[᭒᭘ 28B]
᭒᭘
ᬬᬸᬢ᭄᭞ᬗ᭄ᬭᬸᬗᬸᬧᬸᬬᬸᬗᬾᬕᬶᬲ᭄ᬬᬂ᭞ᬫᬤᬾᬯᬾᬓ᭄ᬩᭀᬤᬕᬾᬕ᭄ᬥᬾ᭞ᬢᬜ᭄ᬚᬵᬳᭂᬩᭂᬓ᭄ᬩᬳᬦ᭄ᬗᬸᬭᬸᬕ᭄᭞ᬦᬾᬗ᭄ᬭᬓ᭄ᬱᬩ᭄ᬭᬡᬦᬾᬢᬸᬳᬸ᭞ᬧᬓᬶᬂᬲᬦ᭄ᬢ᭄ᬯᬄᬳᬓᬸᬕᭂᬮᬄ᭞ᬤᬾ
ᬯᬾᬓᬾᬫᬳᬸᬧᬄᬗᭂᬩᬕ᭄᭛ᬮᬫ᭄ᬧᬳᬶᬦ᭄ᬳᭂᬗ᭄ᬲᬧ᭄ᬫᬤᬳᬃᬳᬶᬓᬸ᭞ᬧᭂᬢᭂᬂᬍᬫᬄᬫᭂᬢᬾᬓ᭄ᬱᭂᬮᬓ᭞ᬘᬭᬢ᭄ᬘᬸᬭᬸᬢ᭄ᬫ᭄ᬭᬾᬓ᭄ᬱᬕ᭄ᬮᬳᬾ᭞ᬤᬳᬲ᭄ᬥᬶᬳᬶᬲ᭄ᬦᭂᬩᬸᬓ᭄
ᬗᬼᬲᬸᬂ᭞ᬯᭂᬗᬶᬦᬾᬩ᭄ᬭᬡᬦᬾᬚᬗ᭄ᬓᬸᬢ᭄᭞ᬫᬗ᭄ᬤᬾᬦᬾᬧᭀᬮᬶᬳᬦ᭄ᬮ᭄ᬬᬵᬂ᭞ᬳᬸᬧᬄᬳᬭᬸᬧ᭄ᬬᬄᬗᬩᬸᬮᬦ᭄᭛ᬓᬮᬶᬂᬓᬾᬗᬶᬢᬸᬗᬶᬦ᭄ᬢᬶᬫ᭄ᬧᬮ᭄ᬢᬸᬳᬸ᭞ᬤᬾᬯᬾᬓᬾ
ᬧᭂᬥᬶᬓᬯᭂᬗᬦ᭄᭞ᬜᭂᬥᭂᬗᬶᬂᬧᬶᬲ᭄ᬳᬭᬸᬧ᭄ᬬᬄᬋᬓᬾ᭞ᬗ᭄ᬕᬾᬦ᭄ᬧᬗᬗ᭄ᬕᬾᬧᬗᬦ᭄ᬓᬶᬦᬸᬫ᭄᭞ᬬᬤ᭄ᬬᬦ᭄ᬮᬶᬬᬸᬭᬓ᭄ᬱᬳᬶᬓᬸ᭞ᬢ᭄ᬯᬄᬧᬢᬶᬢᬶᬧ᭄ᬩ᭄ᬭᬡᬳᬶᬓ᭞ᬤᬾᬯᬾᬓᬾ
[᭒᭙ 29A]
ᬫᬕᬚᬶᬗᭂᬩᬕ᭄᭛ᬬᬸᬓ᭄ᬢᬶᬪᬕ᭄ᬬᬚ᭄ᬯᬵᬳᬭᬦ᭄ᬬᬳᬶᬓᬸ᭞ᬬᬾᬦ᭄ᬩᬶᬱᬫᬓᬶᬤ᭄ᬬᬂ᭞ᬳᬦ᭄ᬢᬸᬓ᭄ᬱᬶᬤ᭄ᬥᬮᬶᬫ᭄ᬩᬓ᭄ᬱᬳᬶᬦᬾ᭞ᬬᬤ᭄ᬬᬦ᭄ᬧᬗᭂᬦᬳᬾᬧᬸᬬᬸᬂ᭞ᬗ᭄ᬳᬶᬂᬦᭂᬳᭂᬩᭂ
ᬓ᭄ᬳᬶᬫ᭄ᬩ᭄ᬯᬦ᭄ᬳᬶᬓᬸ᭞ᬮᬬᬄᬲᭂᬲᬳᬶᬓᬳᬯᬲ᭄᭞ᬮ᭄ᬯᬶᬃᬗ᭄ᬭᬓ᭄ᬱᬲ᭄ᬭᬶᬂᬲᭂᬥᬸᬓᬦ᭄᭛ᬲᭂᬗ᭄ᬓᬵᬗ᭄ᬭᬓ᭄ᬱᬬᬸᬓ᭄ᬢᬶᬳᬭᬦ᭄ᬳᬶᬓᬸ᭞ᬳᬦᬳᬕᬸᬫᬶᬜᬬᬗᬵᬂ᭞ᬮ᭄ᬯᬶᬃᬓ᭄ᬦᬶᬂᬧᬸᬲ᭄ᬳᬸᬦᬶᬂᬘᭀᬭ
ᬳᬾ᭞ᬢᬦ᭄ᬲᬄᬫ᭄ᬭᬲᬄᬫᭂᬭᬄᬫᭂᬭᬸᬄ᭞ᬗᬸᬦ᭄ᬤᬸᬄᬤᬳᬃᬢ᭄ᬯᬶᬦ᭄ᬳᬮᬳᬶᬓᬸ᭞ᬓᬢᬶᬩᬾᬦ᭄ᬲᬓᬶᬢ᭄ᬲᬍᬫᬄ᭞ᬢᬸᬯᬶᬦ᭄ᬜᬧ᭄ᬜᬧ᭄ᬗᭂᬩᬕ᭄ᬩ᭄ᬭᬡ᭛ᬓᬢᬺᬱ᭄ᬡᬦᬾᬚ᭄ᬯᬵᬧᬜ᭄ᬚᭂ
ᬜ᭄ᬚᬂᬢᬸᬳᬸ᭞ᬦᬾᬫᭂᬤ᭄ᬩᭂᬤ᭄ᬦᭂᬓᭂᬓᬂ᭞ᬫᭂᬮᬳᬂᬧᭂᬲᬦ᭄ᬗᬯᬲᬺᬓᭀ᭞ᬫᬗ᭄ᬤᬢᬦ᭄ᬲ᭄ᬭᬶᬗᬦ᭄ᬮᬸᬧᬸᬢ᭄᭞ᬗᬤᬾᬦ᭄ᬢᬺᬱ᭄ᬡᬭᬶᬂᬧ᭄ᬬᬦᬓ᭄ᬳᬶᬓᬸ᭞ᬦᬗ᭄ᬳᬶᬂᬢᬶᬦ᭄ᬤᬶᬄᬭᬶᬂᬢᬢ᭄ᬯᬶᬬᬦ᭄
Kaca:Bali-lontar-paparikan-darmapada-350ppi.pdf/29
Kaca puniki sampun kauji-wacén
