[᭖ 6B]
᭖
ᬩ᭄ᬭᬢ᭛ᬕᭀᬤᬦᬾᬢ᭄ᬯᬄᬮᬶᬬᬸᬧᭂᬲᬦ᭄᭞ᬲᬓᬶᬂᬢᭂᬗᬄᬲᬓᬶᬂᬲᬶᬲᬶ᭞ᬬᬾᬓᬵᬚ᭄ᬯᬓᬮᬦ᭄ᬲᬂᬫᬭ᭞ᬗᬾᬓᬦᬂᬤᬾᬯᬾᬓᬾᬲᬳᬶ᭞ᬫᬍᬍᬫᭂᬲ᭄ᬗᬫᬦᬶᬲᬶᬲ᭄ᬦ᭄
᭞ᬕᬮᬓ᭄ᬫᬓ᭄ᬱᬵᬗᬯᬾᬢᬓᬸᬢ᭄᭞ᬗ᭄ᬳᬶᬂᬚᭂᬚᭂᬭᬂᬗᭂᬫ᭄ᬩᬦ᭄ᬳᬯᬓ᭄᭞ᬳ᭄ᬥᬵᬗᬤᭂᬓ᭄ᬦᬶᬗᭂᬄᬦᬶᬗ᭄ᬳᬮᬶᬦ᭄᭞ᬓᬤᬶᬤᬦᬸ᭞ᬢᭂᬩ᭄ᬤᬸᬃᬮᬗ᭄ᬕᭂᬂᬫᬜᬶᬧ᭄ᬢ᭛ᬬᬾᬜ᭄ᬘᭂᬦᬶᬂᬜᬶ
ᬧ᭄ᬢᬦᬾᬘᭀᬭᬄ᭞ᬤ᭄ᬬᬵᬧᬶᬦ᭄ᬗᭀᬫᭀᬂᬢᬦ᭄ᬲᬸᬚᬢᬶ᭞ᬮ᭄ᬯᬶᬃᬘᭂᬦᬶᬦ᭄ᬗᭂᬗ᭄ᬓᭂᬩᬶᬦ᭄ᬳᬯᬓ᭄᭞ᬧᬢᬶᬓᭂᬧᬸᬂᬧᬢᬶᬓᭂᬮᬶᬤ᭄᭞ᬜᭂᬦ᭄ᬢᭀᬳᭂᬗ᭄ᬓᭂᬩᬶᬜ᭄ᬘᭂᬦᬶᬂ᭞ᬦᬾᬳᭂᬗ᭄ᬓᭂᬩᬶᬦ᭄ᬦᬾ
ᬫᭂᬗ᭄ᬓᭂᬩ᭄ᬢᬯᬸ᭞ᬮ᭄ᬯᬶᬃᬘᭂᬦᬶᬂᬫᭂᬮᬳᬶᬩᬶᬦ᭄ᬳᬯᬓ᭄᭞ᬫᭂᬗ᭄ᬓᭂᬩ᭄ᬳᭂᬗ᭄ᬓᭂᬩᬦ᭄ᬧᬤᬶᬤᬶ᭞ᬤᬶᬚᬮᬓᬸ᭞ᬳᬦᬾᬫᭂᬗ᭄ᬓᭂᬩ᭄ᬲᬳᬶᬢᬯᬂ᭛ᬧᭂᬧᭂᬲᬂᬳ᭄ᬬᬦ᭄ᬮᭀᬓᬶᬦ᭄ᬳᬯᬓ᭄᭞ᬧ᭄ᬮᬶ
[᭗ 7A]
ᬳᬾᬲᬩ᭄ᬲᬩ᭄ᬳᬮᬶᬳᬶᬦ᭄᭞ᬳᭂᬦ᭄ᬢᭀᬲᬸᬮᬸᬄᬳᬗ᭄ᬕᭀᬦ᭄ᬧᭂᬗᬜ᭄ᬘᬂ᭞ᬧᬵᬗ᭄ᬤᬫᬮᬶᬄᬮᬩᬸᬄᬦᬶᬦ᭄ᬤᬶᬄ᭞ᬧᭂᬧᭂᬲᬗᬯᬾᬦᬶᬦ᭄ᬩᭂᬘᬶᬓ᭄᭞ᬳᬗ᭄ᬕᬾᬦ᭄ᬗᬮᬸᬓᬢ᭄ᬤᬾᬯᬾᬓ᭄ᬍᬢᬸᬄ᭞ᬢᭀ
ᬚᬢᬶᬢ᭄ᬯᬶᬧᬩᬺᬱᬶᬳᬦ᭄᭞ᬦᬾᬲᬚᬵᬜᬸᬫ᭄ᬧ᭄ᬮᬳᬂᬤᬓᬶ᭞ᬗᬜᬸᬢ᭄ᬍᬢᬸᬄ᭞ᬫᬦᬗᬸᬦ᭄ᬓᬺᬢᬭᬶᬂᬳᬗᭂᬦ᭄᭛ᬳᭂᬤᬵᬗᬤᬾᬦ᭄ᬢ᭄ᬯᬭᬩᬶᬱ᭞ᬗᬯᬾᬦᬶᬦ᭄ᬤᬾᬯᬾ
ᬓ᭄ᬧᬂᬩᬺᬱᬶᬄ᭞ᬤ᭄ᬬᬧᬶᬦ᭄ᬍᬢᬸᬳᬾᬓᬮᬶᬯᬢ᭄᭞ᬕᬯᬾᬦᬶᬦ᭄ᬳᬥᬾᬂᬳᬥᬾᬗᬶᬦ᭄᭞ᬤᬩ᭄ᬤᬩᬂᬳᬸᬭᬸᬓᬂᬲᬳᬶ᭞ᬧᬶᬂᬤᬰᬵᬲᬢᬸᬲ᭄ᬧᬶᬂᬲᬶᬬᬸ᭞ᬮ᭄ᬯᬶᬃᬦ᭄ᬬᬦᬸᬤᬸᬓ᭄ᬓᭂᬢᬾ
ᬮᬦ᭄᭞ᬧᬓᬺᬗᬶᬦ᭄ᬩᬳᬦ᭄ᬫᬗᬦ᭄ᬢᬶ᭞ᬳ᭄ᬥᬵᬫᬗᬶᬢᬸᬂ᭞ᬳᬧᬦ᭄ᬢ᭄ᬯᬭᬦᬗ᭄ᬕᬧ᭄ᬳᬸᬧᬄ᭛ᬫᭂᬓᭂᬓ᭄ᬤᬾᬯᬾᬓ᭄ᬢᭀᬳᬸᬭᬸᬓᬂ᭞ᬫᬗ᭄ᬤᬾᬧᬮ᭄ᬲᬳᬶᬳᬸᬚᬶ᭞ᬫᬗ᭄ᬤᬾᬦ᭄ᬜ
Kaca:Bali-lontar-paparikan-darmapada-350ppi.pdf/7
Kaca puniki sampun kauji-wacén
