[᭒᭐ 20B]
᭒᭐
᭞ᬯᬢᭂᬓ᭄ᬕᬡ᭄ᬦᬵᬦᬾᬢᬦ᭄ᬕᬶᬜ᭄ᬚᭂᬮ᭄᭞ᬧᬥᬵᬧ᭄ᬭᬯᬶᬭᬵᬭᬶᬂᬚᬸᬭᬶᬢ᭄᭞ᬜᬓᬺᬘᬶᬦᬓᬺ᭞ᬧᬦᬄᬧᬥᬧᬦᬳᬶᬦ᭄᭚ᬤᬤᬶᬫᬸᬳᬸᬕ᭄ᬕᭀᬂᬢᬫ᭄ᬩᬸᬃᬢᬦ᭄ᬧᬧᬵᬭᬸᬗ᭄ᬯᬦ᭄᭞ᬧᬢᬗ᭄ᬓᭂᬧᬶᬂᬧ᭄ᬭᬗᬶᬂᬓᬮᬶᬄ᭞ᬕᬡ᭄ᬦᬵᬫ᭄ᬯᬂᬓᬶᬗ᭄ᬓᬭᬵ᭞ᬧᬥᬵ
ᬮᬸᬮᬸᬦ᭄ᬓᬮᬸᬮᬸᬦᬦ᭄᭞ᬫᬭᬸᬓᭂᬢ᭄ᬢᬦᬦᬵᬕᬶᬗ᭄ᬲᬶᬃ᭞ᬤᬤᬶᬓᬯᭂᬲᬦ᭄᭞ᬯᬢᭂᬓ᭄ᬕᬡ᭄ᬦᬦᬵᬮᬶᬮᬶᬄ᭚ᬳᬓ᭄ᬯᬾᬄᬧ᭄ᬚᬄᬓᬭᬳᬢᬦ᭄ᬓᬓᬦᬶᬦᬦ᭄᭞ᬲᬢᭂᬓ᭄ᬕᬡ᭄ᬦᬦᬾᬲᬫᬶᬮᬶᬮᬶᬄᬢᬦᬦᬗ᭄ᬲᬸᬮ᭄᭞ᬫᬰᬶᬄᬳ᭄ᬦᬸᬗ᭄ᬯᬍᬲᬂ᭞ᬢ
ᬦ᭄ᬧᬕᬍᬂᬳᬗᬦᬶᬦᬶ᭞ᬓᬶᬗ᭄ᬓᬭᬵᬘᬸᬃᬡ᭄ᬦᬵ᭞ᬓᬧᬮᬬᬸᬳᬓ᭄ᬯᬾᬄᬫᬢᬶ᭚ᬫᬗ᭄ᬓᬶᬦ᭄ᬫᬸᬮᬢ᭄ᬲᬶᬭᭀᬖ᭄ᬭᬵᬓᬃᬡ᭄ᬦᬵᬗᬢᬕ᭄᭞ᬩᬮᬵᬓᬶᬗ᭄ᬓᬭᬵᬩᬮᬶᬓ᭄᭞ᬧᬤᬵᬗ᭄ᬲᭂᬦ᭄ᬭᬚᬂ᭞ᬧᬥᬵᬫᬗᬸᬡ᭄ᬥᬵᬥᬡ᭄ᬥᬵ᭞ᬢᭀᬫᬭᬵᬓᭀ
ᬦ᭄ᬢᬵᬫᬭᬗ᭄ᬓᬶᬦ᭄᭞ᬧᬥᬧᬸᬥᭂᬢᬦ᭄᭞ᬲᬗᬕᬺᬓᬃᬡ᭄ᬦᬗᭂᬫ᭄ᬩᬭᬶᬦ᭄᭚ᬧᬤᬵᬭᭀᬤᬺᬧᬧ᭄ᬭᬗᬶᬂᬩᬮᬵᬓᬶᬗ᭄ᬓᬓᬶᬸᬭᬵ᭞ᬯᬮᬸᬬᬵᬲᬶᬗ᭄ᬳᬵᬫᬗ᭄ᬳ᭄ᬭᬶᬓ᭄᭞ᬢᬦ᭄ᬳᬦᬵᬓᬚ᭄ᬭᬶᬳᬦ᭄᭞ᬤᬾᬦᬶᬂᬧᬥᬰᬓ᭄ᬢᬶᬫᬦ᭄᭞ᬯᬢᭂᬓ᭄ᬕ
[᭒᭑ 21A]
ᬡ᭄ᬦᬵᬢᬦ᭄ᬜᬶᬭᬶᬓᬶᬦ᭄᭞ᬧᬥᬧ᭄ᬭᬯᬶᬭᬵ᭞ᬢᬦᬦᬵᬫᬗᬶᬍᬲᬶᬦ᭄᭚ᬫᬗᬋᬧᬂᬧᬺᬯᬭᬵᬃᬤ᭄ᬥᬵᬓᬾᬱᬵ᭞ᬢᬸᬫᬦ᭄ᬤᬂᬲᬂᬧᬸᬱ᭄ᬧᬵᬥᬡ᭄ᬝᬵ᭞ᬧᬸᬮᬶᬄᬧᬥᬵᬫᬗ᭄ᬮᬯᬦᬂ᭞ᬩᬮᬦᬾᬧᬥᬵᬲᬫ᭄ᬩ᭄ᬭᬕ᭄᭞ᬫᬲᬸᬮᬸᬂᬲᬸᬮᬸᬂᬮᬸᬫᬶᬦ᭄ᬤᬶᬄ᭞ᬲᬸᬤᬸ
ᬓ᭄ᬱᬶᬦᬸᬤᬸᬓᬦ᭄᭞ᬧᬥᬵᬢᬦᬦᬵᬕᬶᬗ᭄ᬲᬶᬃ᭚ᬫᬲ᭄ᬮᬸᬭᬦ᭄ᬕᭀᬂᬢᬫ᭄ᬩᬸᬃᬢᬦ᭄ᬧᬧᬵᬭᬸᬗ᭄ᬯᬦ᭄᭞ᬫᬶᬯᬄᬢᬓᬶᬲ᭄ᬦᬶᬂᬚᬸᬭᬶᬢ᭄᭞ᬗ᭄ᬢᭀᬃᬳᬶᬓᬂᬪᬹᬝᬮᬵ᭞ᬲᬂᬧᬱ᭄ᬧᬥᬦ᭄ᬢᬵᬗᬋᬧᬂ᭞ᬲᬩᬮᬵᬕᬡ᭄ᬦᬵᬢᬦ᭄ᬕᬶᬗ᭄ᬲᬶᬃ᭞ᬭᬸᬓᭂᬢ᭄ᬮᬸ
ᬮᬸᬦᬦ᭄᭞ᬧᬥᬵᬢᬦ᭄ᬲᬶᬮᬶᬬᭀᬓᬶᬄ᭚ᬓᬢᬶᬗᬮᬦ᭄ᬲᬶᬭᭀᬖ᭄ᬭᬵᬓᬃᬡᬡ᭄ᬦᬵᬳᬸᬫᬸᬮᬢ᭄᭞ᬭᬶᬩᬮᬵᬧᬥᬫᬯ᭄ᬭᬶ᭞ᬗᬾᬩ᭄ᬭᬲᬂᬗᬗ᭄ᬓᬲᬂ᭞ᬳᬫᬧᬕ᭄ᬲᬂᬧᬸᬱ᭄ᬧᬵᬤᬦ᭄ᬢᬵ᭞ᬲᬂᬧᬸᬱ᭄ᬧᬤᬦ᭄ᬢᬵᬯᬸᬲ᭄ᬳᬸᬦᬶᬂ᭞ᬭᬶᬢ
ᬦ᭄ᬤᬗᬶᬭ᭞ᬲᬂᬭᭀᬕᬻᬓᬃᬡ᭄ᬦᬵᬚᬸᬭᬶᬢ᭄᭚ᬫᭂᬦ᭄ᬢᬂᬮᬭᬲ᭄ᬲᬂᬧᬸᬱ᭄ᬧᬵᬤᬦ᭄ᬢᬵᬧᬰ᭄ᬘᬢ᭄᭞ᬲᬶᬭᭀᬖ᭄ᬭᬵᬓᬃᬡ᭄ᬦᬵᬳᬶᬦᬸᬗ᭄ᬲᬶ᭞ᬲᬫᬶᬧᬥᬢᬗ᭄ᬳᬃ᭞ᬰᬶᬭᭀᬖᬻᬓᬃᬡ᭄ᬦᬵᬕᬗ᭄ᬲᬃ᭞ᬫᬦᬗ᭄ᬓᬶᬲ᭄ᬳᬫᬋᬧᭂᬓᬶ᭞ᬲᬂᬧᬸᬱ᭄ᬧᬵᬤᬦ᭄ᬢᬵ᭞
Kaca:Bali-lontar-paparikan-lubdhaka-03-450ppi.pdf/21
Kaca puniki sampun kauji-wacén
