[᭑᭖ 16B]
᭑᭖
ᬫ᭄ᬥᬸᬦ᭄ᬲᬳᬵᬳᬕᬕᬶᬢᬶᬓ᭄᭞ᬥᬡ᭄ᬥᬵᬮᬶᬧᬸᬂᬓᭀᬦ᭄ᬢᬵᬳ᭄ᬭᬸ᭞ᬪᬥᬫᬫ᭄ᬯᬂᬭᬕᬚ᭄ᬬᬵ᭞ᬲᬕᬯᬦ᭄᭞ᬧᬺᬓᬭᬵᬫᬶᬥᬡ᭄ᬥᬵᬘᬸᬓᬸᬧ᭄᭞ᬫ᭄ᬢᬸᬳᬢᬧ᭄ᬫᬭᬶᬂᬍᬫᬄ᭞ᬫᬗᬦ᭄ᬢᬶᬯᬘᬦᬦ᭄ᬯᬶᬤ᭄ᬟᬶ᭚ᬫᬪᬹᬰᬡᬵᬓ᭄ᬭᬸᬭᬵᬧᬶ
ᬲᬦ᭄᭞ᬗᬋᬲ᭄ᬋᬲᬶᬦ᭄᭞ᬫᬗᬯᬾᬳᬢᬶᬳᬚ᭄ᬭᬶᬄᬓᬤᬶᬲᬶᬗ᭄ᬳᬵᬬᬦ᭄ᬳᬦ᭄ᬤᬧᬸᬃ᭞ᬥᬂᬲ᭄ᬢ᭄ᬭᬦ᭄ᬬᬓ᭄ᬭᬸᬭᬵᬫᬗ᭄ᬳᬵᬂ᭞ᬫᬸᬦ᭄ᬢᬩ᭄ᬫᬸᬦᬸᬩ᭄᭞ᬓᬤᬶᬧᬯᬓᬵᬕᬸᬫᬸᬮᬸᬂ᭞ᬲᬶᬦ᭄ᬬᭀᬓᬦ᭄ᬫᬶᬜᬓ᭄ᬳᬸᬫᬸᬦ᭄ᬢᬩ᭄᭞ᬲ᭄ᬯᬭᬦᬾᬕᬸ
ᬫᬸᬭᬸᬄᬳᬜ᭄ᬚ᭄ᬭᬶᬢ᭄᭚ᬫᬓᬵᬧᬶᬗᬦᭂᬗᬶᬂᬤᬮᬦ᭄᭞ᬦᬾᬫᬧᬭᬩ᭄᭞ᬲᬂᬘᬡ᭄ᬟᬵᬓᬧᬶᬂᬭᬶᬳᬶᬦ᭄᭞ᬲᬧᬺᬘᬡ᭄ᬥᬵᬤ᭄ᬪᬸᬝᬦᬸᬮᬸᬃ᭞ᬧ᭄ᬭᬫᬾᬱ᭄ᬝᬶᬫᬺᬢ᭄ᬬᬸᬫ᭄ᬯᬄ᭞ᬫ᭄ᬯᬂᬲᬂᬓᬮᬵ᭞ᬦᬶᬮᭀᬕᬺᬓᬃᬡ᭄ᬦᬵᬫᬦ᭄ᬤᬸᬮᬸᬃ᭞ᬘᬶᬢ᭄ᬭᭀᬤᬸᬫ᭄ᬩ
ᬭᬭᬶᬢ᭄ᬗᬄ᭞ᬕᭀᬭᬵᬯᬶᬓ᭄ᬭᬫ᭄ᬫᬵᬦᬸᬮᬸᬭᬶᬦ᭄᭚ᬫᬳᬵᬘᬦ᭄ᬤᬦ᭄ᬢᬓᬵᬫᬸᬯᬄ᭞ᬳᬢ᭄ᬬᬤ᭄ᬪᬸᬝᬵ᭞ᬯᬃᬡ᭄ᬦᬦᬾᬳᬗᬺᬲ᭄ᬋᬲᬶ᭞ᬲᬕᬵᬕᬯᬦ᭄ᬲᬫ᭄ᬧᬸᬜ᭄ᬘᬸᬓᬸᬧ᭄᭞ᬯᬢᭂᬓ᭄ᬬᬫᬦᬾᬲᬫ᭄ᬬᬦ᭄᭞ᬲᬫ᭄ᬧᬸᬦ᭄ᬯᭂᬤᬮ᭄᭞ᬫ
[᭑᭗ 17A]
ᬧᬕ᭄ᬳᬢ᭄ᬫᬵᬚᬸᬭᬸᬩᬸᬭᬸ᭞ᬦᬾᬯᬱ᭄ᬝᬶᬓᬶᬮᬸᬩ᭄ᬤᬓᬵ᭞ᬓᬮᬸᬲᬵᬢᬦᬤ᭄ᬯᬾᬓᬾᬃᬢ᭄ᬣᬶ᭚ᬳᬸᬫᬸᬂᬕᬸᬫᬸᬭᬸᬄᬭᬶᬂᬤᬮᬦ᭄᭞ᬬᬦ᭄ᬳᬓᬸᬤᬂ᭞ᬓᭀᬝᬶᬩᬮᬦᬾᬫᬫᬃᬕ᭄ᬕᬶ᭞ᬗᬺᬲ᭄ᬋᬲᬶᬦ᭄ᬫᬦᬄᬳᬦ᭄ᬤᬸᬮᬸ᭞ᬧᬥᬵᬗᬯᬵᬲᬜ᭄ᬚ
ᬢᬵ᭞ᬫᬗᬸᬮᬾᬮᬫ᭄᭞ᬕᬕᬶᬢᬶᬓ᭄ᬜᬦᬾᬯᬸᬲ᭄ᬯᬸᬦᬲ᭄᭞ᬲᬫ᭄ᬧᬸᬦᬭᬯᬸᬄᬢ᭄ᬗᬳᬶᬂᬤᬮᬦ᭄᭞ᬓᬧᬗ᭄ᬕᬶᬄᬳᬢ᭄ᬫᬦᬾᬧᬮᬶᬂ᭚ᬢᬦ᭄ᬯ᭄ᬭᬸᬄᬭᬶᬂᬫᬃᬕ᭄ᬕᬦᬾᬳᬸᬗ᭄ᬲ᭄ᬬᬵ᭞ᬓᬢᬢᬓᬸᬢ᭄᭞ᬗ᭄ᬢᭀᬦ᭄ᬓᬶᬗ᭄ᬓᬭᬵᬬᬫᬦᬾᬧ᭄ᬭᬧ᭄ᬢᬶ᭞
ᬜ᭄ᬢᭀᬃᬤᬾᬯᬾᬓ᭄ᬜᬓᬸᬫ᭄ᬤᬸᬢ᭄᭞ᬦᬗᬶᬲ᭄ᬓᬰ᭄ᬬᬰᬶᬄᬫᬲᬫ᭄ᬩᬢ᭄᭞ᬢᬦ᭄ᬯ᭄ᬭᬶᬂᬮᬓᬸ᭞ᬩᬦ᭄ᬓᬚ᭄ᬭᬶᬳᬦᬾᬫᬦ᭄ᬤᬸᬮᬸ᭞ᬓᬶᬗ᭄ᬓᬭᬦᬾᬗᬧᬵᬓᬭᬵ᭞ᬫᬫᬢ᭄ᬩᬢ᭄ᬦᬤᬶᬂᬗᭂᬫ᭄ᬩᬸᬮᬶᬦ᭄᭚ᬳᬸᬤᬸᬄᬳᬶᬩᬵᬚᬸᬭᬸᬩᬸᬭ᭄ᬯᬵ᭞ᬯᭀᬂᬓᬮᬸ
ᬱᬵ᭞ᬢᬫ᭄ᬧᬶᬧᬕᬯᬾᬦ᭄ᬩᬵᬚᬦᬶ᭞ᬢᬦ᭄ᬫᬤᬺᬯᬾᬓᬶᬃᬢ᭄ᬢᬶᬤᬗᬸ᭞ᬤᬸᬓ᭄ᬳᬶᬩᬵᬦᬸᬳᬸᬭᬶᬧᬵ᭞ᬧᬕᬯᬾᬦ᭄ᬩᬵ᭞ᬗᬫᬢᬶᬫᬢᬶᬫᬩᬸᬭᬸ᭞ᬢᬦ᭄ᬳᬦᬵᬲᭀᬮᬄᬭᬶᬫ᭄ᬩᬯᬵ᭞ᬭᬶᬂᬉᬧᬵᬤᬾᬰᬦᬶᬂᬤᬤᬶ᭚ᬮᬶᬳᬢ᭄ᬫᬸᬓᬗ᭄ᬓᬸᬯᬲ᭄ᬧᬤ᭄ᬟᬵ᭞
Kaca:Bali-lontar-paparikan-lubdhaka-03-450ppi.pdf/17
Kaca puniki sampun kauji-wacén
