[᭑᭕ 15B]
᭑᭕
ᬢ᭄ᬢᬫᬵ᭞ᬩ᭄ᬭᬢᬦ᭄ᬜᬦᬾᬓᬲᬦ᭄ᬤᬗᬶᬦ᭄᭞ᬤᬸᬢᬶᬧᬸᬦ᭄ᬭᬶᬂᬫᬥ᭄ᬬᬮᭀᬓᬵ᭚ᬧᬕᬜ᭄ᬘᬗᬶᬦ᭄ᬳᬶᬤᬾᬯᬵᬫᬚᬮᬦ᭄ᬚᬦᬶ᭞ᬳ᭄ᬟᬵᬲᬸᬫᬦ᭄ᬤᬾᬬᬵ᭞ᬲᬶᬤᬦᭂᬦ᭄ᬳᬸᬚᬃᬓᬸᬕ᭄ᬮᬶᬲ᭄᭞ᬳᬢᬕᭂᬦ᭄ᬯᬤ᭄ᬯᬵᬢᬲᬫᬸᬳᬵ᭚ᬳᬸᬦ᭄ᬬᬳᬸᬦ᭄ᬬᬦ᭄ᬕᭀᬂᬓᭂ
ᬦ᭄ᬤᬂᬫᬸᬭᬭᬶᬸᬯ᭄ᬯᬵᬪᭀᬭᬶ᭞ᬤ᭄ᬯᬚᬵᬯᬸᬲ᭄ᬘᬸᬫᬤᬂ᭞ᬯᬢᭂᬓ᭄ᬕᬡᬵᬰᬶᬖᬺᬫᬶᬚᬶᬮ᭄᭞ᬲᬕᬺᬳᬦ᭄ᬮᬸᬗ᭄ᬳᬵᬭᬦ᭄ᬢᬩᬦ᭄᭚ᬓᬧᬶᬗᬬᬸᬦ᭄ᬫᬓᬵᬫᬗ᭄ᬕᬮᬵᬧᬫᬃᬕ᭄ᬕᬶ᭞ᬲᬂᬦᬦ᭄ᬤᬦᬵᬗᬭᬦ᭄᭞ᬧᬺᬯᬶᬭᬵᬮᬸᬯᬶᬳᬶᬂᬚᬸᬭᬶᬢ᭄᭞ᬫ᭄ᬯᬂᬦᬶᬭᭀ
ᬤᬺᬓᬾᬱᬵᬫᬸᬯᬄ᭚ᬕᬡ᭄ᬦᬭᬣᬧᬸᬱ᭄ᬧᬵᬤᬦ᭄ᬢᬵᬫᬶᬦᬓᬤᬶ᭞ᬲᬸᬭᬦᬶᬂᬧᬧ᭄ᬭᬗᬦ᭄᭞ᬫᬳᬶᬭᬶᬗᬦ᭄ᬩᬮᬵᬲᬫᬶ᭞ᬲᬯᬸᬃᬤ᭄ᬟᬵᬲᬚᬸᬭᬸᬲᭀᬯ᭄ᬯᬂ᭚ᬧᬤᬰᬓ᭄ᬢᬶᬲᬯᬢᭂᬓ᭄ᬕᬡᬦᬾᬲᬫᬶ᭞ᬲᬦᬾᬓᬦᬶᬓᬬᬂ᭞ᬳᬦ᭄ᬢᬸᬓ᭄
ᬳ᭄ᬬᬂᬰᬶᬯᬵᬫᬧᬕᬶᬦ᭄᭞ᬳᬢ᭄ᬫᬦᬾᬓᬭᬶᬧᬸᬗ᭄ᬓᬸᬦ᭄᭚᭜᭚ᬧᬫᬃᬕ᭄ᬕᬶᬦᬾᬕᬕᬜ᭄ᬘᬗᬦ᭄᭞ᬯᬢᭂᬓ᭄ᬕᬡᬵᬓᬳᬸᬢᬸᬲ᭄ᬫᬫᬕᬶᬦ᭄᭞ᬳᬦ᭄ᬢᬸᬓ᭄ᬳᬶᬤᬵᬰᬶᬯᬵᬕᬸᬭᬸ᭞ᬫᭂᬦ᭄ᬤᬓ᭄ᬓᬶᬲᬤ᭄ᬟᬵᬳᬢ᭄ᬫᬵ᭞ᬦᬾᬫᬗ᭄ᬕᬮᬵ᭞ᬧᬶᬗ
[᭑᭖ 16A]
ᬋᬧ᭄ᬗᬮᬳᬂᬭᬶᬧᬸ᭞ᬯᬶᬯᬾᬓᬵᬭᬶᬂᬚ᭄ᬭᭀᬦᬶᬂᬮᬕᬵ᭞ᬦᬶᬢᬶᬭᬶᬂᬳᬸᬮᬳᬶᬂᬚᬸᬭᬶᬢ᭄᭚ᬢᬦ᭄ᬮ᭄ᬬᬦ᭄ᬲᬦᬾᬫᬧᬵᬲᬾᬗᬦ᭄᭞ᬧᬶᬗ᭄ᬕᬵᬮᬓ᭄ᬱᬵ᭞ᬲᬂᬯᬶᬭᬵᬪᬤᬺᬫᬮᬶᬄ᭞ᬲᬂᬫᬳᭀᬥᬭᬵᬫᬤᬸᬮᬸᬃ᭞ᬲᭀᬫᬵᬯᬃᬡ᭄ᬦᬵᬧ᭄ᬲᬾᬗᬦ᭄
᭞ᬭᬾᬡᬸᬓᬃᬡ᭄ᬦᬵ᭞ᬓᬮᬯᬦ᭄ᬧᬺᬓᬃᬱᬵᬲᬫ᭄ᬧᬸᬦ᭄᭞ᬫᬓᬵᬧᬶᬗᬋᬧᬶᬂᬬᬸᬤ᭄ᬟᬵ᭞ᬭᬶᬓᬮᬵᬗᬋᬧᬶᬜ᭄ᬚᬸᬭᬶᬢ᭄᭚ᬫᬓᬵᬧᬢᬦ᭄ᬤᭂᬮᬶᬂᬕᬸᬡ᭄ᬦᬵ᭞ᬲᬗᬶᬦᬸᬘᬧ᭄᭞ᬧᬸᬭᬸᬱᬦᬶᬂᬮᬕᬵᬬᬸᬓ᭄ᬢᬶ᭞ᬳᬶᬤᬵᬲᬂᬫᬸᬗ᭄ᬕᬸᬄᬭᬶᬗᬬᬸᬦ᭄
᭞ᬧᬸᬦᬶᬓᬵᬓᬦᬶᬓᬬᬂ᭞ᬤᬾᬳ᭄ᬬᬂᬕᬸᬭᬸ᭞ᬫᬧᬕᬶᬦ᭄ᬓᬶᬚᬸᬭᬸᬩᬸᬭᬸ᭞ᬦᬾᬫᬯᬱ᭄ᬝᬵᬓᬶᬮᬸᬩ᭄ᬤᬓᬵ᭞ᬳᬢ᭄ᬫᬦᬾᬓᬭᬶᬭᬶᬂᬫᬃᬕ᭄ᬕᬶ᭚ᬭᬶᬲᬫ᭄ᬧᬸᬫᬫᬃᬕ᭄ᬕᬵᬲᬫ᭄ᬬᬦ᭄᭞ᬯᬢᭂᬓ᭄ᬕᬡ᭄ᬦᬵ᭞ᬪᬝᬭᬵᬬᬫᬦᬾᬫᬗ᭄ᬓᬶᬦ᭄᭞ᬘᬭᬶᬢ
ᬬᬂᬲᬫ᭄ᬧᬸᬦ᭄ᬯ᭄ᬭᬸᬄ᭞ᬓᬶᬚᬸᬭᬸᬩᭀᬭᭀᬲ᭄ᬧ᭄ᬚᬄ᭞ᬕᬕ᭄ᬮᬶᬲᬦ᭄᭞ᬳᬶᬤᬵᬦᬯᬸᬄᬩᬮᬵᬲᬫ᭄ᬧᬸᬦ᭄᭞ᬓᬶᬗ᭄ᬓᬭᬦᬾᬓᬤᬯᬸᬳᬦ᭄᭞ᬫᬧᬕᬶᬦ᭄ᬳᬢ᭄ᬫᬵᬭᬶᬂᬕ᭄ᬮᬶᬲ᭄᭚ᬲᬫᬶᬢ᭄ᬤᬸᬦ᭄ᬫᬭᬦ᭄ᬢᬩᬦ᭄᭞ᬓᬶᬗ᭄ᬓᬭᬦᬾ᭞
Kaca:Bali-lontar-paparikan-lubdhaka-03-450ppi.pdf/16
Kaca puniki sampun kauji-wacén
