Kaca:Bali-lontar-paparikan-lubdhaka-03-450ppi.pdf/24

Kaca puniki sampun kauji-wacén

[᭒᭓ 23B]
᭒᭓
ᬳ᭄ᬬᬂᬰᬶᬯ᭄ᬯᬵ᭞ᬦ᭄ᬫᬸᬨᬮᬵ᭞ᬩ᭄ᬭᬢᬦ᭄ᬳᬶᬗ᭄ᬲᬸᬦ᭄ᬦᬾᬭᬶᬂᬤᬗᬸ᭞ᬦᬸᬕ᭄ᬭᬳᬵᬫᬫᬶᬭᬶᬓᬶᬢᬵ᭞ᬭᬶᬓᭀᬢᬫᬦᬶᬂᬤᬤᬶ᭚ᬳᬲ᭄ᬢ᭄ᬯᬵᬦᭂᬫᬸᬲᬭᬶᬭᬵᬫᬸᬓ᭄ᬬᬵ᭞ᬰᬶᬯᬵᬮᬬᬵ᭞ᬫᬸᬓ᭄ᬬᬵᬗᬱ᭄ᬝᬵᬕᬸᬡᬵᬤᬶ᭞ᬧᬸᬱ᭄ᬧᬓᬵᬓᬲ᭄ᬭᬳᬵ
ᬳᬶᬓᬸ᭞ᬓᬮᬯᬦ᭄ᬢ᭄ᬭᬶᬮᭀᬘᬦᬵ᭞ᬮ᭄ᬯᬶᬃᬪᬹᬰᬡᬵ᭞ᬭᬢ᭄ᬦᬫᬡᬶᬓᬶᬢᬵᬳᬲᬸᬂ᭞ᬗ᭄ᬓ᭄ᬯᬵᬯᬾᬄᬓᬶᬢᬲᬫᬸᬳᬵ᭞ᬲᬯᬃᬡ᭄ᬦᬵᬪᬹᬰᬡᬵᬫᬫᬶ᭚ᬢᬧ᭄ᬯᬦ᭄ᬩᬾᬤᬵᬓᬢᭀᬦᬦ᭄ᬬᬵ᭞ᬭᬶᬂᬳᬯᬓᬸ᭞ᬢᬸᬗ᭄ᬕᬮ᭄ᬓᬢᭀᬦᬵ
ᬦ᭄ᬬᬵᬚᬢᬶ᭞ᬢ᭄ᬳᬦᬵᬩᬾᬤᬦᬾᬭᬶᬓᬸ᭞ᬓᬭᬫ᭄ᬬᬦᬶᬂᬰᬶᬯᬵᬮᬬᬵ᭞ᬓᬶᬢᬵᬫᬸᬓ᭄ᬢ᭄ᬬᬵ᭞ᬲᬓ᭄ᬯᬾᬄᬓᬋᬡᬦᬶᬂᬗᬸᬮᬸᬦ᭄᭞ᬬᬯᬢ᭄ᬧᬜ᭄ᬘᬫᬳᬵᬤᬶᬩᬸᬢᬵ᭞ᬓᬶᬢᬵᬦᭂᬫᬸᬲᬸᬓᬵᬲᬫᬶ᭚ᬫᬗ᭄ᬓᬦᬵᬦᬸᬕ᭄ᬭ
ᬳᬦᬶᬭᬵ᭞ᬳ᭄ᬬᬂᬇᬰ᭄ᬯᬭᬵ᭞ᬭᬶᬂᬓᬶᬮᬸᬩ᭄ᬤᬓᬵᬮ᭄ᬯᬶᬄ᭞ᬓᬶᬮᬸᬩ᭄ᬤᬓᬵᬦᭂᬫ᭄ᬩᬄᬦᬸᬳᬸᬦ᭄᭞ᬲᬯᬓ᭄ᬬᬾᬳ᭄ᬬᬂᬗᬶᬰ᭄ᬯᬭᬵ᭞ᬤᬤᬶᬢᬸᬱ᭄ᬝᬵ᭞ᬢᬸᬗ᭄ᬕᬮ᭄ᬧᬳᬯᬓᬦ᭄ᬳᬶᬧᬸᬦ᭄᭞ᬭᬶᬂᬧᬥᬵᬮᬶᬗ᭄ᬕᬶᬄᬪᬝᬭᬵ᭞ᬲᬂᬳ᭄ᬬᬂᬰᬶᬯ᭄ᬯᬂᬕᬸᬭᬸᬯᬶᬤ᭄ᬟᬶ᭞
[᭒᭔ 24A]
᭚ᬓᬭᬡᬦᬶᬂᬦ᭄ᬫᬸᬦᬸᬕᬺ᭞ᬲᬂᬳ᭄ᬬᬂᬰᬶᬯ᭄ᬯᬵ᭞ᬗᬦᬸᬕ᭄ᬭᬳᬦᬾᬫᬗ᭄ᬓᬶᬦ᭄᭞ᬨᬮᬦᬶᬂᬩ᭄ᬭᬢᬵᬭᬳᬬᬸ᭞ᬰᬶᬯ᭄ᬯᬭᬚᬦᬶᬫᬗᬭᬦ᭄᭞ᬦᬾᬓᬲᬶᬤᬦ᭄᭞ᬧᬗ᭄ᬮᭂᬩᬸᬭᬦ᭄ᬧᬧᬵᬕᭂᬫ᭄ᬧᬸᬂ᭞ᬓᬶᬮᬸᬩ᭄ᬤᬓᬵᬫᬜᬶᬤᬬᬂ᭞ᬗᬶᬭᬶᬂᬧ᭄ᬯᬱᬵ
ᬦ᭄ᬲᬂᬳ᭄ᬬᬂᬯᬶᬤ᭄ᬥᬶ᭚ᬲᬗ᭄ᬓᬦ᭄ᬤᬦᬾᬫᭀᬮᬶᬄᬰ᭄ᬯᬃᬕ᭄ᬕᬵ᭞ᬫᬫᬸᬧᭀᬦᬶᬦ᭄᭞ᬓᬲᬸᬓᬦ᭄ᬭᬶᬂᬲ᭄ᬯᬃᬕ᭄ᬕᬵᬤ᭄ᬥᬶ᭞ᬭᬶᬂᬰᬶᬯ᭄ᬯᬵᬮᬬᬵᬤᬶᬦᬸᬦᬸᬂ᭞ᬗᬶᬭᬶᬂᬮᬶᬗ᭄ᬕᬶᬄᬪᬝᬭᬵᬰᬶᬯ᭄ᬯᬵᬕᬸᬭᬸ᭞ᬲᬸᬓᬵᬲᬤ᭄ᬥᬵᬲ᭄ᬬᬂᬤᬮᬸ᭞ᬓᬾᬢᭀᬤᬕᬶᬂᬧᬦᬸᬕ᭄ᬭ
ᬳᬵ᭞ᬭᬶᬲᬂᬲᬶᬤ᭄ᬥᬵᬩ᭄ᬭᬢᬵᬍᬯᬶᬄ᭚ᬭᬶᬂᬲᬫ᭄ᬧᬸᬦ᭄ᬲᬶᬭᬂᬮᬸᬩ᭄ᬤᬓᬵ᭞ᬫᬫᬗ᭄ᬕᬶᬄᬲᬸᬓᬵ᭞ᬭᬶᬂᬰᬶᬯ᭄ᬯᬵᬮᬬᬦᬾᬫᬗ᭄ᬓᬶᬦ᭄᭞ᬓᬢᬫ᭄ᬢᬫ᭄ᬤᬾᬦᬶᬂᬳ᭄ᬬᬂᬕᬸᬭᬸ᭞ᬳᬶᬤᬵᬪᬝᬭᬵᬓᬶᬯ᭄ᬯᬵ᭞ᬯᬾᬄᬲᬸᬓᬦ᭄᭞ᬧᬗᬬᬄᬗᬬᬧ᭄ᬫᬜᬸᬗ᭄ᬲᬸᬂ᭞
ᬲᬃᬯ᭄ᬯᬵᬲᬸᬭᬱᬵᬦᬩᬸᬓ᭄ᬢ᭄ᬬᬦ᭄᭞ᬳᬮᬶᬢ᭄ᬳᬦᭀᬫ᭄ᬫᬗᬲᬬᬳᬶᬦ᭄᭚᭜᭚ᬭᬶᬲᬫ᭄ᬧᬸᬦ᭄ᬫᬫᬸᬓ᭄ᬢᬶᬲ᭄ᬯᬃᬕ᭄ᬕᬵ᭞ᬓᬶᬮᬸᬩ᭄ᬤᬓᬵᬤᬾᬦᬶᬂᬯᬶᬤ᭄ᬥᬶ᭞ᬘ᭄ᬭᬶᬢᬬᬂᬪᬝᬭᬵᬬᬫ᭄ᬫᬵ᭞ᬧᬶᬦᬋᬓᬶᬗ᭄ᬓᬭᬵᬫᬮᬶᬄ᭞ᬗᬸᬦᬶᬗᬬᬂ