[᭕᭕ 55B]
᭕᭕
ᬲ᭄ᬳᬸᬧᬵᬬᬰ᭞ᬮᬸᬯᬶᬄᬚ᭄ᬯᬵᬧᬲᬫ᭄ᬩᬯᬦ᭄ᬢᬶ᭛ᬤᬕᬶᬂᬰᬭᬡᬳᬶᬓᬸ᭞ᬲᬸᬗ᭄ᬓᭂᬫ᭄ᬭᬶᬂᬢ᭄ᬭᬶᬭᬢ᭄ᬦᬳᬚᬶ᭞ᬲᬗ᭄ᬳ᭄ᬬᬂᬩᬸᬤ᭄ᬥᬵᬮᬸᬯᬶᬄᬢ᭄ᬭᬶᬥᬃᬫ᭄ᬫ᭞ᬭᬯᬸᬳᬶᬂᬲᬂᬳ
ᬦᬾᬮᬸᬯᬶᬄ᭞ᬳᬶᬓᬢ᭄ᬭᬶᬧᬯᬓᬶᬂᬲᬶᬦᬃ᭞ᬗ᭄ᬕᬾᬦ᭄ᬲᬸᬮᬸᬄᬗ᭄ᬭᬸᬭᬸᬄᬦᬾᬚᬢᬶ᭛ᬢ᭄ᬭᬶᬧᬶᬢᬓᬮ᭄ᬯᬶᬃᬢᬸᬢᬸᬃ᭞ᬢᬶᬕᬂᬲᭀᬭᭀᬄᬢᬢ᭄ᬯᬳᬶᬓᬶ᭞ᬲᬸᬢᬧᬶᬢᬓᬮ᭄ᬯᬶᬃ
ᬚ᭄ᬯᬰᬩ᭄ᬥ᭞ᬯᬶᬦᬬᬧᬶᬦᬓᬵᬃᬫᬃᬕ᭄ᬕᬶ᭞ᬩᬶᬤᬃᬫ᭄ᬫᬵᬧᬶᬢᬓᬳᬶᬓ᭞ᬓᬫᭀᬓ᭄ᬱᬦ᭄ᬧᬗᬼᬧᬲᬦ᭄ᬳᬸᬭᬶᬧ᭄᭛ᬦᬾᬫᬗ᭄ᬓᬶᬦ᭄ᬗ᭄ᬕᬾᬦ᭄ᬧᬦᬸᬢᬸᬧ᭄᭞ᬧᬫᬹᬚ
ᬦ᭄ᬳ᭄ᬬᬂᬩᬸᬤ᭄ᬥᬳᬲᬫᬶ᭞ᬲᬩᬵᬲᬢᬩᬯᬢᬢ᭄ᬯ᭞ᬫᭀᬖᬫᭀᬖᬢᬲᬮ᭄ᬯᬶᬭᬶᬂ᭞ᬉᬭᬶᬧ᭄ᬍᬧᬲ᭄ᬲᬓᬶᬂᬲᬗ᭄ᬲᬲᬭᬦ᭄᭞ᬫᭀᬖᬫᭀᬖᬲᬫᬳᬾ
[᭕᭖ 56A]
ᬮᬶᬂ᭛᭐᭛ᬧᬸᬧᬸᬄᬲᬶᬦᭀᬫ᭄᭛᭐᭛ᬳᭂᬦᬾᬚᬦᬶᬳᬚᬶᬰᬰᬡ᭞ᬫᬗᬸᬘᬧᬂᬫ᭄ᬯᬦ᭄ᬕᬸᬫᬶ᭞ᬤᬍᬫ᭄ᬯᬶᬓᬸᬩᬮ᭄ᬬᬦᬵᬣ᭞ᬅᬚᬶᬰᬰᬡᬗᬤᬓᬶ
ᬦ᭄᭞ᬫᬦ᭄ᬭᬗᬂᬧᬢᬶᬳᬸᬭᬶᬧ᭄᭞ᬓ᭄ᬭᬡᬳᬤᬕᬦ᭄ᬢᬶᬢᬸᬫ᭄ᬩᬸᬄ᭞ᬳᭂᬦ᭄ᬢᭀᬧᭂᬥᬲᬂᬧᬶᬲᬦ᭄᭞ᬳᬧᬂᬤᬤᬶᬚ᭄ᬯᬵᬓᬳᬸᬓᬶᬦ᭄᭞ᬳᬚᬓ᭄ᬩᬋᬂᬫᬗ᭄ᬭᬯᭀᬲᬗ᭄ᬳ᭄ᬬᬂᬕᬦ᭄ᬢ᭄ᬬ
᭛ᬳᭂᬦ᭄ᬢᭀᬤᬾᬯᬳᬚᬓ᭄ᬧᬢ᭄ᬧᬢ᭄᭞ᬳᭂᬥᬧᬶᬲᬦ᭄ᬫᬜᬯᬸᬢᬶᬦ᭄᭞ᬉᬮᬶᬫᭂᬡ᭄ᬥᭂᬧ᭄ᬗᬳᬦ᭄ᬜᭂᬫᬓ᭄᭞ᬉᬚᬃᬫᬫᬶᬧᬳ᭄ᬬᬂᬳᬚᬶ᭞ᬳᭂᬗ᭄ᬓᬾᬦ᭄ᬓ᭄ᬭᬡᬤᬤᬶᬫ
ᬢᬶ᭞ᬳᭂᬗ᭄ᬓᬾᬦ᭄ᬓ᭄ᬭᬡᬤᬤᬶᬳᬶᬥᬸᬧ᭄᭞ᬳᭂᬗ᭄ᬓᬾᬦ᭄ᬓ᭄ᬭᬡᬩᬶᬱᬵᬳᭂᬗ᭄ᬲᬧ᭄᭞ᬳᭂᬗ᭄ᬓᬾᬦ᭄ᬓ᭄ᬭᬡᬩᬶᬱᬳᬾᬮᬶᬂ᭞ᬧᭂᬥᬲ᭄ᬳᭂᬦ᭄ᬢᭀᬲᬗ᭄ᬳ᭄ᬬᬂᬕᬦ᭄ᬢᬶᬫᬦ᭄ᬭᬗᬵᬂ᭛
Kaca:Bali-lontar-paparikan-darmapada-350ppi.pdf/56
Kaca puniki sampun kauji-wacén
