[᭔᭙ 49B]
᭔᭙
ᬫᬭᬶᬂᬫᬬᬵ᭞ᬳᬲᬶᬂᬓᭀᬘᬧ᭄ᬲᭂᬗ᭄ᬕᬸᬄᬬᬸᬓ᭄ᬢᬶ᭛ᬢᬦ᭄ᬯᬾᬦ᭄ᬢᭂᬦᬾᬜᬦ᭄ᬤᬂᬕᬸᬕᬸ᭞ᬮ᭄ᬬᬦ᭄ᬭᬶᬂᬦᬾᬢᬸᬳᬸᬬᬸᬓ᭄ᬢᬶ᭞ᬳ᭄ᬬᬂᬩᬸᬤ᭄ᬥᬳᬫᬢᬸᬚ᭄ᬯᬶᬦ᭄ᬫᬃᬕ᭄ᬕ᭞ᬚᬾᬦ᭄ᬓᬾᬦ᭄ᬚ᭄ᬯ
ᬩᬳᬦ᭄ᬗᬶᬢᬸᬗᬶᬦ᭄᭞ᬫᬗ᭄ᬤᬾᬦ᭄ᬲᬸᬤ᭄ᬥᬩᬜᬍᬧᬲ᭄᭞ᬲᬓᬶᬂᬲᬗ᭄ᬲᬭᬦᬶᬂᬉᬭᬶᬧ᭄᭞᭛ᬗᬸᬤ᭄ᬬᬂᬚ᭄ᬯᬵᬤᬾᬯᬾᬓᬾᬓᬳᬧᬸᬲ᭄᭞ᬳᬓᬸᬯᬂᬦᬾᬫᭂᬦ᭄ᬭᬸᬧᬮᬸ
ᬯᬶᬄ᭞ᬢᬦ᭄ᬲᬄᬫ᭄ᬭᬲᬄᬦᬸᬳᬸᬢ᭄ᬮᬯᬢ᭄᭞ᬲᬸᬩᬢᬯᬂᬢᭀᬤᭀᬂᬬᬸᬓ᭄ᬢᬶ᭞ᬦᬾᬬᬸᬓ᭄ᬢᬶᬢᬓᬸᬢ᭄ᬗᭂᬘᬧᬂ᭞ᬳᬾᬗ᭄ᬕᬮᬂᬗᬸᬮᬸᬄᬧᬂᬳᬶᬮᬶᬤ᭄᭛ᬬᬤ᭄ᬬ
ᬦ᭄ᬓᬶᬤᭂᬫᬂᬫᬗᬸᬮᬸᬄ᭞ᬫᬲᬶᬄᬚ᭄ᬯᬵᬫᬓᭂᬘᬧ᭄ᬧᬳᬶᬢ᭄᭞ᬳᬧᬦᬾᬚᬢᬶᬢ᭄ᬯᬶᬲᬚᬵ᭞ᬬᬤ᭄ᬬᬦ᭄ᬕᬸᬕᬸᬢ᭄ᬯᬶᬩᭀᬬᬦᬶᬦ᭄᭞ᬬᬤ᭄ᬬᬦ᭄ᬓᬸᬤ᭄ᬬᬂᬩᬦ᭄ᬜᬃᬯᬂ᭞ᬦᬾᬚ
[᭕᭐ 50A]
ᬢᬶᬫᬗ᭄ᬕᭂᬄᬯᬶᬬᬸᬓ᭄ᬢᬶ᭛ᬲᬧᬵᬚ᭄ᬯᬲᬸᬚᬢᬶᬦ᭄ᬳᬶᬧᬸᬦ᭄᭞ᬓᬶᬦᬭᬦᬦ᭄ᬩᬸᬤ᭄ᬥᬳᬳᬶᬓᬶ᭞ᬬᬾᬓᬲᬶᬤᬃᬢ᭄ᬢᬕᭀᬢ᭄ᬢᬫ᭞ᬧᬸᬢ᭄ᬭᬦ᭄ᬤᬵᬲᬂᬦᬵᬣᬍᬯᬶᬄ᭞ᬲᬸᬦ᭄ᬳᭀᬤᬵ
ᬦᬰᬓ᭄ᬬᬲᬶᬭ᭞ᬭᬶᬂᬓᬧᬶᬮᬯᬲ᭄ᬢᬸᬫᬸᬓ᭄ᬢᬶ᭛ᬧᬸᬦᬧᬶᬧᬶᬢᭂᬕᭂᬲ᭄ᬳᬶᬧᬸᬦ᭄᭞ᬦᬾᬓᬭᬦᬶᬦ᭄ᬩᬸᬤ᭄ᬥᬳᬇᬓᬶ᭞ᬬᬾᬓᬢ᭄ᬯᬶᬮᬗ᭄ᬲᬭᬫᬃᬣ᭞ᬲᬂᬮᬸᬯᬶᬳᬶᬂᬧ᭄ᬭᬚ᭄ᬜᬜ᭄ᬚ
ᬢᬶ᭞ᬲᬂᬬᬸᬓ᭄ᬢᬶᬫᬭᬕᬢ᭄ᬭᬂ᭞ᬲᬂᬬᬸᬓ᭄ᬢᬶᬲᬸᬚᬢᬶᬳᬾᬮᬶᬂ᭛ᬧᬶᬤᬕᬶᬂᬧᬦ᭄ᬭᬗᬦ᭄ᬳᬶᬓᬸ᭞ᬢᬢᬲ᭄ᬭᬶᬂᬚᬢᬶᬦᬾᬬᬸᬓ᭄ᬢᬶ᭞ᬉᬭᬶᬧ᭄ᬳᬶᬓᬢ᭄ᬯᬶᬲᬗ᭄ᬲᬭ᭞ᬬᬤ᭄ᬬᬦ᭄ᬓᬸ
ᬤ᭄ᬬᬂᬳᬦ᭄ᬢᬸᬓ᭄ᬫᭂᬮᬶᬢ᭄᭞ᬬᬤ᭄ᬬᬕᬸᬕᬸᬢ᭄ᬯᬶᬢ᭄ᬯᬭ᭞ᬧᬸᬦᬶᬓᬫᬗ᭄ᬕᭂᬄᬯᬶᬓᬸᬓ᭄ᬢᬶ᭛ᬯᬶᬢᬶᬂᬲᬗ᭄ᬲᬭᬧᬸᬦᬶᬓᬸ᭞ᬬᬾᬓᬢᬺᬱ᭄ᬡᬵᬓᬯᬲ᭄ᬢᬦᬶᬦ᭄᭞ᬍᬓᭂᬢᬾᬭᬶᬂ
Kaca:Bali-lontar-paparikan-darmapada-350ppi.pdf/50
Kaca puniki sampun kauji-wacén
