Kaca puniki sampun kauji-wacén
[᭕᭓ 53B]
᭕᭓
ᬗᬾᬬᬸᬓ᭄ᬢᬶ᭞᭓᭞ᬮᬓ᭄ᬱᬡᬧᭀᬮᬳᬾᬫᭂᬮᬄ᭞᭔᭞ᬢᭀᬧᬢᬧᬦ᭄ᬫᬭᬶᬂᬲᭀᬃᬫᬮᬶᬄ᭛ᬧᬗᬸᬧᬚᬶᬯᬦᬾᬚᬸᬚᬸᬃ᭞᭕᭞ᬗᭂᬫ᭄ᬩᬦ᭄ᬤᬾᬯᬾᬓ᭄ᬫᬗ᭄ᬤᬾᬢ᭄ᬭᬧᬶ᭞
᭖᭞ᬯᬦ᭄ᬢᬄᬢᬶᬦ᭄ᬤᬶᬄᬭᬶᬂᬦᬾᬲᬚ᭞᭗᭞ᬢᭂᬍᬫ᭄ᬫᬜᬸᬲᬸᬧ᭄ᬦᬾᬬᬸᬓ᭄ᬢᬶ᭞᭘᭞ᬇᬓᬳᬲ᭄ᬢᬵᬩ᭄ᬭᬢᬦᬶᬂᬫᬃᬕ᭄ᬕ᭞ᬢᭀᬧᬢᬸᬢ᭄ᬓᬦ᭄ᬲᬄᬓᬶᬃᬢ᭄ᬢᬶᬦᬶᬦ᭄᭛ᬦᬾᬳᬭᬦ᭄ᬓᬡ᭄ᬥ
ᬮᬶᬫᬳᬶᬓᬸ᭞ᬬᬾᬓᬧᬦᬤ᭄ᬬᬦᬶᬂᬉᬭᬶᬧ᭄᭞ᬭᬸᬧᬳᬶᬓᬳᬭᬦ᭄ᬲᬃᬯ᭄ᬯ᭞ᬦᬾᬧᬢ᭄ᬧᬢ᭄ᬦᬫᬓ᭄ᬯᬲ᭄ᬢᬦᬶᬦ᭄᭞ᬲᬍᬲᬦ᭄ᬓᬭᬯᬶᬦᬦ᭞ᬯᭂᬥᬦᬫᬮᬶᬄᬳᬲᬶᬓᬶ᭛
ᬲᬗ᭄ᬓᬦ᭄ᬭᬸᬧᬳᬶᬓᬳᬶᬥᬸᬧ᭄᭞ᬧ᭄ᬭᬡᬢ᭄ᬯᬄᬦᬾᬫ᭄ᬩᬬᭀᬦᬶᬦ᭄᭞ᬦᬫᬳᬶᬓᬮ᭄ᬯᬶᬃᬧᬜᬸᬧᬢ᭄᭞ᬫᬗ᭄ᬓᬶᬦ᭄ᬳᬸᬭᬶᬧ᭄ᬲᬳᬬᬤᬶ᭞ᬬᬾᬓᬵᬦᬾᬓ᭄ᬭᬱᬳᬶᬭᬕ᭞ᬲᬤᬬᬢ
[᭕᭔ 54A]
ᬦᬦᬾᬉᬭᬶᬧ᭄᭛ᬳᬃᬬ᭄ᬬᬰᬶᬮᬦᬾᬓᬯᬸᬯᬸᬲ᭄᭞ᬬᬾᬓᬰᬦᬾᬓᬶᬃᬢ᭄ᬢᬶᬦᬶᬦ᭄᭞ᬢᭂᬢᬶᬕᬢᬶᬗ᭄ᬓᬳᬶᬂᬩ᭄ᬭᬢ᭞ᬧᬜ᭄ᬘᬰᬶᬮᬦᬾᬗ᭄ᬕᬾᬦ᭄ᬲᬳᬶ᭞ᬳᬢᬶᬳ
ᬗᬰᬶᬮᬵᬧᬩ᭄ᬭᬢᬫ᭄᭞ᬤᬰᬵᬰᬶᬮᬩᬳᬶᬗᬕᭂᬫᬶᬦ᭄᭛ᬤᬕᬶᬂᬧᬜ᭄ᬘᬰᬶᬮᬳᬶᬓᬸ᭞ᬦᬾᬓᭂᬢᬄᬓᬭᬦᬶᬦ᭄ᬧᬦ᭄ᬲᬶᬮ᭄᭞ᬬᬾᬓᬚᬢᬶᬦᬾ
ᬭᬶᬂᬭᬕ᭞ᬢᬦ᭄ᬧᬘᬂ᭞᭑᭞ᬫᬫᬢᬶᬫᬢᬶ᭞᭒᭞ᬫᭂᬫᬮᬶᬂ᭞᭓᭞ᬫᬗ᭄ᬯᬤᬾᬦ᭄᭞᭔᭞ᬫᭀᬩᬤ᭄᭞᭕᭞ᬧᬗᬦ᭄ᬓᬶᬦᬸᬫ᭄ᬩᭂᬲ᭄ᬩᬸᬮᬸᬭᬶᬦ᭄᭛ᬳᬢᬳ
ᬗᬰᬶᬮᬳᬶᬓᬸ᭞ᬩᬩ᭄ᬭᬢᬮᬫᬗᭂᬦᬶᬂ᭞ᬭᬶᬲᭂᬥᭂᬓ᭄ᬢᬶᬍᬫ᭄ᬧᬸᬃᬡ᭄ᬦᬫ᭞ᬉᬧᭀᬲᬢ᭄ᬳᬭᬦᬾᬳᬶᬓᬶ᭞ᬦᬧᬶᬫᬮᬶᬄᬫᬭᬶᬂᬯᬶᬲᬓ᭄᭞ᬢᭀᬤᬮᬦ᭄ᬳ᭄ᬬᬂᬩᬸ
