Kaca:Bali-lontar-paparikan-lubdhaka-03-450ppi.pdf/15

Kaca puniki sampun kauji-wacén

[᭑᭔ 14B]
᭑᭔
ᬧᬵᬲ᭄ᬯᬃᬕ᭄ᬕᬵ᭚ᬧᬶᬦᭂᬄᬳᬶᬤᬵᬬᬫ᭄ᬫᬵᬩᬮᬵᬕ᭄ᬮᬶᬲ᭄ᬧ᭄ᬭᬧ᭄ᬢᬶ᭞ᬧᬘᬂᬫᬫᬶᬥᬡ᭄ᬟᬵ᭞ᬳᬢ᭄ᬫᬦᬾᬓᬶᬲᬤ᭄ᬟᬵᬕ᭄ᬮᬶᬲ᭄᭞ᬳᬯᬦᬦ᭄ᬳᬶᬤᬵᬦᬯᬸᬳᬂ᭚ᬯᬢᭂᬓ᭄ᬕᬡ᭄ᬦᬵᬲᬦᬾᬫᬗ᭄ᬓᬶᬦ᭄ᬓᬤᬯᬸᬳᬶᬦ᭄᭞ᬫᬗ᭄ᬤᬕ᭄ᬮᬶᬲ᭄ᬧ᭄ᬭᬧ᭄ᬢᬵ᭞ᬫ
ᬦᬗ᭄ᬓᬶᬮ᭄ᬳ᭄ᬬᬂᬰᬶᬯᬵᬚᬢᬷ᭞ᬲᬵᬫ᭄ᬧᬸᬦ᭄ᬭᬯᬸᬄᬫ᭄ᬟᭂᬓ᭄ᬳᬶᬤ᭄ᬟᬵ᭚ᬧᬭᬵᬦᬫ᭄ᬬᬵᬯᬢᭂᬓ᭄ᬕᬡ᭄ᬦᬵᬲᬫᬶᬦᬗ᭄ᬓᬶᬮ᭄᭞ᬮᬶᬗ᭄ᬕᬶᬄᬲᬂᬳ᭄ᬬᬂᬰᬶᬯᬵ᭞ᬦᬸᬳᬸᬦ᭄ᬯᬭᬵᬦᬸᬕ᭄ᬭᬳᬵᬤ᭄ᬟᬶ᭞ᬲᬳᬵᬲᭂᬫ᭄ᬩᬄᬢᬹᬃᬧᬺᬦᬵᬣᬵ᭚ᬤᬸᬄᬪᬝᬭᬵᬧᬸ
ᬦᬧᬶᬯᬓ᭄ᬬᬵᬲᬸᬚᬢᬶ᭞ᬦ᭄ᬤᬯᬸᬳᬶᬦ᭄ᬧᬝᬶᬓ᭄ᬩᬺ᭞ᬕᬕᬜ᭄ᬘᬗᬦ᭄ᬫᬗ᭄ᬤᬵᬢᬗ᭄ᬓᬶᬮ᭄᭞ᬳᬢᬹᬃᬯᬢᭂᬓ᭄ᬕᬡ᭄ᬦᬵᬦᭂᬫ᭄ᬩᬄ᭚ᬭᬭᬶᬲ᭄ᬳᬶᬤᬵᬲᬂᬳ᭄ᬬᬂᬰᬶᬯᬵᬲᬳᬸᬃᬕ᭄ᬮᬶᬲ᭄᭞ᬳᬸᬤᬸᬄᬦᬦᬓ᭄ᬲᬫ᭄ᬬᬦ᭄᭞ᬳᬮᬶᬳᬂᬩᬧᬵ
ᬦᬾᬚᬦᬶ᭞ᬳᬢ᭄ᬫᬦᬶᬧᬸᬦ᭄ᬓᬶᬮᬸᬩ᭄ᬤᬓᬵ᭚ᬕᬕᬜ᭄ᬘᬗᬦ᭄ᬳᬧᬂᬲᬶᬤ᭄ᬟᬵᬢ᭄ᬓᬵᬫᬳᬶ᭞ᬩᬧᬵᬫᬶᬲᬭᬢᬂ᭞ᬫᬗ᭄ᬤᬵᬳᬶᬧᬸᬦ᭄ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬳᬓᬾᬢᭀᬧᬗᬶᬤᬶᬄᬩᬧᬵ᭚ᬯᬢᭂᬓ᭄ᬕᬡ᭄ᬦᬵᬲᬳᬸᬃᬲᭂᬫ᭄ᬩᬄᬲᬋᬂᬲᬫᬶ᭞
[᭑᭕ 15A]
ᬭᬢᬸᬲᬂᬳ᭄ᬬᬂᬰᬶᬯᬵ᭞ᬧᬸᬦᬧᬶᬓ᭄ᬭᬡᬦᬶᬯᬶᬥᬶ᭞ᬫᬶᬓᭂᬤᭂᬄᬧᬶᬲᬦ᭄ᬗᬺᬋᬳᬂ᭚ᬳᬢ᭄ᬫᬦᬶᬧᬸᬦ᭄ᬓᬶᬮᬸᬩ᭄ᬤᬓᬵᬧᬧᬵᬚᬢᬶ᭞ᬳᬶᬗ᭄ᬲᬸᬓᬵᬕᬯᬾᬦ᭄ᬬᬵ᭞ᬗᬫᬢᬶᬫᬺᬕᬵᬭᬶᬂᬗᬹᬦᬶ᭞ᬤᬸᬓᬶᬧᬸᬦ᭄ᬓᬭᬶᬳᬸᬭᬶᬧᬵ᭚ᬚᬦ᭄ᬢᭂᬦ᭄ᬯᬦ᭄ᬢᬄᬓᬶᬗ᭄ᬓᬭᬩᬮᬵ
ᬜᬕ᭄ᬚᬕᬶᬦ᭄᭞ᬓᬶᬮᬸᬩ᭄ᬤᬓᬵᬧᬧᬵ᭞ᬓᬧᬶᬥᬡ᭄ᬥᬵᬓᬧᬵᬲᬓᬶᬢ᭄᭞ᬢᬶᬩᬵᬭᬶᬂᬘᬫ᭄ᬩᬺᬕᭀᬫᬸᬓᬵ᭚ᬲᬂᬳ᭄ᬬᬂᬰᬶᬯᬵᬗᬦ᭄ᬤᬶᬓᬵᬭᬸᬫᬫᬦᬶᬲ᭄᭞ᬳᬸᬤᬸᬄᬯᬢᭂᬓ᭄ᬕᬡ᭄ᬦᬵ᭞ᬩ᭄ᬭᬢᬦᬶᬧᬸᬦ᭄ᬓᬤᬶᬗᬹᬦᬶ᭞ᬤᬳᬢ᭄ᬫᬳᬸᬢ᭄ᬢᬫ᭄ᬫᬵᬧᬶᬲᬦ᭄
᭚ᬰᬶᬯᬵᬭᬢ᭄ᬭ᭄ᬬᬵᬩᬩ᭄ᬭᬢᬦᬾᬧᬶᬦᬶᬄᬍᬯᬶᬄ᭞ᬳᬶᬧᬸᬫᬜᬶᬤᬬᬂ᭞ᬗᬶᬭᬶᬂᬧ᭄ᬯᬱᬵᬲᬂᬳ᭄ᬬᬂᬯᬶᬤ᭄ᬟᬶ᭞ᬢᭀᬓ᭄ᬭᬡᬵᬩᬧᬵᬫᬶᬲᬺᬗᬂ᭚ᬫᬦᬸᬦ᭄ᬤᬾᬦᬂᬳᬶᬤᬾᬯᬵᬧᬤᬵᬫᬗᬮᬶᬄ᭞ᬳᬢ᭄ᬫᬜᬦᬾᬳᬾᬗ᭄ᬕᬮ᭄᭞ᬫᬗ᭄ᬤᬵᬢ᭄ᬓᬵᬳᬶᬧᬸᬦ᭄ᬚ
ᬦᬶ᭞ᬓᬢ᭄ᬧᬸᬓ᭄ᬢᭂᬓᬾᬦᬶᬂᬩᬧᬵ᭚ᬬᬦᬶᬂᬳᬤᬵᬧᬺᬲᬗ᭄ᬕᬵᬧᬘᬂᬫᬗᬮᬶᬄ᭞ᬫᬶᬤᬵᬡ᭄ᬟᬵᬓᬶᬲᬤ᭄ᬟᬵ᭞ᬩ᭄ᬯᬢᬂᬧᬥᬵᬬᬋᬩᬸᬢᬶᬦ᭄᭞ᬧᬸᬱ᭄ᬧᬓᬵᬫᬡᬶᬦᬾᬕᬯ᭄ᬯᬵ᭚ᬩᬳᬂᬳᬶᬧᬸᬦ᭄ᬢᬗ᭄ᬕᭀᬗᬯᭀᬳᬶᬧᬸᬦ᭄ᬫᬳᬶ᭞ᬳᬧᬦ᭄ᬫᬳᬸ