᬩᬢ᭄᭞᭛ᬦᬾᬚᬸᬂᬚᬸᬂᬧᬜᬶᬧ᭄ᬢᬚᬕᬢ᭄ᬢᬸᬳᬸ᭞ᬳᬗ᭄ᬓᭂᬦ᭄ᬕᭂᬮᬄᬗᬭᬕ᭞ᬢ᭄ᬯᬄᬤᬾ
ᬯᬾᬓᬾᬓᬗ᭄ᬕᬾᬬᬂ᭞ᬯ᭄ᬦᬂᬫᭀᬮᬶᬄᬲᬃᬕ᭄ᬕᬵᬳᬶᬓᬸ᭞ᬚᬤ᭄ᬫᬦᬾᬓᭂᬢᬄᬮ᭄ᬬᬸᬦᬦ᭄ᬢᬸᬳᬸ᭞ᬦ᭄ᬭᬓᬲᬫᬶᬦᬾᬓᬳᬸᬘᬧ᭄᭞ᬳᬦ᭄ᬢᬸᬓ᭄ᬤᬮᬸᬯᬃᬕᭀᬮᭀᬗᬦ᭄᭛᭞
ᬗᬸᬤ᭄ᬬᬂᬩᭂᬕᬵᬚᬸᬂᬚᬸᬂᬤᬾᬯᬳᬶᬓᬸ᭞ᬤᬾᬯᬵᬫᭀᬫᭀᬘᭂᬦᬶᬂᬳᬕᭂᬫᬂ᭞ᬢᬦ᭄ᬧᬢᭂᬄᬗᬸᬓᬸᬃᬲᭂᬧᬢᬾ᭞ᬫᬥᭂᬫᭂᬦ᭄ᬥᭂᬫᭂᬦᬦ᭄ᬢᬸᬳᬸ᭞ᬤ᭄ᬬᬧᬶᬜ᭄ᬘᭂᬦᬶᬂᬓᬶᬘᬾᬦ᭄
ᬍᬢᬸᬄ᭞ᬓ᭄ᬭᬘᬶᬲ᭄ᬧ᭄ᬭᬇᬦᬓᬳᬶᬘᬾᬦ᭄᭞ᬫᬗ᭄ᬤᬾᬦ᭄ᬓᬢ᭄ᬭᬶᬫᬭᬶᬂᬲ᭄ᬯᬃᬕ᭄ᬕᬵᬦ᭄᭛ᬫᭂᬮᬳᬂᬜᭂᬮᬶᬓ᭄ᬗᬯᬲᬂᬢᬸᬳᬸ᭞ᬦᬾᬧᬸᬬᬸᬂᬫᬶᬱ᭄ᬬᬦ᭄᭞
[᭒᭘ 28A]
ᬦᬾᬧᬸᬬᬸᬂᬲ᭄ᬭᬶᬂᬩᭂᬓᬦᬺᬓᭀ᭞ᬦᬾᬫᬶᬲᬶᬲ᭄ᬭᬶᬗᬦ᭄ᬳᭂᬫ᭄ᬩᬸᬄ᭞ᬫᬗ᭄ᬤᬾᬜ᭄ᬘᭂᬦᬶᬂᬚ᭄ᬯᬵᬳᬯᬲ᭄ᬢᬸᬳᬸ᭞ᬤᬵᬜᭂᬦ᭄ᬧᬮᬶᬂᬫᬗᭂᬦᭂᬳᬂ᭞ᬜᭂᬫ᭄ᬩᬄᬦᬾᬧᬸᬬᬸᬂᬫᭂᬢᬮᬂ᭛ᬳᭂᬦ᭄ᬢᭀᬳᬤ
ᬳᬦᬓ᭄ᬥᬳᬓ᭄ᬳᬶᬓᬸ᭞ᬢ᭄ᬯᬭᬧᬢᬶᬗᭂᬮᬄᬚᬶᬦᬄ᭞ᬦᬗ᭄ᬳᬶᬂᬩᬶᬱᬮᬶᬫ᭄ᬩᬓᬂᬋᬓᬾ᭞ᬫᬧᬯᬾᬯᬾᬄᬭᬶᬂᬦᬓ᭄ᬮᬘᬸᬃ᭞ᬦ᭄ᬢᭀᬢᬸᬯᬶᬳᬭᬦ᭄ᬳᭂᬩᭂᬓ᭄ᬳᬶᬓᬸ᭞ᬚᬢᬶᬫᬶᬲᬶᬦᬾᬧᬸᬬᬸ
ᬗᬦ᭄᭞ᬢᬦ᭄ᬩᬗᭂᬢ᭄ᬫ᭄ᬭᬲᬄᬳᭂᬫ᭄ᬩᬦ᭄᭛ᬳᭂᬦ᭄ᬢᭀᬦᬾᬲᬸᬕᬶᬄᬓᬭᬦᬦ᭄ᬳᬶᬓᬸ᭞ᬗ᭄ᬭᬓ᭄ᬱᬲᬭᬶᬓᭂᬢᭂᬕᬮ᭄ᬳᬩ᭄ᬬᬦ᭄᭞ᬢᬦ᭄ᬲᬄᬫ᭄ᬭᬲᬄᬩᬦ᭄ᬳᭂᬫ᭄ᬩ᭄ᬯᬦᬾ᭞ᬲᬳᬶᬗ᭄ᬭᬱᬵ
ᬤᬾᬯᬾᬓ᭄ᬧᬸᬬᬸᬂ᭞ᬓᬮᬶᬂᬩᬶᬱᬗᭂᬮᬶᬫ᭄ᬩᬓᬂᬢᬸᬳᬸ᭞ᬫᬗᭀᬮᬲᬶᬦ᭄ᬓᬤᬂᬩ᭄ᬭᬬ᭞ᬤᬾᬯᬾᬓᬾᬲᬳᬶᬳᭂᬫ᭄ᬩ᭄ᬯᬦ᭄᭞᭛ᬢᬦ᭄ᬲᬄᬫ᭄ᬭᬲᬄᬲᬳᬶᬫᬳᬶᬩᬸᬓᬦ᭄ᬤᬸ
Kaca:Bali-lontar-paparikan-darmapada-350ppi.pdf/28
Kaca puniki sampun kauji-wacén
