[᭔ 4B]
᭔
ᬳᬚᬶᬦᬶᬦ᭄ᬢᬶᬫ᭄ᬧᬮ᭄᭞ᬢᭂᬕᬭᬂᬲᭂᬍᬄᬤᬶᬳᬢᬶ᭞ᬧ᭄ᬥᬲᬂᬤᬾᬯᬾᬓᬾᬮᬶᬗ᭄ᬮᬶᬂ᭞ᬲᬸᬮᬸᬄᬧᬂᬢ᭄ᬭᬂᬫ᭄ᬓᬳᬸᬮᬸᬤ᭄᭞ᬚᬦᬶᬢᭂᬕᬭᬂᬧᬚᬶᬬᬂ᭞ᬦᬗ᭄ᬳᬶᬂᬤᬵᬓᬾᬗᬧᬸᬲ᭄ᬤᬶᬭᬶ᭞ᬳ
ᬚᬶᬦ᭄ᬧᬢᬸᬢ᭄᭞ᬳᬚᬶᬓᬸᬤᬩᬦᬶᬦᬜ᭄ᬚᬬᬂ᭛ᬫᬸᬮᬲᬸᬓᭂᬄᬜ᭄ᬕᬵᬭᬕ᭞ᬗᬮᬳᬂᬤᬾᬯᬾᬓ᭄ᬧᭂᬤᬶᬤᬶ᭞ᬲᬗ᭄ᬓᬦ᭄ᬤᬵᬫᬮᬸᬗᬮᬶᬫ᭄ᬩᬓᬂ᭞ᬫᬩᬸᬤ᭄ᬥᬶᬫᬗ᭄ᬭᬾᬄ
ᬕᬸᬫᬶ᭞ᬤᬾᬱᬜ᭄ᬘᭂᬦᬶᬂᬗᬾᬭᬶᬂᬲᬓᬶᬦ᭄᭞ᬓᬸᬭᬸᬲᬾᬢ᭄ᬭᬵᬦᬾᬧᬳᬬᬸ᭞ᬫᬗ᭄ᬤᬾᬓ᭄ᬭᬢᬵᬳᬸᬲᬦ᭄ᬬᬸᬥ᭞ᬕᬢ᭄ᬭᬸᬦᬾᬲᬫᬶᬓᬮᬶᬮᬶᬄ᭞ᬚᬦ᭄ᬢᭂᬦ᭄ᬳᬮᬸᬄᬲᬫ᭄ᬩᬶᬮ᭄ᬦᭂᬕᬓ᭄᭞
ᬳᬗ᭄ᬭᬾᬄᬚᬕᬢ᭄᭛ᬧᬲᭂᬫᬥ᭄ᬬᬦᬾᬧᭂᬧᭂᬲᬂ᭞ᬗᭂᬍᬂᬫᬡ᭄ᬥᭂᬂᬚ᭄ᬭᭀᬦᬶᬂᬳᬢᬶ᭞ᬫᬗ᭄ᬤᬾᬦ᭄ᬜᬩ᭄ᬭᬦ᭄ᬚ᭄ᬯᬓᬢᬶᬗ᭄ᬳᬮ᭄᭞ᬫᬭᬶᬂᬤᬾᬯᬾᬓᬾᬲᬸᬚᬢᬶ᭞ᬳᬧᬂᬳᭂ
[᭕ 5A]
ᬤᬵᬲ᭄ᬭᬶᬗᬦ᭄ᬧᭂᬮᬶᬄ᭞ᬧᬧᬓ᭄ᬓᬤᬾᬜ᭄ᬘᭂᬦᬶᬂᬳᬓᬸ᭞ᬧᬵᬗ᭄ᬤᬩᬜᬧᬢᬶᬕᬤᬩ᭄᭞ᬤᬾᬯᬩᬸᬣᬦᬾᬪᬓ᭄ᬢᬶᬦᬶᬦ᭄᭞ᬗᬸᬢᬂᬢᬸᬬᬸᬄ᭞ᬫᭀᬡ᭄ᬥᭀᬂᬳᬢᬸᬭᬦ᭄ᬫᬶᬍᬳᬦ᭄
᭛ᬢ᭄ᬯᬶᬳᬮᬸᬄᬗᬸᬮᬸᬭᬶᬦ᭄ᬳᬯᬓ᭄᭞ᬲᬸᬓᭂᬄᬲᬚᬫᭂᬓᭂᬓ᭄ᬤᬶᬭᬶ᭞ᬦᬾᬚ᭄ᬮᬾᬕᬫ᭄ᬧᬂᬗ᭄ᬭᬕ᭄ᬭᬕᬂ᭞ᬦᬾᬍᬯᬶᬄᬲᬸᬓᬶᬮ᭄ᬗᬃᬤ᭄ᬥᬶᬦᬶᬦ᭄᭞ᬳᬧᬦ᭄ᬤᬾᬯᬾᬓᬾᬦᬸᬧᬮᬶᬂ᭞ᬫᬓᭂᬚᬵᬂ
ᬧᬂᬕ᭄ᬮᬄᬳᬓᬸ᭞ᬳᬦ᭄ᬢᬸᬓ᭄ᬫᭀᬫᭀᬦᬾᬧᬸᬧᬸᬳᬂ᭞ᬳᬾᬫᬦ᭄ᬫᬓᬶᬤ᭄ᬬᬂᬩᭂᬘᬶᬓ᭄᭞ᬬᬾᬦᬾᬍᬢᬸᬄ᭞ᬲᬸᬓ᭄ᬱᬸᬓᬂᬫᬶᬍᬄᬢᬜ᭄ᬚᬳᬂ᭛ᬩᬸᬯᬄᬲᭂᬓᬃᬤᬶᬦᬾᬫᭂᬮᬳ᭄
᭞ᬢᭀᬫᬃᬡ᭄ᬦᬵᬤᬾᬯᬾᬓᬾᬍᬯᬶᬄ᭞ᬓᬾᬢᭀᬢᬸᬯᬶᬤ᭄ᬥᬗᭂᬗ᭄ᬲᬧᬂ᭞ᬗᬯᬾᬫᭂᬮᬄᬫᭀᬮᬶᬄᬍᬯᬶᬄ᭞ᬬᬾᬦᬶᬂᬦᬾᬍᬢᬸᬄᬓᬃᬤ᭄ᬥᬶᬦᬶᬦ᭄᭞ᬦᬶᬱ᭄ᬝᬵᬢ᭄ᬯᬶᬳ
Kaca:Bali-lontar-paparikan-darmapada-350ppi.pdf/5
Kaca puniki sampun kauji-wacén
