[᭘ 8B]
᭘
ᬦᬶᬂ᭞ᬫᬦᬶᬮᬧ᭄ᬗᭂᬲᭂᬂᬲᬢᬸᬳᬸᬓ᭄᭞ᬬᬾᬦᬾᬳᬸᬩᭂᬃᬲᬸᬩᬩᬓᬢ᭄᭞ᬚᭀᬳᬦ᭄ᬳᬤᬩ᭄ᬯᬶᬦ᭄ᬗᬸᬮᬧᬶᬦ᭄᭞ᬢᬶᬩ᭄ᬯᬶᬜ᭄ᬚᬸᬚᬸᬃ᭞ᬬᬾᬓᬢ᭄ᬯᬶᬯᬢᭂᬓ᭄ᬱᬗ᭄ᬲᬭ᭟ᬉᬭᬶ
ᬧᬾᬮᬯᬦ᭄ᬲᬗ᭄ᬲᬭ᭞ᬢᭀᬚᬢᬶᬫᬤᬾᬯᬾᬓ᭄ᬢᬸᬗ᭄ᬕᬶᬮ᭄᭞ᬫ᭄ᬮᬳᬂᬢᭀᬫᬜᬸᬲᬸᬧᬂ᭞ᬲᭂᬍᬳᬶᬦ᭄ᬳᬦ᭄ᬢᬸᬓ᭄ᬱ᭄ᬫᬥᬶ᭞ᬤᬳᬫ᭄ᬧᬄᬚᬢ᭄ᬫᭀᬬᬦᬶᬦ᭄᭞ᬲᬸᬲᬸᬧ᭄ᬳᬧᬂ
ᬓᬦ᭄ᬢᬶᬢᭂᬧᬸᬓ᭄᭞ᬳᬧᬶᬢ᭄ᬯᬄᬯᬢᭂᬓᬶᬂᬘᬶᬧ᭄ᬢ᭞ᬫᬍᬤᬾᬗᭂᬩᬸᬲᬶᬦ᭄ᬲᬳᬶ᭞ᬲᬗ᭄ᬓᬦ᭄ᬲᭂᬥᬸᬄ᭞ᬫᬗ᭄ᬤᬾᬜ᭄ᬘᭂᬦᬶᬂᬳᬸᬲᬦ᭄ᬩᬸᬬᬂ᭛ᬳᬧᬶᬦᬾᬲᬬᬦ᭄ᬫᬦᬶᬮ
ᬧ᭄᭞ᬧᬸᬦ᭄ᬧᬸᬦᬶᬦ᭄ᬩᬦ᭄ᬳᬶᬭᬶᬬᬢᬶ᭞ᬚᭂᬮᬾᬳᬗ᭄ᬓᬸᬄᬢ᭄ᬯᬶᬓᬮᭀᬩᬦ᭄᭞ᬫᬗ᭄ᬤᬓᭀᬘᬧ᭄ᬧᬶᬮᬶᬄᬍᬯᬶᬄ᭞ᬢᭀᬢᬸᬯᬶᬗᬯᬶᬱ᭄ᬬᬦᬶᬜ᭄ᬘᭂᬦᬶᬂ᭞ᬳᭂᬦ᭄ᬢᭀᬘᭂᬝᬶᬓ᭄ᬳᭂ
[᭙ 9A]
ᬦ᭄ᬢᭀᬭᬘᬸᬦ᭄᭞ᬗ᭄ᬭᬾᬄᬘᭂᬦᬶᬂᬢᬦ᭄ᬭᬾᬭᬾᬦᬦ᭄᭞ᬜᬓ᭄ᬳ᭄ᬬᬵᬳᬸᬚᬦ᭄ᬜᬓ᭄ᬳ᭄ᬬᬵᬳᬗᬶᬦ᭄᭞ᬫᭂᬭᬄᬫᭂᬭᬸᬄ᭞ᬓ᭄ᬭᬶᬤ᭄ᬥᬬᬵᬗ᭄ᬭᬕ᭄ᬭᬕ᭄ᬥᭀᬭᬄ᭛ᬍᬓᭂᬢᬾᬫᬭᬶᬂᬓᬸᬲᬓᬵ
ᬦ᭄᭞ᬳᭀᬦᬸᬫ᭄ᬩᬸᬳᬂᬲᬓᬶᬢ᭄ᬳᬢᬶ᭞ᬢᬓᬸᬢ᭄ᬫᬗ᭄ᬕᬶᬄᬲᬓᬶᬢ᭄ᬫᬦᬄ᭞ᬗᬯᬶᬦᬂᬲᬗ᭄ᬰᬬᬵᬲᬳᬶ᭞ᬢᬸᬯᬶᬲᬗ᭄ᬲᬭᬯᬶᬬᬸᬓ᭄ᬢᬶ᭞ᬩᬶᬂᬩᬂᬚᭂᬚᭂᬳᬾᬲᬢᬸᬳᬸᬓᬂ᭞ᬢᬦ᭄ᬲᬄᬫ᭄ᬭᬲᬄ
ᬗᬸᬬᬂᬩ᭄ᬮᬲᬄ᭞ᬳᬦ᭄ᬢᬸᬓ᭄ᬫᬓᭂᬚᬂᬫᭂᬍᬤᬶᬦ᭄᭞ᬲᬳᬶᬳᬶᬩᬸᬓ᭄᭞ᬗᬸᬩᭂᬓ᭄ᬤᬾᬯᬾᬓ᭄ᬧᬤᬶᬤᬶᬬᬦ᭄᭛ᬢᭀᬳᬧᬵᬚ᭄ᬯᬫᭂᬓᬥ᭞ᬲᬗ᭄ᬓᬦᬾᬫᭂᬮᬄᬧ᭄ᬭᬩᬸᬢᬶ
ᬦ᭄᭞ᬓ᭄ᬭᬡᬵᬳᬤᬚᭂᬮᬾᬫᭂᬮᬄ᭞ᬳᭂᬦ᭄ᬢᭀᬢ᭄ᬯᬄᬭᬕ᭄ᬭᬕᬜ᭄ᬘᭂᬦᬶᬂ᭞ᬳᬤᬸᬗᬂᬳᬚᬓ᭄ᬱᬫᬶ᭞ᬳᬤᭂᬕᬵᬂᬤᬺᬱ᭄ᬝᬵᬗ᭄ᬕᬾᬦ᭄ᬗᬸᬓᬸᬃ᭞ᬦᬾᬭᬋᬫ᭄ᬳᬭᬦᬶᬦ᭄ᬫᭂᬮᬄ᭞ᬳᭂᬦ᭄ᬢᭀᬩᬸ
Kaca:Bali-lontar-paparikan-darmapada-350ppi.pdf/9
Kaca puniki sampun kauji-wacén
