[᭓᭕ 35B]
᭓᭕
ᬧᬗᬼᬧᬲᬮ᭄ᬯᬶᬭᬶᬂᬉᬭᬶᬧ᭄᭞ᬫᬗ᭄ᬤᬳᬸᬲᬦ᭄ᬭᬾᬄᬲᬂᬫᬭ᭞ᬫᬗ᭄ᬤᬲᬸᬳᬸᬤ᭄ᬘᬭᬢ᭄ᬘᬸᬭᬸᬢ᭄᭞ᬜᬩ᭄ᬭᬦ᭄ᬜᬮᬸᬓ᭄ᬓᬲᬗ᭄ᬲᬭᬦ᭄᭞ᬫᬦᬸᬫᬤᬶ᭞ᬢᬦ᭄ᬲᬄᬫᬗ᭄ᬭᬲᬦᬶ
ᬦ᭄ᬤᬸᬓ᭛ᬳ᭄ᬬᬂᬩᬸᬤ᭄ᬥᬮ᭄ᬯᬶᬃᬧᬗᭂᬢᬶᬲᬦ᭄᭞ᬧᬬᬸᬩᬦ᭄ᬲᬮ᭄ᬯᬶᬭᬶᬂᬧᬮᬶᬂ᭞ᬦᬾᬦᬾᬳᬸᬬᬂᬳᬦ᭄ᬢᬸᬓ᭄ᬩᬶᬫ᭄ᬩᬂ᭞ᬦᬾᬳᬶᬩᬸᬓ᭄ᬳᬦ᭄ᬢᬸᬓᬦ᭄ᬩᬶᬗᬸᬂ᭞ᬬᬤ᭄ᬬᬦᬾᬲᬮᬄᬳᬘᭂ
ᬧᬦ᭄᭞ᬜᬓᬶᬢ᭄ᬳᬢᬶ᭞ᬦᬡ᭄ᬥᬗᬶᬦ᭄ᬮᬭᬦᬶᬜ᭄ᬚᬕᬢ᭄᭛ᬥᬃᬫ᭄ᬫᬦᬾᬧᬸᬦᬶᬓᬵᬢᬫ᭄ᬩᬵ᭞ᬦᬦ᭄ᬩᬦᬶᬦ᭄ᬲᬮ᭄ᬯᬶᬭᬶᬂᬓᬦᬶᬦ᭄᭞ᬗᬶᬘᬾᬦ᭄ᬳᬶᬦᬸᬫ᭄ᬭᬶᬂᬦᬾᬩᭂᬥᬓ᭄᭞ᬦᬾ
ᬮᬬᬄᬓᬶᬘᬾᬦᬶᬦ᭄ᬲᭂᬓᬸᬮ᭄᭞ᬢᬦ᭄ᬯᬾᬦ᭄ᬢᭂᬦ᭄ᬫᬶᬮᬶᬄᬧᬕ᭄ᬦᬳᬦ᭄᭞ᬫᬦᭂᬭᬗᬶᬦ᭄᭞ᬢᬦ᭄ᬗᬾᬢᬂᬮᬸᬳᬸᬃᬮᬦ᭄ᬳᬦ᭄ᬤᬧ᭄᭛ᬲᬗ᭄ᬓᬦᬾᬬᬵᬧᬕᬸᬭᬸᬯᬂ᭞ᬗ
[᭓᭖ 36A]
ᬫᭀᬗᬶᬦ᭄ᬥᬃᬫ᭄ᬫᬦᬾᬚᬢᬶ᭞ᬜᬸᬮᬸᬳᬶᬜ᭄ᬚᬕ᭄ᬢ᭄ᬲᬫ᭄ᬬᬦ᭄᭞ᬲᬧ᭄ᬢᬗᬶᬦ᭄ᬧᭂᬢᭂᬂᬓᬲᬸᬲᬸᬧ᭄᭞ᬫᬓᬲ᭄ᬬᬃᬧ᭄ᬭᬫᬗ᭄ᬓᬶᬦ᭄ᬢ᭄ᬭᬂ᭞ᬳᬶᬩᬸᬓ᭄ᬧᬮᬶᬂ᭞ᬩᬶᬂᬩᬂᬤᬸᬓᬳᬚ᭄ᬭᬶᬄᬲᬶᬦ᭄ᬦᬃ᭛
᭐᭛ᬧᬸᬧᬸᬄᬧᬸᬗ᭄ᬓᬸᬃ᭛᭐᭛ᬓᭀᬘᬧ᭄ᬢᬶᬩᬵᬭᬶᬂᬓᭀᬰᬮ᭞ᬲᬗ᭄ᬳ᭄ᬬᬂᬩᬸᬤ᭄ᬥᬵᬓᬶᬭᬶᬂᬳᬦ᭄ᬢᬸᬓ᭄ᬱᬂᬩᬶᬓ᭄ᬱᬸᬲᬫᬶ᭞ᬭᬶᬂᬫᬗ᭄ᬕᬯᬦᬳᬮᬸᬗ᭄ᬕᬸᬄ᭞ᬧᬤᬸ
ᬲᬸᬯᬦᬦ᭄ᬫᬦᬲᬓ᭄ᬭᬶᬢᬤᬸᬲᬸᬦ᭄ᬳᬮᬶᬢ᭄᭞ᬧᬕ᭄ᬦᬳᬦ᭄ᬧᬭᬯᬶᬓᬸ᭞ᬧᬭᬩ᭄ᬭᬳ᭄ᬫᬡᬲᬫ᭄ᬬᬦ᭄᭞ᬧᬥᬵᬫᬕᬸᬭᬸᬯᬶᬦ᭄ᬳᬚᬶ᭛ᬦᬾᬚᬦᬶᬓᬘᬭᬶᬢᬬᬂ᭞ᬯᬾᬦ᭄ᬢᭂᬦ᭄ᬯᬶ
ᬓᬸᬩ᭄ᬭᬳ᭄ᬫᬵᬡᬲᬋᬂᬓᭂᬓᬮᬶᬄ᭞ᬯᬲ᭄ᬢᬶᬲ᭄ᬢᬵᬳᬭᬦᬾᬳᬶᬓᬸ᭞ᬓᬮᬶᬄᬓᬯᬦ᭄ᬩᬭᬤ᭄ᬯᬚ᭞ᬲᬮᬶᬂᬩᭀᬬᬦᬶᬦ᭄᭞ᬧᬥᬢᬶᬦ᭄ᬤᬶᬄᬫᬭᬶᬂᬕᬸᬭᬸ᭞ᬩᬭᬤ᭄ᬯᬚᬭᬶᬂᬢᬵ
Kaca:Bali-lontar-paparikan-darmapada-350ppi.pdf/36
Kaca puniki sampun kauji-wacén
