[᭕᭘ 58B]
᭕᭘
ᬲᬫᬸᬦᬂᬧᬘᬂᬫᬕᬶᬗ᭄ᬲᬶᬃ᭞ᬳᬸᬮᬶᬚᬦᬶᬩᬳᬦ᭄ᬗᬮᬶᬄᬲᬗ᭄ᬳ᭄ᬬᬂᬕᬦ᭄ᬢ᭄ᬬ᭛ᬦᬾᬦᬾᬚᬦᬶᬫᬤᬦ᭄ᬩᬮ᭄ᬬᬦ᭄᭞ᬫᬦᭂᬕᭂᬓ᭄ᬤᬶᬧᬢᬶᬳᬸᬭᬶᬧ᭄᭞ᬫᬚᬮᬭᬦ᭄ᬢᬧᬩ᭄ᬭᬢ᭞ᬫ
ᬫᬸᬜᬶᬩᬳᬦ᭄ᬲᬸᬪᬓ᭄ᬢᬶ᭞ᬫᬲᭂᬥᬦᬂᬥᬃᬫ᭄ᬫᬍᬯᬶᬄ᭞ᬫᬳᬸᬫᬄᬩᬳᬦ᭄ᬭᬳᬬᬸ᭞ᬫᬚᬚᬩᬦ᭄ᬩᬳᬦ᭄ᬲᬶᬦᬄ᭞ᬧᭂᬥᬲᬾᬫᬦ᭄ᬤᬤᬶᬓᭀᬭᬶ᭞ᬲᬸᬘᬶᬲᬸᬓ᭄ᬮᬵᬦᬶᬃᬩ
ᬡᬦᬾᬫᬗᬜ᭄ᬘᬶᬗᬂ᭛ᬦᬾᬦᬾᬫᬤᬦ᭄ᬢᬶᬕᬵᬕᬫ᭞ᬦᭀᬭᬮ᭄ᬬᬦ᭄ᬭᬶᬂᬲᬸᬚᬢᬶ᭞ᬢ᭄ᬭᬶᬕᬫᬳᭂᬦ᭄ᬢᭀᬲᬢ᭄ᬬ᭞ᬢᭂᬮᬸᬕᬫᬳᬶᬓᬸᬰᬓ᭄ᬱᬶ᭞ᬳᭂᬦ᭄ᬢᭀᬚᬦᬶᬬ
ᬘᭂᬮᬸᬧᬶᬦ᭄᭞ᬗᬸᬤ᭄ᬬᬂᬭᬬᬓᬢᭂᬧᬸᬓ᭄᭞ᬲᬦᬾᬧᬘᬂᬢᬸᬚ᭄ᬯᬂ᭞ᬘᬸᬧᭂᬓ᭄ᬮᬶᬗ᭄ᬕᬄᬲᬸᬩᬕᬶᬲᬶ᭞ᬢᬗᬶᬧᬸᬍᬲ᭄ᬗᬶᬧᬶᬳᭂᬦ᭄ᬢᭀᬫᬗ᭄ᬭᬦᬬᬂ᭛ᬓᬾᬢᭀ
[᭕᭙ 59A]
ᬚᬦᬶᬳᬚᬓ᭄ᬧᬢ᭄ᬧᬢ᭄᭞ᬫᬕᬸᬫᬶᬩᬦ᭄ᬢᬶᬢᬄᬯᬶᬤ᭄ᬥᬶ᭞ᬫᭂᬫᬤ᭄ᬬᬢᬸᬤᬸᬄᬲᬸᬓ᭄ᬱ᭄ᬫᬵ᭞ᬫᬮᬗᬶᬢ᭄ᬩᬦ᭄ᬫᬲᬕᬦ᭄ᬢᬶ᭞ᬫᬧᭂᬮᬮ᭄ᬬᬦ᭄ᬩᬳᬦ᭄ᬧᬲ᭄ᬢᬶ᭞ᬫᭂᬦᬂᬓᬮᬄᬩᬳ
ᬦ᭄ᬧᬸᬢᬸᬲ᭄᭞ᬲᬶᬧᬢ᭄ᬩᬳᬦ᭄ᬍᬧᬲ᭄᭞ᬕᭂᬮᬭᬶᬦ᭄ᬩᬳᬦ᭄ᬳᬲ᭄ᬣᬶᬢᬶ᭞ᬲᬗ᭄ᬓᬦ᭄ᬳᭂᬦ᭄ᬢᭀᬓᭂᬡ᭄ᬥᭂᬮᬾᬳᬗ᭄ᬕᬾᬦ᭄ᬦᬦ᭄ᬤᬦᬂ᭛ᬚᬦᬶᬓᬾᬢᭀᬲᬸᬩᬧ᭄ᬭᬕᬢ᭄᭞ᬯᭂᬲᬫ
ᬦᬾᬗ᭄ᬕᬾᬦ᭄ᬦᬗᬭᬶᬦ᭄᭞ᬳᬸᬡ᭄ᬥᬤᬶᬓᬦᬾᬳᬋᬧᬂ᭞ᬮᭀᬓᬶᬓᬦᬾᬬᬵᬧ᭄ᬭᬶᬓ᭄ᬱᬳᬶᬦ᭄᭞ᬦᬾᬬᭀᬕ᭄ᬬᬜᬡ᭄ᬥᬂᬬᭀᬕ᭄ᬬᬦᬶᬦ᭄᭞ᬳᬧᬂᬳᭂᬥᬲᬮᬄᬲᬶ
ᬓᬸᬢ᭄᭞ᬲᬭᬸᬲᬶᬦᬃᬭ᭄ᬯᬦ᭄᭞ᬧᭂᬢᭂᬂᬍᬫᬳᬾᬕᬸᬕᭀᬦᬶᬦ᭄᭞ᬳᬧᬦ᭄ᬳᭂᬦ᭄ᬢᭀᬳᬗ᭄ᬕᭀᬦ᭄ᬕᬸᬭᬸᬚᬓ᭄ᬫᬓᭂᬚᬂ᭛ᬳᬾᬮᬶᬗᬂᬤᬾᬯᬳᬾᬮᬶᬗᬂ᭞ᬫ
Kaca:Bali-lontar-paparikan-darmapada-350ppi.pdf/59
Kaca puniki sampun kauji-wacén
