[᭑᭗ 17B]
᭑᭗
ᬓᬬᬸᬦ᭄ᬳᬶᬤ᭄ᬥᬳᬵᬃᬬ᭄ᬬᬢᬧᬢᬶ᭞ᬲᭂᬓ᭄ᬲᭂᬲᭂᬓᬶᬂᬯᬺᬤ᭄ᬥᬬ᭞ᬲᬬᬦ᭄ᬤᭂᬓ᭄ᬤᭂᬓ᭄ᬋᬜᬸᬄ᭞ᬓᬘᬭᬶᬓᬶᬂᬫᬥᬦᬳᬲ᭄ᬢ᭄ᬭ᭞ᬩ᭄ᬭᬦ᭄ᬢᬵᬗᭂᬲᬄ᭞ᬢᬦ᭄ᬯᭂᬦᬂᬮᬶᬦᬾᬱᬦ᭄ᬫᬮᬶᬄ᭞ᬓᭂᬦᬾᬂᬢᬸᬯᬲ᭄ᬓᬢᬸᬭᬶᬥᬦ᭄᭟ᬭᬭᬶᬲ᭄ᬳᬶᬤ᭄ᬥᬲᬂᬰ᭄ᬭᬷᬦᬵᬃᬧᬢᬶᬫᬗᬦ᭄ᬤᬶᬓ᭞ᬭᬶᬂᬰ᭄ᬭᬶᬧ᭄ᬭᬫᬾ
ᬰ᭄ᬯᬃᬬ᭄ᬬ᭞ᬲᬤ᭄ᬥᬲᭂᬫ᭄ᬧ᭄ᬬᬃᬯᬘᬡᬦᬾ᭞ᬫᬦᬶᬲ᭄ᬫᬫᬸᬮᬸᬄᬋᬫ᭄ᬧᬸᬄ᭞ᬬᬬᬶᬲᬸᬭᬶᬓᬾᬦᬾᬦᬾᬫᬗ᭄ᬓᬶᬦ᭄᭞ᬲᬗ᭄ᬓᬦ᭄ᬢᬶ᭠ᬢ᭄ᬬᬂᬗᬮᬶᬄᬳᬶᬤ᭄ᬥ᭞ᬫᬗ᭄ᬤᬤ᭄ᬭᬶᬓᬶᬫᬶᬮᬸ᭞ᬩᬳᬦ᭄ᬳᬤᬧᬗᬦ᭄ᬤᬶᬓᬦ᭄ᬲᬂᬗᬃᬚ᭄ᬚᬸᬦᬵ᭞ᬗᬃᬱᬬᬂᬳᬶᬲᭀᬫᬯᬢᬶ᭞ᬧᬘᬂᬫ
ᬳᬗ᭄ᬕᬾᬦ᭄ᬕᬃᬯ᭄ᬯ᭟ᬦᬶᬫ᭄ᬩᬮ᭄ᬳᬢᬸᬃᬲᬂᬥ᭄ᬬᬄᬯᬶᬭᬤᬡ᭄ᬝᬶᬭᬶᬂᬭᬓᬦ᭄ᬤᬵ᭞ᬗ᭄ᬳᭂᬤ᭄ᬫᭂᬧᭂᬲ᭄ᬳᬗ᭄ᬕᬵ᭞ᬳᬶᬗ᭄ᬕᬶᬄᬬᬦ᭄ᬫᬦᬄᬢᬶᬢ᭄ᬬ᭠ᬗᬾ᭞ᬢᬦ᭄ᬯᬾᬦ᭄ᬢᭂᬦ᭄ᬧᬜ᭄ᬚᬂᬳᬢᬸᬃ᭞ᬲᬭᬮᬾᬤᬂᬓᬬᬸᬦ᭄ᬓᬓᬵᬚᬶ᭞ᬬᬾᬦ᭄ᬢᬦ᭄ᬓᬧᬶᬦᭂᬄᬳᬶᬯᬂ᭞ᬧᬸᬧᬸᬢᬂᬭᬶᬂᬳᬶᬧᬸᬦ᭄᭞᭠
ᬲᬦᬾᬦ᭄ᬤᬾᬯᬾᬓᬶᬦ᭄ᬧᬶᬘᬬᬂᬧᬶᬲᬭᬬᬂ᭞ᬬᬦ᭄ᬲᬵᬫ᭄ᬧᬸᬦ᭄ᬳᬶᬧᬸᬦ᭄ᬫᬗᬶᬭᬶᬂ᭞ᬗᬶᬭᬶᬂᬧᬶᬢ᭄ᬮᬲ᭄ᬳᬢᬸᬭᬂ᭟ᬳᬤᬾᬂᬳᬮᬸᬲ᭄ᬲᬳᬸᬃᬰ᭄ᬭᬷᬪᬸᬧᬢᬶᬭᬶᬂᬭᬳᬶᬦ᭄ᬤᬵ᭞ᬫᬦᬶᬲ᭄ᬫᬦᭀᬳᬭ᭞ᬥᬸᬄᬤᬾᬯ᭄ᬯᬓᬾᬦᬾᬯ᭄ᬬᬵᬓ᭄ᬢᬶᬦ᭄ᬦᬾ᭞ᬩᬳᬦ᭄ᬳᬶᬤ᭄ᬥᬫᬧ
[᭑᭘ 18A]
᭑᭘
ᬓᬬᬸᬦ᭄᭞ᬧᬘᬂᬗᬗ᭄ᬕᬾᬦ᭄ᬳᬶᬬᬖᬭᬧᬢ᭄ᬦᬶ᭞ᬚ᭄ᬦᭂᬗᬂᬫᬓᬵᬳᬵᬃᬤ᭄ᬥ᭞ᬤᬶᬳᬱ᭄ᬝᬶᬦᬵᬦᬵᬕᬦ᭄ᬢᬸᬦ᭄᭞ᬫᬓᬭᭀᬦ᭄ᬫᬳ᭠ᬬ᭄ᬯᬂᬪ᭄ᬯᬡ᭞ᬳᬶᬦ᭄ᬤ᭄ᬭᬵᬧ᭄ᬭᬱ᭄ᬝᬵ᭞ᬓᬤᬶᬳᬜᬢ᭄ᬬᬂᬫᬲᬶᬄ᭞ᬢᬦ᭄ᬗᭂᬮᬄᬳᬢᬸᬃᬧᬜ᭄ᬚᬂ᭟ᬯᬶᬭᬾᬄᬫᬸᬮᬧᬢᬸᬢ᭄ᬳᬶᬤ᭄ᬥᬤ
ᬤᬶᬫᬗ᭄ᬮᬫᬃ᭞ᬘᭂᬦ᭄ᬤᭂᬢ᭄ᬫᬗ᭄ᬓᬶᬦ᭄ᬢ᭄ᬬᬂ᭞ᬫᬶᬲᬭᬵᬧᬦᬓ᭄ᬢ᭄ᬬᬗᬾ᭞ᬳᬶᬗ᭄ᬕᬶᬄᬤᬾᬯ᭄ᬯᬲᬂᬚᬶᬱ᭄ᬡᬸ᭞ᬲᬵᬫ᭄ᬧᬸᬦ᭄ᬩᬗᭂᬢ᭄ᬤᬸᬫᬸᬦ᭄ᬧ᭄ᬭᬶ᭠ᬳᬢᬶᬦ᭄᭞ᬬᬦ᭄ᬫᬸᬗ᭄ᬕ᭄ᬯᬶᬂᬫᬦᬄᬢᬶᬢ᭄ᬬᬂ᭞ᬲᬧᬸᬦᬶᬓᬵᬭᬢᬸ᭟ᬩᭂᬘᬶᬓ᭄ᬭᬶᬂᬳᬶᬧᬸᬦ᭄ᬧᬸᬧᬸᬢᬂ᭞ᬫᬗᬦ᭄ᬤᬶᬓ᭞ᬬᬦ᭄ᬯᬦ᭄ᬢᬄᬳᬶᬲᭀᬫ
ᬯᬢᬶ᭞ᬫᬗᬶᬭᬶᬂᬧᬓᬬᬸᬦᬦ᭄᭟ᬳᭂᬜᬓ᭄ᬧᬘᬂᬤᬤᭀᬲ᭄ᬕᬭᬧᬢ᭄ᬦᬶᬫᬢ᭄ᬫᬸᬢᬗᬦ᭄᭞ᬲᬋᬂᬭᬶᬂᬳᬶᬤᬾᬯ᭄ᬯ᭞ᬢᬸᬢᬸᬢ᭄ᬲᬮᬓᬸᬲᬾᬮ᭄ᬯᬦᬾ᭞ᬢᬶᬢ᭄ᬬᬂᬗᬢᬸᬭᬂᬭᬢᬸ᭞ᬲᬓᬾᬯᬦ᭄ᬢᭂᬦ᭄ᬧᬶᬦ᭄ᬤᬫᬦᬯᬶ᭞ᬯᬦ᭄ᬢᬄᬢᬦ᭄ᬯᬾᬦ᭄ᬢᭂᬦ᭄ᬳᭂᬜᬓ᭄᭞ᬳᬶᬧᬸ
ᬦ᭄ᬭᬶᬂᬳᬶᬭᬢᬸ᭞ᬫᬗ᭄ᬭᬭᬶᬲ᭄ᬫᬲᬫᬵᬕᬫ᭞ᬲᬵᬫ᭄ᬧᬸᬦ᭄ᬧᬶᬲᬦ᭄᭞ᬳᬶᬤᬾᬯ᭄ᬯᬲᬮᬶᬢ᭄ᬧ᭄ᬭᬬᭀᬕᬶ᭞ᬯᬮᬂᬳᬗᭂᬦ᭄ᬭᬶᬂ᭠ᬢᬶᬢ᭄ᬬᬂ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬤᬤᭀᬲ᭄ᬳᬸᬦᬶᬂᬫᬗ᭄ᬯᬶᬰᬾᬱ᭞ᬫᬦᬄᬳᬦᬓ᭄ᬮ᭄ᬬᬦ᭄᭞ᬮ᭄ᬬᬦᬦ᭄ᬭᬶᬂᬤᬾᬯᬾᬓ᭄ᬢᬶ
