[᭔᭗ 47B]
᭔᭗
ᬓᬢᬸᬯᬶᬓᬲᬶᬤᬾᬜ᭄ᬚᬢᬶ᭛ᬦᬾᬲ᭄ᬭᬶᬂᬗᬯᬶᬦᬂᬩᬶᬂᬩᬂ᭞ᬳᬦ᭄ᬢᬸᬓ᭄ᬫᭀᬫᭀᬚᬤ᭄ᬫᬦᬾᬫᬩᬸᬤ᭄ᬥᬶᬰᬓ᭄ᬢᬶ᭞ᬢᬦ᭄ᬢᬢᬲ᭄ᬭᬶᬂᬰᬓ᭄ᬢᬶᬳᬶᬓᬸ᭞ᬳᬲᬶᬂᬢᬯᬄᬩᬦ᭄ᬢᬭᬢᬯᬂ᭞ᬓᬤᬾ
ᬦ᭄ᬰᬓ᭄ᬢᬶᬫᬳᬶᬍᬄᬲᬩ᭄ᬲᬩ᭄ᬭᬸᬭᬸᬄ᭞ᬭᬶᬂᬧᬸᬭᬲᬾᬢ᭄ᬭᬵᬫᭂᬬᬰ᭞ᬓᬜ᭄ᬘᬦ᭄ᬢᭀᬜᬢᭀᬗᬧᬸᬲᬶᬦ᭄᭛ᬓᬲᬶᬤᬾᬦᬾᬫᬭᬶᬂᬭᬕ᭞ᬗᬸᬤ᭄ᬬᬂᬳᬶᬩᬸᬓ᭄ᬫᬳᬶᬗᬸᬄ
ᬇᬍᬄᬲᬩ᭄ᬲᬩᬶᬦ᭄᭞ᬤᭀᬂᬓᬾᬤᬾᬯᬾᬓᬾᬭᬸᬭᬸᬄ᭞ᬲᬶᬍᬫᬶᬦ᭄ᬤᬶᬧᬢᭂᬕᬓᬦ᭄᭞ᬚᬦ᭄ᬢᭂᬦ᭄ᬧᬗ᭄ᬕᬶᬄᬦᬾᬓᭂᬢᬄᬳᬗ᭄ᬓᭂᬦᬶᬦ᭄ᬳᬓᬸ᭞ᬤᬾᬯᬪᬝᬵᬭᬳᬶᬭᬶᬓ
᭞ᬫᬓᬸᬫ᭄ᬧᬸᬮ᭄ᬥᬤᭀᬲ᭄ᬳᬲᬶᬓᬶ᭛ᬩᬦ᭄ᬢᬓᬸᬢᬾᬧᬤᬶᬤᬶᬬᬦ᭄᭞ᬗ᭄ᬭᬕ᭄ᬭᬕ᭄ᬤᬾᬯᬪᬝᬵᬭᬪᬸᬣᬫᬫᭂᬥᬶ᭞ᬫᬾᬦ᭄ᬤᬳᬦ᭄ᬭᬸᬧᬬᬂᬳᬶᬓᬸ᭞ᬢᭀᬚᬦᬶᬭᬕ᭄ᬭᬕ᭄
[᭔᭘ 48A]
ᬲᬸᬫ᭄ᬩᬄ᭞ᬢᭀᬳᬲ᭄ᬢᬸᬢᬶᬢᭀᬲᬸᬗ᭄ᬲᬸᬂᬢᭀᬚ᭄ᬯᬵᬦᬾᬧᬶᬲᬸᬄ᭞ᬳᬦ᭄ᬢᬸᬓ᭄ᬩᬶᬗᬸᬗᬾᬓᬮᬶᬦ᭄ᬢᬂ᭞ᬢᭀᬦᬾᬢᬸᬦᬲᬶᬦ᭄ᬰᬓ᭄ᬢᬶ᭛ᬳᭂᬗ᭄ᬲᬧ᭄ᬓᬾᬩ᭄ᬯᬶᬦ᭄ᬫᬗ᭄ᬯᬗᬸᬦ᭄ᬕᭂᬮᬄ᭞ᬢ᭄ᬯᬄ
ᬭᬕ᭄ᬭᬕ᭄ᬦᬾᬗᬸᬦᬶᬧ᭄ᬭᬓ᭄ᬱᬳᬶᬦ᭄ᬰᬓ᭄ᬢᬶ᭞ᬓᬾᬢᭀᬩᬦ᭄ᬤᬾᬯᬾᬓᬾᬗᬧᬸᬲ᭄᭞ᬰᬓ᭄ᬢᬶᬦᬾᬫᬶᬍᬄᬓᬶᬗ᭄ᬲᬦᬂ᭞ᬧᬢᬶᬮᬶᬧ᭄ᬮᬶᬧ᭄ᬭᬶᬂᬕᬸᬦᬸᬂᬭᬶᬂᬢᬭᬸᬳᬕᬸᬂ᭞ᬤᬾᬯᬾᬓᬾᬫ᭄ᬭ
ᬲᬗ᭄ᬮᬶᬕᬶᬭᬂ᭞ᬳᬾᬯᬫᬗᬶᬩᬸᬓᬂᬰᬓ᭄ᬢᬶ᭛ᬤᬵᬩᬜᬓᬶᬚᬗᬮ᭄ᬬᬂ᭞ᬦᭂᬕᬓ᭄ᬚᬸᬫᬳᬾᬤᬾᬯᬾᬓᬾᬮᬗ᭄ᬕᭂᬂᬬᬰᬳᬶᬦ᭄᭞ᬮᬶᬂᬮᬶᬂᬧᭂᬮᬸᬢ᭄ᬩᬶᬲ᭄ᬩᬶᬲ᭄ᬲᬸᬲᬸᬧ᭄᭞
ᬤᬸᬫᬸᬕᬶᬫᬓᭂᬲ᭄ᬬᬃᬕᬮᬂ᭟ᬦᬾᬗ᭄ᬮᬶᬧᬸᬢᬶᬦ᭄ᬲᬫ᭄ᬧᬸᬦ᭄ᬰᬶᬃᬡ᭄ᬦᬵᬓᬤᬶᬓᬸᬓᬸᬲ᭄᭞ᬚᬦ᭄ᬢᭂᬦᬾᬚ᭄ᬯᬵᬦᬾᬫᬸᬮ᭄ᬬᬵ᭞ᬚᬤ᭄ᬫᬦᬾᬫᬦᬸᬧᬰᬓ᭄ᬢᬶ᭛ᬩᬸᬤ᭄ᬥᬳ᭛ᬧᬸᬧᬸᬄ
Kaca:Bali-lontar-paparikan-darmapada-350ppi.pdf/48
Kaca puniki sampun kauji-wacén
