[᭑᭘ 18B]
᭑᭘
ᬓᬲᬗ᭄ᬲᬭᬦ᭄᭚ᬳᬸᬤᬸᬄᬩᬶᬩᬶᬮᬶᬳᬢ᭄ᬢᬶᬢ᭄ᬬᬂ᭞ᬲᬗ᭄ᬲᬭᬦᬾᬢᬶᬤᭀᬂᬕᬶᬕᬶᬲ᭄᭞ᬢᬸᬮᬸᬂᬚᬵᬢᬶᬢ᭄ᬬᬂᬕ᭄ᬮᬶᬲᬂ᭞ᬢᬸᬦᬲᬂᬚᬵᬩ᭄ᬮᬶᬳᬤᬶ᭞ᬭᬶᬂᬳᬶᬤᬵᬲᬦᬾᬫᬶᬗ᭄ᬲᬶᬲᬶᬧ᭄᭞ᬳᬫ᭄ᬧᬸᬭᬵᬢᬶᬢ᭄ᬬᬂᬭᬢᬸ᭞ᬲ᭄ᬯᬾᬘ᭄ᬙᬦᬶᬦ᭄ᬳᬓᬮᬭ
ᬦ᭄᭞ᬯᬸᬲᬦ᭄ᬫᬶᬥᬡ᭄ᬥᬵᬜᬓᬶᬢᬶᬦ᭄᭞ᬩᬲ᭄ᬓᬤᬸᬭᬸᬲ᭄᭞ᬢᬦ᭄ᬲᬶᬤᬵᬢᬶᬢ᭄ᬬᬂᬦᬳᬦᬂ᭚ᬲᬓᬶᬢ᭄ᬢᬶᬢ᭄ᬬᬂᬓᬧᬦᬲᬦ᭄᭞ᬫᬩᭂᬤ᭄ᬩᭂᬤ᭄ᬫᬳᬶᬫ᭄ᬧᬸᬲ᭄ᬚᬢᬶ᭞ᬧᬶᬲᬦ᭄ᬧᬶᬲᬦ᭄ᬢᬶᬢ᭄ᬬᬂᬧ᭄ᬚᬄ᭞ᬢᬦ᭄ᬲᬶᬤᬵᬢᬶᬢ᭄ᬬᬂᬗ᭄ᬭᬲᬦᬶᬦ᭄᭞ᬲᬓᬶᬢ᭄ᬢᬶᬢ᭄ᬬᬂᬓ
ᬤᬶᬫᬗ᭄ᬓᬶᬦ᭄᭞ᬓᬶᬗ᭄ᬓᬭᬵᬩᬮᬵᬦᬾᬭᬯᬸᬄ᭞ᬜᬸᬫᬗ᭄ᬓᬶᬦᬂᬫᬦ᭄ᬓᭂᬓᬂ᭞ᬫᬗᬶᬫ᭄ᬧᬸᬲ᭄ᬢᭂᬕᬸᬄᬫᭂᬤ᭄ᬩᭂᬤᬶᬦ᭄᭞ᬢᬹᬃᬫᬗ᭄ᬭᬸᬫᬸᬓ᭄᭞ᬫᬫᬢ᭄ᬩᬢ᭄ᬫᬗᬸᬫᬦᬸᬫᬦ᭄᭚ᬳᬶᬄᬩᬵᬮᬸᬩ᭄ᬤᬓᬵᬱ᭄ᬝᬵ᭞ᬓᬮᬶᬯᬢ᭄ᬫᬸᬜᬶᬦᬾᬲ᭄ᬟᬶᬄ᭞ᬗ
ᬫᬾᬳᬫᬾᬧᬓᬤᬗᬦ᭄᭞ᬫᬗ᭄ᬤᬵᬢ᭄ᬓᬵᬫᬦᬸᬮᬸᬗᬶᬦ᭄᭞ᬫ᭄ᬭᬲᬵᬓᬳᬶᬧᬘᬂᬕᬸᬜ᭄ᬚᬶᬄ᭞ᬬᬤ᭄ᬬᬦ᭄ᬓᬤᬂᬫᬸᬫᬦᬸᬳᬸᬦ᭄᭞ᬳᬫᬶᬦ᭄ᬢᬵᬲᬶᬦᬫ᭄ᬧᬸᬭᬵ᭞ᬫ᭄ᬭᬱᬵᬓᬳᬶᬗᬫ᭄ᬧᬸᬭᬦᬶᬦ᭄᭞ᬢᬦ᭄ᬓᬳᬶᬢᬸᬂ᭞ᬢᬦ᭄ᬓᬳᬶᬢᬸᬂ᭞ᬧ᭄ᬢᬦ᭄ᬜᬵᬳ
[᭑᭙ 19A]
ᬢ᭄ᬫᬵᬓᬮᬸᬱᬵ᭚ᬭᬶᬲ᭄ᬥᭂᬂᬓᬶᬗ᭄ᬓᬭᬵᬫᬢ᭄ᬩᬢ᭄᭞ᬯᬢᭂᬓ᭄ᬕᬡ᭄ᬦᬵᬓᬕᬾᬢ᭄ᬧ᭄ᬭᬧ᭄ᬢᬶ᭞ᬫᬗᬯ᭄ᬯᬵᬯᬶᬫᬦᬵᬓᬸᬫ᭄ᬭᬫ᭄᭞ᬧ᭄ᬭᬬᬵᬧᬘᬂᬫᬫᭂᬦ᭄ᬥᬓᬶᬦ᭄᭞ᬳᬢ᭄ᬫᬦᬾᬓᬶᬲᬤ᭄ᬥᬵᬚᬦᬶ᭞ᬓᬗ᭄ᬕᭂᬓ᭄ᬤᬤᬶᬬᬵᬦᬦ᭄ᬤᬸᬮᬸ᭞ᬓᬢᭀᬦ᭄ᬓᬶᬲᬤ᭄ᬥᬵᬓᬧᬸᬲᬦ᭄᭞
ᬳᬦ᭄ᬢᬸᬓᬶᬗ᭄ᬓᬭᬦᬾᬫᬗ᭄ᬓᬶᬦ᭄᭞ᬲ᭄ᬫᬸᬕᬸᬬᬸ᭞ᬯᬢᭂᬓ᭄ᬕᬡ᭄ᬦᬵᬦᬾᬫᬗᬸᬘᬧ᭄᭚ᬲᬂᬫᬳᭀᬥᬭᬵᬗᬦ᭄ᬤᬶᬓᬵ᭞ᬭᬶᬂᬬᬫᬵᬩᬮᬦᬾᬫᬗ᭄ᬓᬶᬦ᭄᭞ᬳᬸᬤᬸᬄᬤᬾᬯ᭄ᬯᬵᬬᬫᬵᬩᬮᬵ᭞ᬋᬗᭂᬦ᭄ᬳᬸᬚᬃᬓᬸᬦᬾᬚᬦᬶ᭞ᬢᭀᬗᬸᬤ᭄ᬥᬵᬳᬶᬤᬾᬯᬵ
ᬮ᭄ᬩᬶᬄ᭞ᬫᬶᬥᬡ᭄ᬥᬵᬓᬶᬲᬤ᭄ᬟᬵᬮᬫ᭄ᬧᬸᬲ᭄᭞ᬳᬶᬤᬾᬯ᭄ᬯᬵᬲᬮᬄᬳᬸᬮᬄ᭞ᬫᬶᬥᬡ᭄ᬥᬵᬳᬢ᭄ᬫᬳᬾᬍᬯᬶᬄ᭞ᬲᬮᬄᬲᬸᬭᬸᬧ᭄᭞ᬮᬓ᭄ᬱᬡᬦᬾᬢᬦ᭄ᬧᬘᬸᬭᬵ᭚ᬤᬾᬦᬶᬂᬳᬶᬧᬸᬦ᭄ᬓᬶᬮᬸᬩ᭄ᬤᬓᬵ᭞ᬧᬯᬶᬢᬺᬧᬸᬡ᭄ᬬᬦᬾᬭᬶᬳᬶᬦ᭄᭞ᬩ᭄ᬭᬢ
ᬦ᭄ᬬᬵᬉᬢ᭄ᬢᬫ᭄ᬫᬵᬭᬶᬂᬭᬵᬢ᭄᭞ᬳ᭄ᬬᬂᬇᬰ᭄ᬯᬭᬵᬫᬗ᭄ᬯᬭᬳᬶᬦ᭄᭞ᬓ᭄ᬭᬡᬵᬳᬓᬸᬢ᭄ᬓᭂᬫᬳᬶ᭞ᬫᬗᬯ᭄ᬯᬵᬧᬸᬱ᭄ᬧᬓᬵᬫᬸᬭᬸᬩ᭄᭞ᬧᬘᬂᬗ᭄ᬭᬸᬭᬸᬄᬓᬶᬲᬤ᭄ᬥᬵ᭞ᬫᬃᬕ᭄ᬕᬵᬦ᭄ᬳᬶᬧᬸᬦᬾᬧ᭄ᬭᬧ᭄ᬢᬶ᭞ᬭᬶᬚᭂᬂᬕᬸᬭᬸ᭞ᬭᬶᬮᬶᬗ᭄ᬕᬶᬄᬪᬝᬭᬵᬰᬶᬯ᭄ᬯᬵ
Kaca:Bali-lontar-paparikan-lubdhaka-03-450ppi.pdf/19
Kaca puniki sampun kauji-wacén
