[᭓᭘ 38B]
᭓᭘
ᬚ᭄ᬯᬵᬚᬦᬶᬜᬡ᭄ᬥᬗᬂ᭞ᬧᬕᭂᬋᬂᬗᬶᬦ᭄ᬕᭂᬮᬳᬾᬧᬱ᭄ᬝᬶᬩᬦ᭄ᬦᬗ᭄ᬕᬸᬄ᭞ᬳᬦᬓᬾᬫᬓᭂᬚᬂᬩᭀᬩᬤ᭄᭞ᬳᬶᬤᬳᭂᬗ᭄ᬲᬧ᭄ᬩᬋᬂᬦᬶᬗ᭄ᬳᬮᬶᬦ᭄᭛ᬳᭂᬜ᭄ᬘᭀᬦᬾᬚ
ᬢᬶᬧᭂᬲᬚ᭞ᬢ᭄ᬯᬄᬭᬕ᭄ᬭᬕᬦ᭄ᬧᬗ᭄ᬕᬶᬳᬾᬳᬦ᭄ᬢᬸᬓ᭄ᬗᬤᬩᬶᬦ᭄᭞ᬭᬭᬾᬓᬦ᭄ᬤᬾᬯᬾᬓᬾᬢᬗ᭄ᬕᬸᬄ᭞ᬕᭂᬮᬦ᭄ᬢᬶᬗᬶᬦ᭄ᬕᬶᬲᬶᬢᭂᬓᭂᬓᬂ᭞ᬳᭂᬗ᭄ᬓᬾᬦ᭄ᬬᬸᬓ᭄ᬢᬶᬗ᭄ᬕᬾᬦ᭄ᬗᬧᬸ
ᬲ᭄ᬫᬦᬳᬾᬩᬶᬗᬸᬂ᭞ᬧᬢᬶᬕᬫ᭄ᬕᬫ᭄ᬧᬧᬓ᭄ᬢᬺᬚᬓ᭄᭞ᬕᬫ᭄ᬩᬃᬢᬶᬫ᭄ᬧᬮᬾᬩᭀᬬᬦᬶᬦ᭄᭛ᬓᬾᬢᭀᬢᬸᬯᬶᬧᬭᬧᬡ᭄ᬥᬶᬢ᭞ᬬᬤ᭄ᬬᬦ᭄ᬯᭂᬭᬸᬄᬢᬢᬲ᭄ᬗ᭄ᬭ
ᬫ᭄ᬩᬂᬤᬾᬯᬲᬫᬶ᭞ᬗ᭄ᬳᬶᬂᬬᬾᬦ᭄ᬳᬸᬫᬳᬾᬢᬦ᭄ᬧᬗ᭄ᬕᬸᬄ᭞ᬓᬶᬚᬵᬭᬕᬦᬾᬳᬦ᭄ᬢᬸᬓᬂ᭞ᬯᭀᬂᬪᬸᬣᬢᬸᬯᬶᬲᬮᬶᬂᬧᬢᬸᬚᬸᬯᬶᬦ᭄ᬭᬸᬭᬸᬂ᭞ᬧᬢᬶᬓᭂᬧᬸᬕ᭄ᬧᬧᬓ᭄ᬕᬤᬩ᭄
[᭓᭙ 39A]
᭞ᬲᬋᬂᬲᬫᬶᬢᬦ᭄ᬦᬶᬗ᭄ᬳᬮᬶᬦ᭄᭛ᬲᬓᬶᬂᬳᬮᬸᬄᬫᬗ᭄ᬤᬾᬦ᭄ᬩᬓᬢ᭄᭞ᬉᬮᬶᬦᭀᬫ᭄ᬩᭀᬓ᭄ᬫᬗ᭄ᬤᬾᬦ᭄ᬫᭀᬮᬶᬄᬲ᭄ᬯᬃᬕ᭄ᬕᬳᬤᬶ᭞ᬕᭂᬮᬭᬶᬦ᭄ᬩᬦ᭄ᬓᬯᬸᬓ᭄ᬓᬯᬸᬓ᭄᭞ᬦᬸᬦᬲ᭄ᬳᬶᬘᬭᬶᬂ
ᬪᬝᬵᬭ᭞ᬲᬫᬶᬳᬾᬱ᭄ᬝᬶᬩ᭄ᬭᬳ᭄ᬫᬇᬰ᭄ᬯᬭᬵᬮᬦ᭄ᬯᬶᬱ᭄ᬡᬸ᭞ᬇᬦ᭄ᬤ᭄ᬭᬓᭂᬮᬯᬦ᭄ᬩᬭᬸᬡ᭞ᬫᬗ᭄ᬤᬾᬦ᭄ᬳᬶᬘᬫᬗᬶᬬᬗᬶᬦ᭄᭛ᬮ᭄ᬯᬶᬃᬗᬘᭂᬧ᭄ᬧᬶᬗ᭄ᬕᬶᬃᬢᬸᬓᬤ᭄᭞ᬫᬗ᭄ᬤᬾᬦ᭄ᬜᬕᭂ
ᬚᭂᬕ᭄ᬳᭂᬦ᭄ᬢᭀᬓᬾᬚᬦᬶᬕᭂᬮᬸᬭᬶᬦ᭄᭞ᬚᬦ᭄ᬢᭂᬜ᭄ᬚᬕ᭄ᬚᬕᬜᬓ᭄ᬭᬯᬸᬄ᭞ᬬᬾᬦ᭄ᬢᬦ᭄ᬭᬕᬦᬾᬚᬮᬦᬂ᭞ᬚᭂᬮᬧ᭄ᬳᬮᬶᬄᬢ᭄ᬯᬭᬢᬓᬸᬢ᭄ᬩᬓᬮ᭄ᬓᭂᬩᬸᬲ᭄᭞ᬬᬤ᭄ᬬᬦ᭄ᬗ᭄ᬭᬸᬭᬸᬄ
ᬢᭂᬍᬩᬶᬂᬩ᭄ᬭᬳ᭄ᬫ᭞ᬢᬶᬬᬕᬳᬗ᭄ᬕᬾᬦ᭄ᬗᭂᬮᬭᬶᬦ᭄᭛ᬲᬸᬚᬢᬶᬦᬶᬂᬩ᭄ᬭᬳ᭄ᬫᬵᬳᬶᬓᬵ᭞ᬮ᭄ᬯᬶᬃᬢᬦ᭄ᬢᬺᬱ᭄ᬡᬵᬦᬾᬗᬯᬶᬦᬂᬲᬗ᭄ᬓᬦ᭄ᬳᬸᬭᬶᬧ᭄᭞ᬳᬧᬶᬢᭀᬯᬶᬤᬲᬭᬶᬦ᭄ᬳᬶᬥᬸ
Kaca:Bali-lontar-paparikan-darmapada-350ppi.pdf/39
Kaca puniki sampun kauji-wacén
