Kaca puniki sampun kauji-wacén
[᭔᭑ 41B]
᭔᭑
ᬫᬶᬭᬶᬩ᭄ᬓᬮᬗᭂᬦ᭄ᬫᬦᬳᬾ᭞ᬲᬸᬓᬫᬧᬸᬮᬂᬮᬸᬮᬸᬢ᭄᭞ᬳᬦᬢᬮᬸᬗ᭄ᬕᬦᭀᬫᬳᬶ᭞ᬘᬾᬢᬶᬦ᭄ᬬᬢᬦ᭄ᬧᭂᬕᬢ᭄᭞ᬗ᭄ᬕᬯᬳᬢᬸᬃᬳᬢᬸᬃ᭞ᬩᬸᬗ
ᬦᬾᬧᬥᬫᬾᬮᭀᬕᬦ᭄᭞ᬳᬸᬮᬢ᭄ᬫᬭᬲ᭄᭞ᬫᬦᭀᬮᬶᬄᬢᬶᬫ᭄ᬧᬮ᭄ᬫᬯᬗ᭄ᬲᬶᬢ᭄᭞ᬲᬫ᭄ᬧᬸᬦ᭄ᬧᬥᬯ᭄ᬭᬸᬳᬶᬂᬲ᭄ᬫᬶᬢ᭛ᬲ᭄ᬓᬭᬾᬫᬬᬂ᭞ᬮ
ᬩᬸᬄᬫᬧᬶᬮ᭄ᬧᬶᬮ᭄ᬫᬓᬦᬓᬦ᭄᭞ᬯᬾᬦ᭄ᬢᭂᬦ᭄ᬓᬤᬶᬢᬶᬮᬫ᭄᭞ᬓᬦ᭄ᬢᭂᬦ᭄ᬩ᭄ᬭᬳ᭄ᬫᬭᬦᭂᬲᭂᬓᬶᬦ᭄᭞ᬫᬶᬭᬶᬩ᭄ᬲᭂᬥᬶᬄᬫᬗᬸᬦ᭄ᬢᬸᬓ᭄᭞ᬫᬫᬗᭂᬦᬂᬳᬯ
ᬓ᭄ᬫᬗ᭄ᬮᬶᬂ᭞ᬜᭂᬲᬶᬸᬮ᭄ᬲᭂᬮ᭄ᬲᬸᬮᬓᬺᬢ᭞ᬘᬾᬢᬶᬦ᭄ᬜᬦᬾᬭᬯᬸᬄ᭞ᬫᬗᬭᬂᬭᬂᬳᬸᬮᬢ᭄ᬫᬓ᭄ᬭᬸᬡ᭞ᬫᬗᬢᬸᬭᬂ᭞ᬮᬫ᭄ᬧᬳᬾᬧᭀᬮᬶᬄᬢᬦ᭄
[᭔᭒ 42A]
ᬧᭀᬮᬶᬄ᭞ᬭᬭᬶᬲ᭄ᬦᬫ᭄ᬩᬸᬂᬫᬗᬕᬡ᭛ᬫᬶᬭᬶᬩ᭄ᬕᭂᬮᬸ᭞ᬗᬫ᭄ᬩ᭄ᬭᬾᬲ᭄ᬧᬥᬩ᭄ᬭᬗ᭄ᬢᬶᬫᬫᬾᬦ᭄ᬢᭀᬲᬂ᭞ᬩᬸᬗᬦᬾᬗ᭄ᬭᬫ᭄ᬧᬬᬓ᭄᭞ᬫᬶᬭᬶᬩ᭄ᬫᬫᭂᬦ᭄ᬤᬓᬶᬦ᭄ᬳ
ᬕᬾ᭞ᬳᬤᬲᬂᬯᬯᬸᬭᬯᬸᬄ᭞ᬳᬗᬶᬦᬾᬢ᭄ᬓᬗᭂᬫ᭄ᬧᭂᬢᬶᬦ᭄᭞ᬩᬸᬗᬦ᭄ᬜᬦᬾᬫᬮᭀᬕᬦ᭄᭞ᬩᬋᬂᬩ᭄ᬭᬶᬬᬓ᭄ᬩ᭄ᬭᬶᬬᬸᬓ᭄᭞ᬫᬶᬭᬶᬩ᭄ᬋᬓᬾᬗ
ᬯᬾᬭᬭᬲ᭄᭞ᬲᬮᬶᬂᬯᬲ᭄ᬯᬲ᭄᭞ᬧᬥᬫᬗ᭄ᬮᭀᬲᭀᬯᬂᬲᬭᬶ᭞ᬧᬟᬫᬗᬶᬫ᭄ᬩᬗᬂᬕᭀᬩ᭛ᬲᬸᬤ᭄ᬟᬭᬶᬓᬾ᭞ᬫᬸᬜᬶᬦ᭄ᬜᬦᬾᬚᬗᬶᬄᬓᬳᬗᬶ᭠
ᬦ᭄᭞ᬫᬳᬶᬭᬶᬩ᭄ᬫᬜᬧ᭞ᬢᬸᬓᬤ᭄ᬥᬶᬲᬫ᭄ᬧᬶᬂᬫᬃᬕ᭄ᬕᬶᬦᬾ᭞ᬫᬳᬶᬭᬶᬩ᭄ᬗᬶᬭᬶᬂᬮᬸᬫᬓᬸ᭞ᬢᬫ᭄ᬧᬓ᭄ᬩᬾᬮᬦᬾᬗᬸᬮᬧᬶᬦ᭄᭞ᬢᬺᬱ᭄ᬡᬫᬢᬸᬚ᭄ᬯᬶᬦ᭄ᬫᬃᬕ᭄ᬕ
