[᭒᭑ 21B]
᭒᭑
ᬳᬦᬫ᭄ᬩᬸᬢ᭄ᬕᬤ᭄ᬥᬦᬾᬕ᭄ᬮᬶᬲ᭄᭚ᬢᬹᬃᬓᬲᭂᬫ᭄ᬧᬮ᭄ᬲᬗᬸᬕᬺᬓᬃᬡ᭄ᬦᬵᬩ᭄ᬘᬢ᭄᭞ᬕᬓᬶᬍᬲᬶᬭᬵᬳᬕ᭄ᬮᬶᬲ᭄᭞ᬦ᭄ᬩᬸᬢ᭄ᬓᬤ᭄ᬕᬵᬜᬜᬧ᭄᭞ᬲᬂᬧᬸᬱ᭄ᬧᬵᬤᬦ᭄ᬢᬵᬘᭂᬮᬂ᭞ᬫᬸᬧᬸᬄᬤᬾᬦᬶᬂᬕᬤ᭄ᬥᬵᬳᬕ᭄ᬮᬶᬲ᭄᭞ᬓ᭄ᬦᬶᬲᬶᬦᭂᬫ᭄ᬧᬮ᭄᭞ᬰᬶᬭᬄᬦ᭄ᬬ
ᬢ᭄ᬮᬲ᭄ᬓᬦᬶᬦ᭄᭚ᬓᬲᬸᬮᬬᬄᬰᬶᬭᭀᬖ᭄ᬭᬵᬓᬃᬡ᭄ᬦᬵᬧ᭄ᬚᬄ᭞ᬫᬕᬸᬮᬂᬕᬸᬮᬂᬭᬶᬂᬓ᭄ᬱᬶᬢᬶ᭞ᬫᬥᬸᬦᬶᬂᬭᬡᬗ᭄ᬕ᭞ᬩᬮᬦᬾᬫᬮᬸᬮᬸᬦᬦ᭄᭞ᬓᬶᬗ᭄ᬓᬭᬦᬾᬧᬥᬫᬯ᭄ᬭᬶ᭞ᬲᬧ᭄ᬢᬳᬶᬭᬵ᭞ᬰᬶᬭᭀᬖᬻᬓᬃᬡ᭄ᬦᬵᬚᬸᬭᬶᬢ᭄᭚ᬢᬶᬦᬜ
ᬦᬦ᭄ᬓᬂᬩᬵᬮᬮᬬᬸᬩ᭄ᬬᬸᬭᬦ᭄᭞ᬲᬗᬦ᭄ᬢᬓᬵᬦᬓᬾᬦᬶᬦ᭄᭞ᬓᬭᬦᬾᬫᬸᬦ᭄ᬤᬸᬭᬵ᭞ᬲᬸᬫᬯᬸᬃᬢᬶᬓᬂᬩᬮᬵ᭞ᬤᬾᬦᬶᬰᬶᬭᭀᬖᬻᬯᬸᬲ᭄ᬫᬢᬶ᭞ᬳᬕᬸᬮᬂᬕᬸᬮᬂ᭞ᬢᬗ᭄ᬳᬶᬂᬭᬡᬵᬓᬶᬃᬢ᭄ᬢᬶ᭚ᬫᬗᬋᬧᬂᬲᬗᬦ᭄ᬢᬓᬵ
ᬫᬗ᭄ᬲᬵᬫᬓ᭄ᬭᬓ᭄᭞ᬦᬫ᭄ᬩᬸᬢ᭄ᬕᬤ᭄ᬥᬵᬪᬶᬰᬡᬶ᭞ᬲᬢᬮ᭄ᬧᬗᬤᭂᬕ᭄ᬦ᭄ᬬᬵ᭞ᬲᬗᬭᬵᬲᬢ᭄ᬭᬸᬢᬢ᭄ᬬᬦ᭄ᬬ᭞ᬮ᭄ᬬᬦ᭄ᬓᭀᬦ᭄ᬢᭀᬢᬶᬓ᭄ᬱ᭄ᬡᬵᬫᬮᬸᬗᬶᬤ᭄᭞ᬧᬥᬗᬋᬧᬂ᭞ᬲᬂᬦᬶᬮᬵᬫᬗᬦ᭄ᬢᬶᬦᬶᬦ᭄᭚ᬫ᭄ᬯᬲᬂᬕᭀᬭᬵᬯᬶᬓ᭄ᬭᬫᬵᬧ
[᭒᭒ 22A]
ᬥᬵᬢᬸᬫᬦ᭄ᬤᬂ᭞ᬫᬗᬸᬦ᭄ᬥᬵᬩᬚᬻᬫᬶᬗᬶᬤ᭄᭞ᬧᬥᬵᬫᬗᬋᬧᬂ᭞ᬲᬃᬯᬸᬤ᭄ᬥᬵᬩᬮᬦ᭄ᬬᬵᬲᭀᬯᬂ᭞ᬧᬥᬵᬗᬯᬵᬲᬜ᭄ᬚᬢᬵᬮ᭄ᬯᬶᬄ᭞ᬘᬓᬻᬢᭀᬫᬭᬵᬮᬶᬧᬸᬂᬧᬭᬲᬸᬫᬶᬗᬶᬤ᭄᭚ᬫᬩ᭄ᬬᬬᬸᬢᬦ᭄᭞ᬯᬢᭂᬓ᭄ᬕᬡ᭄ᬦᬵᬧᬥᬵᬫᬧ᭄ᬭᬂ᭞ᬢ
ᬢᬦ᭄ᬳᬦᬵᬫᬯ᭄ᬭᬶ᭞ᬤᬤᬶᬫᬧᬸᬦ᭄ᬢᭂᬮᬦ᭄᭞ᬧᬥᬵᬢᬦ᭄ᬳᬦᬵᬧᬲᬄ᭞ᬫᬲᬸᬮᬸᬗᬦ᭄ᬢᬶᬓᬂᬚᬸᬭᬶᬢ᭄᭞ᬧᬥᬵᬢᬸᬫᬦ᭄ᬤᬂ᭞ᬢᬦ᭄ᬳᬦᬵᬫᬫᬶᬭᬶᬕᬶᬦ᭄᭚ᬓᭂᬦᭂᬫ᭄ᬩᬸᬮᬦ᭄ᬲᬂᬧᬸᬱ᭄ᬧᬵᬤᬦ᭄ᬢᬵᬭᬶᬂᬧ᭄ᬭᬂ᭞ᬲᬂᬭᭀᬭᬵᬯᬶᬓ᭄ᬭᬫᬵᬗᬸᬗ᭄ᬲᬶ᭞ᬫ᭄ᬯᬂᬲᬶᬭᬗ
ᬦ᭄ᬢᬓᬵ᭞ᬲᬂᬦᬶᬮᬧᬥᬫᬗ᭄ᬲᬵ᭞ᬗ᭄ᬮᭂᬧᬲᬶᬭᬵᬫᬮᬸᬗᬶᬤ᭄᭞ᬦ᭄ᬤᬢᬦ᭄ᬕᬶᬜ᭄ᬚᭂᬮᬦ᭄᭞ᬲᬂᬧᬸᬲ᭄ᬧᬤᬦ᭄ᬢᬵᬦᬦ᭄ᬤᬶᬗᬶᬦ᭄᭚ᬧᬥᬵᬧᬕᬸᬢ᭄ᬲᬂᬧᬸᬱ᭄ᬧᬵᬤᬦ᭄ᬢᬵᬭᬶᬂᬧ᭄ᬭᬂ᭞ᬧᬥᬢᬦ᭄ᬳᬦᬵᬓᭀᬓᬶᬄ᭞ᬢᬶᬦᬶᬩᬦᬦ᭄ᬕᬤ᭄ᬥᬵ᭞ᬤᬾ
ᬲᬂᬧᬺᬯᬭᬵᬦᬶᬮᬵ᭞ᬲᬂᬢᬶᬕᬵᬧᬥᬗᭂᬫ᭄ᬩᬸᬮᬶᬦ᭄᭞ᬧᬥᬵᬧᬸᬤᭂᬢᬦ᭄᭞ᬢᬫ᭄ᬩᬶᬲ᭄ᬲᬂᬧᬸᬱ᭄ᬧᬵᬤᬦ᭄ᬢᬵᬓ᭄ᬦᬶ᭚ᬤᬾᬲᬜ᭄ᬚᬢᬵᬲᬗᬦ᭄ᬢᬓᬵᬲᬓᬶᬂᬓᬶᬯ᭄ᬯᬵ᭞ᬫᬫᬚᬺᬕᬸᬮᬸᬳᬕᬮᬶᬲ᭄᭞ᬢᬫ᭄ᬩᬶᬲ᭄ᬢᬬᬵᬧ᭄ᬚᬄ᭞ᬲᬂᬧᬸ
Kaca:Bali-lontar-paparikan-lubdhaka-03-450ppi.pdf/22
Kaca puniki sampun kauji-wacén
