[᭑᭗ 17B]
᭑᭗
ᬫ᭄ᬯᬂᬢᬗᬦ᭄ᬓᬸ᭞ᬳᬗᬸᬦ᭄ᬤᬵᬥᬡ᭄ᬥᬦᬾᬫᬶᬗᬶᬦ᭄᭞ᬩ᭄ᬬᬓ᭄ᬢᬾᬓᬶᬦ᭄ᬫᬸᬧᬸᬳᬾᬭᬶᬫᬸ᭞ᬳᬬ᭄ᬯᬓᬶᬢᬵᬫ᭄ᬫᬮᬬ᭄ᬯ᭞ᬢᬹᬃᬫᬗ᭄ᬚᬸᬓ᭄᭞ᬓᬢ᭄ᬕᬸᬮ᭄ᬓᬶᬚᬸᬭᬸᬩᬸᬭᬸ᭞ᬓᬶᬂᬓᬭᬵᬩᬮᬵᬫᬦᭂᬃᬚ᭄ᬚᬂ᭞ᬫᬫᭂᬤ᭄ᬩᭂᬤ᭄ᬗᬶᬫ᭄ᬧᬸᬲ᭄ᬭᬶᬂᬕ᭄ᬮᬶᬲ᭄᭚ᬓᬶᬮᬸᬩ᭄ᬤᬓᬵᬦᬗᬶ
ᬲ᭄ᬗᬭᬩ᭄᭞ᬢᬸᬮᬸᬂᬢᬸᬮᬸᬂ᭞ᬩᬦ᭄ᬲᬓᬶᬢᬾᬢᬦ᭄ᬲᬶᬦᬶᬧᬶ᭞ᬫᬭᬱᬵᬳᬶᬧᬸᬦ᭄ᬓᬳᬦ᭄ᬢᬸ᭞ᬓᬍᬗᭂᬃᬫᬲᬵᬲᬫ᭄ᬩᬢᬦ᭄᭞ᬤᬸᬄᬧᬸᬢ᭄ᬭᬗ᭄ᬓᬸ᭞ᬢᬸᬮᬸᬂᬩᬧᬵᬓᬯ᭄ᬮᬲ᭄ᬳ᭄ᬬᬸᬦ᭄᭞ᬭᬶᬂᬗᬫ᭄ᬩᬭᬵᬓᬲᬗ᭄ᬲᬭᬦ᭄᭞ᬓᬶᬗ᭄ᬓᬭᬵᬩᬮᬵᬜᬓᬶ
ᬢᬶᬦ᭄᭚ᬲᬓᬶᬢ᭄ᬢᭀᬂᬤᬤᬶᬢᬳᬦᬂ᭞ᬓᬧᬶᬦᭂᬳᬂ᭞ᬤᬸᬲ᭄ᬓᬺᬢᬦᬶᬂᬳᬓᬸᬭᬶᬳᬶᬦ᭄᭞ᬓ᭄ᬭᬡᬵᬩᬧᬵᬫᬗ᭄ᬕᬶᬄᬓᬾᬯᬸᬄ᭞ᬓᬧᬶᬥᬡ᭄ᬟᬭᬶᬂᬫᬃᬕ᭄ᬕᬵ᭞ᬬᬦᬶᬂᬳᬤᬵ᭞ᬧᬓᬤᬗᬦ᭄ᬳᬶᬗᭂᬢ᭄ᬦᬸᬮᬸᬂ᭞ᬢᬸᬮᬸᬂᬚᬵᬢᬶᬢ᭄ᬬᬂᬕ᭄ᬮᬶᬲᬂ᭞ᬲᭀ
ᬫᬄᬧᬦᬓᬾᬚᭂᬭᬶᬢᬶᬦ᭄᭚ᬢᬸᬦ᭄ᬤᬾᬦᬂᬦᬸᬦᬲ᭄ᬳᬫ᭄ᬧᬸᬭᬵ᭞ᬭᬶᬂᬳᬶᬤᬵᬲᬂᬫᬶᬥᬡ᭄ᬟᬾᬯᬾᬄᬧ᭄ᬭᬶᬳᬢᬶᬦ᭄᭞ᬲᬲᬩᬶᬸᬫ᭄ᬩᬢᬾᬳᬫ᭄ᬮᬤ᭄ᬳ᭄ᬬᬸᬘ᭄᭞ᬓᬲ᭄ᬬᬰᬶᬄᬓᬲᬗ᭄ᬲᬭᬦ᭄᭞ᬭᬶᬂᬗᬫ᭄ᬩᬭᬵ᭞ᬬᬫᬩᬮᬦᬾᬳᬫᬸᬧᬸᬄ
[᭑᭘ 18A]
᭞ᬓᬶᬲᬤ᭄ᬟᬵᬫᬮᬶᬄᬗᬢᬢ᭄ᬢᬓ᭄᭞ᬚ᭄ᬭᬢ᭄ᬚᭂᬭᬶᬢ᭄ᬗᬰᬶᬄᬧᬰᬶᬄ᭚ᬓᬶᬗ᭄ᬓᬭᬦᬾᬜᬸᬫᬗ᭄ᬓᬶᬦᬂ᭞ᬫᬶᬲᬓᬶᬢᬶᬦ᭄᭞ᬓᬶᬮᬸᬩ᭄ᬤᬓᬵᬤᬳᬢ᭄ᬲ᭄ᬤᬶᬄ᭞ᬓᬩᬢ᭄ᬩᬢ᭄ᬓᬳᬫᬸᬳᬫᬸ᭞ᬤᬾᬦᬶᬂᬢᬦ᭄ᬳᬤ᭄ᬯᬾᬯ᭄ᬮᬲ᭄᭞ᬦᬾᬭᬶᬂᬗᬹᬦᬶ᭞ᬤᬸᬓᬾᬤᬶᬫᬥ᭄ᬬ
ᬦᬸᬳᬶᬤᬸᬧ᭄᭞ᬢᬦ᭄ᬳᬦᬵᬓᬶᬃᬢ᭄ᬢᬶᬲᬫᬢᬺ᭞ᬦᬾᬗᬯᬾᬲᬶᬦ᭄ᬯᬫᬶᬂᬗ᭄ᬳᬢᬶ᭚᭜᭚ᬓᬶᬮᬸᬩ᭄ᬤᬓᬵᬫᬲᬵᬲᬫ᭄ᬩᬢ᭄᭞ᬗᬫᬾᬳᬫᬾᬲᬂᬫᬉᬭᬶᬧ᭄᭞ᬧ᭄ᬬᬦᬓ᭄ᬲᭀᬫᬄᬲᬫᬶᬳᬢᬕ᭄᭞ᬧᬓᬥᬗᬦᬾᬓᬯᬸᬓᬶᬦ᭄᭞
ᬢᬸᬦ᭄ᬤᬾᬦᬸᬮᬸᬂᬦᬾᬦᬾᬚᬦᬶ᭞ᬕ᭄ᬮᬃᬕ᭄ᬮᬸᬃᬳᬸᬮᬸᬦ᭄ᬳᬸᬮᬸᬦ᭄᭞ᬤᬶᬳᬫ᭄ᬩᬭᬦᬾᬓᬩᬦ᭄ᬟᬵ᭞ᬬᬫᬵᬩᬮᬦᬾᬗ᭄ᬮᬸᬤᬶᬦ᭄᭞ᬤᬳᬄᬤᬸᬳᬸᬄ᭞ᬫᬲᭂᬲᬫ᭄ᬩᬢ᭄ᬗᭂᬦ᭄ᬢᬓᭂᬦ᭄ᬢᬓ᭄᭚ᬳᬸᬤᬸᬄᬘᬳᬶᬧ᭄ᬬᬦᬓ᭄ᬩᬧᬵ᭞ᬢᬸᬮᬸᬂᬩᬧᬵᬓᬯ᭄ᬮᬰᬰᬶᬄ
᭞ᬲᬶᬦᬗ᭄ᬲᬭᬵᬭᬶᬗᬓᬱᬵ᭞ᬢᬦ᭄ᬓᬲᬦ᭄ᬤᬂᬩᬦ᭄ᬗ᭄ᬭᬲᬦᬶᬦ᭄᭞ᬤᬶᬚᬘᬳᬶᬦᬾᬦᬾᬚᬦᬶ᭞ᬳᬾᬗ᭄ᬕᬮᬶᬜ᭄ᬚᬵᬫᬳᬶᬦᬸᬮᬸᬂ᭞ᬩᬧᬵᬮᬶᬯᬢᬶᬂᬓᬮᬭᬦ᭄᭞ᬓᬶᬗ᭄ᬓᬭᬦᬾᬫᬗᭂᬫ᭄ᬩᬸᬮᬶᬦ᭄᭞ᬤᬤᬶᬓ᭄ᬩᬸᬲ᭄᭞ᬳᬶᬥᭂᬧ᭄ᬩᬧᬵ
Kaca:Bali-lontar-paparikan-lubdhaka-03-450ppi.pdf/18
Kaca puniki sampun kauji-wacén
