[᭓᭒ 32B]
᭓᭒
ᬤᬳᬦᬓ᭄ᬗᬸᬗ᭄ᬓᬸᬮᬶᬦ᭄᭞ᬫᭂᬮᬳᬂᬫᬮᬸᬩᭂᬦᬳᬂ᭞ᬳᬧᬓᭀᬕᬸᬫᬦ᭄ᬢᬶᬢᬸᬳᬸ᭞ᬘᭂᬦᬶᬂᬫᭂᬍᬤ᭄ᬓᬧᬢᬸᬳᬂ᭞ᬭᬶᬂᬦᬾᬳᬮᬶᬢ᭄᭞ᬲᭂᬯᬢᭂᬓ᭄ᬦᬾᬫᬵᬦᬸᬱᬢᬸᬗ᭄ᬕᬮ᭄᭛
ᬬᬾᬦ᭄ᬢ᭄ᬯᬄᬳᬾᬕᭂᬂᬩᬸᬤ᭄ᬬᬂ᭞ᬫᬗ᭄ᬤᬾᬦ᭄ᬧᬢᭂᬄᬫᬭᬶᬂᬘᭂᬦᬶᬂ᭞ᬗ᭄ᬳᬶᬂᬦᬾᬳᬮᬶᬢ᭄ᬓᬢᬾᬧᬾᬲᬂ᭞ᬧᬱ᭄ᬝᬶᬩᬦ᭄ᬗᭂᬜ᭄ᬘᭂᬫᬶᬦ᭄ᬗᬸᬲᬸᬤ᭄᭞ᬬᬾᬦ᭄ᬓᬾᬢᭀᬢ᭄ᬯᬭᬧᭂᬲᬚᬵ᭞ᬢᬜ᭄ᬚᬬᬸ
ᬓ᭄ᬢᬶ᭞ᬘᭂᬦᬶᬂᬫᭂᬍᬤ᭄ᬓᬧᬢᬸᬢᬂ᭛ᬲᬮ᭄ᬯᬶᬃᬭᬶᬂᬧᬢᬸᬢ᭄ᬓᭂᬦᭂᬳᬂ᭞ᬲᬸᬲᬸᬧ᭄ᬲᬸᬭᬸᬧᬂᬓᭂᬘᬧᬳᬶᬦ᭄᭞ᬳᬧᬦᬾᬗᬯᬶᬦᬂᬳᬶᬓ᭞ᬧᬦᬤᭀᬱᬦᬾᬧᬸᬗ᭄ᬓᬸᬃ᭞ᬳᭂᬜ᭄ᬘᬾᬦᬾ
ᬲᬸᬚᬢᬶᬲᬚ᭞ᬳᭂᬜ᭄ᬘᬾᬦ᭄ᬢᭀᬲᬶᬂ᭞ᬫᬗ᭄ᬤᬵᬢ᭄ᬯᬭᬲᬮᬄᬧᬭᬵ᭛ᬦᬾᬭᬋᬫ᭄ᬓᬭᬡᬦ᭄ᬫᭂᬮᬄ᭞ᬢ᭄ᬯᬄᬦᬾᬲᬭᬢᬂᬘᭂᬦᬶᬂ᭞ᬢᭀᬫᭂᬍᬤᬂᬲᬳᬶᬩᬸᬤ᭄ᬬᬂ᭞
[᭓᭓ 33A]
ᬳᬗ᭄ᬳᬶᬂᬦᬾᬦᬾᬗᬯᬾᬳᬶᬤᬸᬧ᭄᭞ᬢᬦ᭄ᬚ᭄ᬯᬵᬯᬾᬦ᭄ᬢᭂᬦ᭄ᬫᬗᬺᬗᬬᬂ᭞ᬢᬦ᭄ᬧᬳᬚᬶ᭞ᬩᬦ᭄ᬢ᭄ᬯᬭᬫ᭞ᬦᭂᬮᬶᬧᭀᬮᬶᬳᬂ᭛ᬬᬾᬜ᭄ᬘᭂᬦᬶᬂᬦᬕᬶᬄᬩᭂᬓ᭄ᬩᭂᬓᬦ᭄᭞ᬳᬦ᭄ᬢᬸᬓ᭄ᬓᬧᭂᬕ
ᬢᬦ᭄ᬳᬗᬶᬦ᭄᭞ᬤᬶᬢᬸᬫᬭᬧᬘᬂᬗ᭄ᬭᬱ᭞ᬓᬾᬦ᭄ᬓᬕᬸᬡᬦ᭄ᬳᬗᬶᬦ᭄ᬳᬶᬓᬸ᭞ᬲᬓ᭄ᬯᬾᬳᬶᬂᬩ᭄ᬭᬡᬦᭀᬭ᭞ᬩᬦ᭄ᬤᬶᬗᬭᬶᬂ᭞ᬳᬗᬶᬦ᭄ᬳᬾᬩᭂᬓᬦ᭄ᬢᬗ᭄ᬓᬄ᭞᭛ᬢᭀᬓ᭄ᬭᬡᬩᬶᬱᬲᬶᬤ᭄ᬥ᭞
ᬩᬶᬱᬗᬶᬗᭂᬢᬶᬦᬾᬢᬸᬯᬶ᭞ᬫᬗ᭄ᬤᬾᬦ᭄ᬜᬢᬦ᭄ᬓᬤᬸᬭᬸᬲᬦ᭄᭞ᬢᬶᬦ᭄ᬤᬶᬄᬭᬶᬂᬦᬾᬢ᭄ᬯᬭᬢᬸᬳᬸ᭞ᬓᬤᬸᬂᬦᬸᬘᭂᬦᬶᬂᬧᬯᬶᬓᬦ᭄᭞ᬗᭂᬍᬕᬳᬂᬳᬓᬶᬓᬶᬢ᭄᭞ᬬᬾᬦ᭄ᬗᭂᬮᬶᬫ᭄ᬩᬓᬂ
ᬗᬯᬾᬫ᭄ᬭᬲᬄ᭛ᬳᬗ᭄ᬕᬾᬦ᭄ᬫᬦᬫ᭄ᬩᬓᬶᬜ᭄ᬘᭀᬭᬄ᭞ᬳᬸᬓᬸᬫᬦ᭄ᬭᬕ᭄ᬭᬕᬜ᭄ᬘᭂᬦᬶᬂ᭞ᬗ᭄ᬳᬶᬂᬳᬦ᭄ᬢᬸᬓ᭄ᬯᬾᬦ᭄ᬢᭂᬦ᭄ᬳᬸᬓᬸᬫᬦ᭄᭞ᬘᭀᬭᬄᬚᬕᬢᬾᬫᬯᬸᬯᬸᬄ᭞ᬗ᭄ᬭᬶᬓ᭄ᬭᬶᬓ᭄ᬤᬬ
Kaca:Bali-lontar-paparikan-darmapada-350ppi.pdf/33
Kaca puniki sampun kauji-wacén
