[᭑ 1B]
᭑
᭚᭜᭚ᬒᬁᬅᬯᬶᬖ᭄ᬦᬵᬫᬲ᭄ᬢᬸ᭚᭜᭚ᬧᬗ᭄ᬓᬸᬃᬳᬗ᭄ᬕᬾᬦ᭄ᬫᬗᬯᬶᬢᬂ᭞ᬫᬗᬸᬗ᭄ᬕᬸᬳᬂ᭞ᬓᬢᬢ᭄ᬯᬦ᭄ᬩ᭄ᬭᬢᬵᬍᬯᬶᬄ᭞ᬲᬦᬾᬧᬢᬹᬢ᭄ᬲ᭄ᬥᭂᬂᬢᬶᬭᬸ᭞ᬳᬦ᭄ᬢᬸᬓ᭄ᬲᬂᬗᬸᬧᬵᬤᬾᬰ᭞ᬫᬫ᭄ᬭᬢᬬᬂ᭞ᬢᬶᬗ᭄ᬓᬳᬶᬂᬭᬕ᭄ᬕᬵᬢᬸᬫᬸᬯᬸᬄ
᭞ᬧᬦᭂᬧ᭄ᬢᭂᬧ᭄ᬳᬶᬤᬰᬾᬦ᭄ᬤ᭄ᬭᬶᬬᬵ᭞ᬫᬫᬸᬦᬄᬫᭀᬫᭀᬦᬾᬯ᭄ᬬᬓ᭄ᬢᬶ᭚ᬳᬗ᭄ᬳᬶᬂᬓᬾᬳᬫ᭄ᬧᬸᬭᬵᬧᬶᬲᬦ᭄᭞ᬳᬦ᭄ᬢᬸᬓ᭄ᬳᬶᬤᬵ᭞ᬤᬦᬾᬲᬂᬳᬗ᭄ᬯᬘᬾᬦᬶ᭞ᬧᬓᬃᬤ᭄ᬟᬶᬦ᭄ᬳᬶᬩ᭄ᬮᭀᬕ᭄ᬧᬸᬗ᭄ᬕᬸᬂ᭞ᬧᬗ᭄ᬓᬄᬗᬸᬗ᭄ᬕᬸᬳᬂᬰᬵᬲ᭄ᬢ᭄ᬭᬵ᭞ᬢ᭄ᬯᬭᬵᬗ᭄ᬭ
ᬱᬵ᭞ᬭᬶᬂᬤᬾᬯᬾᬓ᭄ᬓᬮᬶᬦ᭄ᬢᬂᬚᬸᬕᬸᬮ᭄᭞ᬧᬗ᭄ᬓᬄᬗᬯᬶᬗᬯᬾᬢᭂᬫ᭄ᬩᬂ᭞ᬳᬗ᭄ᬕᬾᬧᬜᬮᬶᬫᬹᬃᬳᬭᬶᬧ᭄᭚ᬤᬾᬦᬶᬂᬯᬦ᭄ᬢᭂᬦ᭄ᬓᬢᬸᬢᬸᬭᬦ᭄᭞ᬫᬸᬗ᭄ᬕ᭄ᬯᬶᬂᬰᬲ᭄ᬢ᭄ᬭᬵ᭞ᬢᬶᬗ᭄ᬓᬳᬶᬂᬩ᭄ᬭᬢᬵᬍᬯᬶᬄ᭞ᬓᬾᬯᬮᬵᬫᬧ᭄ᬭᬤᬂᬫᬸᬗ᭄ᬕᬸᬄ᭞
ᬢᬍᬃᬓᬳᬶᬘᬦᬨᬮᬵ᭞ᬳᬦ᭄ᬢᬸᬓ᭄ᬳᬶᬤᬵᬲᬂᬳ᭄ᬬᬂᬰᬶᬯ᭄ᬯᬵᬦᬸᬕᬺᬳᬶᬓᬸ᭞ᬲᬮ᭄ᬯᬶᬃᬫᬮᬵᬫᬮᬭᬤᬦ᭄᭞ᬧᬧᬵᬧᬢᬓᬦᬾᬳᭂᬦ᭄ᬢᬶ᭚ᬲᬓᬮ᭄ᬯᬶᬃᬕᬕᬸᬡᬦ᭄ᬋᬫ᭄ᬩᬸᬢ᭄᭞ᬬᬦ᭄ᬫᬓᬶᬤᬸᬂ᭞ᬫᬲᬢ᭄ᬯᬵᬫ᭄ᬯᬂᬫᬕᭂᬡ᭄ᬟᬶᬂ᭞ᬫᬓᬵ
[᭒ 2A]
ᬬ᭄ᬬᬵᬫᬶᬯᬄᬫᬦᭂᬦᬸᬦ᭄᭞ᬫᬜᬸᬮᬫ᭄ᬭᬭᬶᬗ᭄ᬕᬶᬢᬦ᭄᭞ᬢᬍᬃᬓᬶᬗᬶᬦ᭄᭞ᬓᬾᬯᬮᬵᬫᬧ᭄ᬭᬥᬂᬲᬫ᭄ᬧᬸᬦ᭄᭞ᬧᬸᬦᬶᬓᬵᬲᬫ᭄ᬧᬸᬦ᭄ᬓᬲᬶᬤᬦ᭄᭞ᬗᬶᬭᬶᬧ᭄ᬯᬱᬦ᭄ᬲᬂᬳ᭄ᬬᬂᬯᬶᬤ᭄ᬟᬶ᭚ᬳᬶᬗ᭄ᬕᬶᬃᬓᬾᬪᬵᬝᬭᬵᬲᬫ᭄ᬬᬦ᭄᭞ᬓᬧᬶᬗᬚᭂᬂ᭞
ᬲᬂᬳ᭄ᬬᬂᬗᬤᬶᬲᬹᬓ᭄ᬱ᭄ᬫᬵᬚᬢᬷ᭞ᬫᬶᬯᬄᬲᬂᬳ᭄ᬬᬂᬰᬶᬯ᭄ᬯᬵᬕᬸᬭᬸ᭞ᬯᬾᬄᬢᬂᬗᬸᬮᬸᬦᬸᬕ᭄ᬭᬳᬵ᭞ᬫᬗᬸᬜ᭄ᬘᬭᬂ᭞ᬭᬶᬂᬢᭂᬫ᭄ᬩᬂᬫᬜᬮᬄᬳᬸᬦ᭄ᬤᬸᬓ᭄᭞ᬢᬦ᭄ᬫᬦᬹᬢᬶᬂᬧᬲᬂᬲᬃᬕ᭄ᬕᬵ᭞ᬪᬝᬭᬵᬗᬫ᭄ᬧᬸᬭᬵᬲᬫᬶ᭚ᬲᬵᬫ᭄ᬧᬸᬦ᭄ᬪᬝᬭᬵᬫᬶᬥᬸ
ᬓᬵ᭞ᬳᬶᬗ᭄ᬯᬂᬫᬤ᭄ᬟᬵ᭞ᬢᬦ᭄ᬫᬦᬸᬢ᭄ᬫᬸᬗ᭄ᬕ᭄ᬯᬶᬂᬕᬢᬶ᭞ᬓᬾᬯᬦ᭄ᬢᭂᬦ᭄ᬫᬦᬳᬾᬚᬸᬚᬸᬃ᭞ᬫᬫᬦᬄᬫᬗᬸᬗ᭄ᬕᬸᬳᬂ᭞ᬫᬸᬗ᭄ᬕ᭄ᬯᬶᬂᬕᬶᬢᬵ᭞ᬧ᭄ᬯᬲᬦ᭄ᬳᬶᬤᬵᬲᬂᬳ᭄ᬬᬂᬕᬸᬭᬸ᭞ᬫᬸᬗ᭄ᬕᬸᬄᬭᬶᬂᬢᬢ᭄ᬯᬘᬭᬶᬢᬵ᭞ᬮᬸᬩ᭄ᬤᬓᬵᬗᬭᬦᬶᬂᬕᬸᬭᬶᬢ᭄᭚ᬳᬶᬗ᭄ᬯᬂᬳ
ᬫᬶᬦ᭄ᬢᬲᬦ᭄ᬫᬢᬵ᭞ᬭᬶᬍᬩᬸᬫᬶᬂ᭞ᬚᭂᬂᬦᭂᬂᬪᬝᬭᬯᬶᬤ᭄ᬟᬶ᭞ᬳᬫ᭄ᬧᬸᬭᬵᬪᬝᬭᬵᬳᬕᬸ᭞ᬧᬾᬃᬳ᭄ᬫᬲᬾᬫᬗᬸᬗ᭄ᬕᬸᬳᬂ᭞ᬢᬦ᭄ᬓᬓ᭄ᬦᬦ᭄᭞ᬧᬗᬹᬧᬵᬤ᭄ᬭᬯᬳ᭄ᬬᬂᬗᬕᬸᬂ᭞ᬫᬮᬶᬗ᭄ᬕᬵᬳ᭄ᬬᬂᬚᬕᬢ᭄ᬓᬃᬝ᭞ᬜᬦ᭄ᬫᬢᬲᬮ᭄ᬯᬶᬃᬧ᭄ᬭᬯᬺ
Kaca:Bali-lontar-paparikan-lubdhaka-03-450ppi.pdf/2
Kaca puniki sampun kauji-wacén
