[᭕᭗ 57B]
᭕᭗
ᬭᬱᬦᬶᬦ᭄᭞ᬕᬦ᭄ᬢᬶᬦ᭄ᬲᬧᬶᬦ᭄ᬳᬧᬂᬮᬮᬶ᭞ᬕᬦ᭄ᬢᬶᬦ᭄ᬳᬶᬗᭂᬢ᭄ᬳᬧᬂᬢᬳᬸ᭞ᬳᬶᬬᬫᬯᬓ᭄ᬳᭂᬦᬸᬳᭀᬜ᭞ᬢᭂᬕᭂᬄᬤᬍᬫ᭄ᬫᬶᬲᬶᬕᬦ᭄ᬢᬶ᭞ᬉᬮᬶᬕᬢᬶᬩᬳᬦ᭄ᬗᬮᬶᬄᬲ
ᬗ᭄ᬳ᭄ᬬᬂᬕᬡ᭄ᬝ᭄ᬬ᭛ᬓᬾᬢᭀᬢᬶᬗ᭄ᬓᬄᬤᬤᬶᬩᬮ᭄ᬬᬦ᭄᭞ᬬᬾᬦᬶᬂᬲᬸᬩᬦᬯᬂᬕᬦ᭄ᬢᬶ᭞ᬢ᭄ᬯᬭᬢᬸᬬᬸᬄᬫᬗᬶᬜ᭄ᬘᭂᬭᬂ᭞ᬧᬧᬓ᭄ᬤᬢᬳ᭄ᬬᬳᬶᬢᬸᬗᬶᬦ᭄᭞ᬧᬍᬕᬾᬦ᭄ᬤ
ᬳᬂᬗ᭄ᬤᬾᬢ᭄ᬤᬗᬦ᭄᭞ᬯᭂᬯᬘᬓᬶᬦ᭄ᬩᬳᬦ᭄ᬢᭂᬦᬸᬂ᭞ᬫᬶᬯᬄᬲᭂᬥᬳᬦ᭄ᬗᬾᬗᬾᬗᬦ᭄᭞ᬩᬦ᭄ᬢᭂᬦ᭄ᬤᬓ᭄ᬱᬶᬡᬦᬾᬲᬫᬶ᭞ᬲᬸᬩᬫᬸᬮᬶᬄᬤᬤᬶᬳᬮᬸᬄᬳᬾᬮᬄᬤᬗ
ᬦ᭄᭛ᬫᬮᬶᬄᬢᬢᭂᬓᭂᬦ᭄ᬧᬸᬦᬶᬓ᭞ᬘᬶᬤ᭄ᬭᬢᭂᬢᭂᬗᭂᬭᬾᬲᬫᬶ᭞ᬧᭂᬥᬲ᭄ᬲᬸᬩᬤᬤᬶᬲᬶᬦᬄ᭞ᬩᭂᬮᬲ᭄ᬳᬢᭂᬧᬾᬦᬸᬗ᭄ᬕᬶᬮᬶᬦ᭄᭞ᬧᭂᬕᬢ᭄ᬲᬫ᭄ᬩᬸᬗᬦᬸᬚ᭄ᬯᬶᬦ᭄᭞
[᭕᭘ 58A]
ᬚᭀᬄᬧᬳᭂᬓᬾᬬᬫᬦᬸᬦ᭄ᬢᬸᬦ᭄᭞ᬳᭂᬦ᭄ᬢᭀᬫᬤᬦ᭄ᬢᭂᬮᬸᬕᬫ᭞ᬓᬭᬕ᭄ᬓᬶᬭᬶᬕ᭄ᬗᭂᬧᬶᬮ᭄ᬲᬫᬶ᭞ᬫᬲᬶᬄᬳᬶᬬᬫᬸᬮᬶᬄᬤᬤᬶᬢᭂᬮᬸᬕᬫ᭛ᬦᬾᬦᬾᬚᬦᬶᬫᬗᬺ
ᬗᬂ᭞ᬳᬦᬾᬯ᭄ᬬᬓ᭄ᬢᬶᬫᬤᬦ᭄ᬕᬦ᭄ᬢᬶ᭞ᬚᬢᬶᬫᬸᬮᬶᬄᬫᬭᬶᬂᬲᬢ᭄ᬬ᭞ᬲᬢ᭄ᬬᬫᬸᬮᬶᬄᬫᬭᬶᬂᬰᬓ᭄ᬱᬶ᭞ᬳᭂᬦ᭄ᬢᭀᬲᬸᬜᬫᬤᬦ᭄ᬕᬦ᭄ᬢᬶ᭞ᬉᬮᬄᬉᬮᬶᬄᬕᬫᬢᭂᬮᬸ᭞ᬲᬸᬩ
ᬕᬮᬗᬦ᭄ᬭᬶᬂᬍᬫᬄ᭞ᬫᬲᬶᬄᬢᭀᬦ᭄ᬤᬾᬦ᭄ᬚ᭄ᬯᬓᭂᬧᬗ᭄ᬕᬶᬄ᭞ᬲᬳᬶᬳᬩᬤᬶᬳᬯᬓᬾᬧᭂᬢᭂᬂᬍᬫᬄ᭛ᬓᬾᬢᭀᬲᬸᬩᬉᬚᬃᬫᬫ᭄ᬬ᭞ᬅᬚᬶᬰᬰᬡ
ᬦᬾᬚᬢᬶ᭞ᬋᬱᭂᬧᬂᬤᬾᬯᬚᬓ᭄ᬧᬢ᭄ᬧᬢ᭄᭞ᬳᬧᬂᬲᬶᬤ᭄ᬥᬚ᭄ᬯᬵᬓᭂᬧᬗ᭄ᬕᬶᬄ᭞ᬤᬍᬫ᭄ᬯᬶᬓᬸᬧ᭄ᬭᬪᬸᬲᬡ᭄ᬥᬶ᭞ᬲᬶᬫ᭄ᬧᭂᬦᬂᬤᬾᬯᬭᬶᬂᬓᬬᬸᬦ᭄᭞ᬉᬚᬃᬫᬫᬶᬇᬓ᭄ᬬ᭞
Kaca:Bali-lontar-paparikan-darmapada-350ppi.pdf/58
Kaca puniki sampun kauji-wacén
