[᭒᭖ 26B]
᭒᭖
ᬦ᭄ᬫᬮᬵᬕᭂᬫ᭄ᬧᬸᬂ᭞ᬗᬫᬺᬢᬦᬶᬦ᭄ᬓᬤᬤ᭄ᬬᬦ᭄᭞ᬫᬗᬸᬭᬷᬧ᭄ᬲᬃᬯ᭄ᬯᬵᬫᬉᬭᬶᬧ᭄᭞ᬓᬗ᭄ᬕᭂᬄᬕᬸᬭᬸ᭞ᬤᬾᬯᬦᬶᬂᬲ᭄ᬓᬮᬵᬦᬶᬲ᭄ᬓᬮᬵ᭚ᬲᬳᬵᬳᬶᬤᬵᬗᬲ᭄ᬢᬸᬗ᭄ᬓᬭᬵ᭞ᬗᬱ᭄ᬝᬯᬵᬳ᭄ᬬᬂᬰᬶᬯ᭄ᬯᬵᬚᬢᬷ᭞ᬪᬝᬭᬵᬬᬫ᭄ᬫᬵᬗᬜ᭄ᬚᬮ᭄ᬬ᭞ᬪᬝᬭ
ᬰᬶᬯ᭄ᬯᬵᬭᬶᬂᬕ᭄ᬮᬶᬲ᭄᭞ᬯᬘᬦᬵᬭᬹᬫᬫᬦᬶᬲ᭄᭞ᬫᬦᭀᬳᬭᬵᬫᭀᬚᬃᬳᬭᬹᬫ᭄᭞ᬳᬸᬤᬸᬄᬩᬧᬵᬳᬶᬬᬂᬬᬫ᭄ᬫᬵ᭞ᬳᬸᬦᬶᬂᬩᬧᬵᬦᬾᬧᬶᬦᭂᬭᬶᬄ᭞ᬢ᭄ᬯᬄᬤᬕᬶᬂᬳ᭄ᬬᬸᬦ᭄᭞ᬩᬧᬵᬫᬶᬲᬭᬢᬂᬧᬶᬲᬦ᭄᭚ᬤᬾᬯ᭄ᬯᬵᬢ᭄ᬓᬵᬫ
ᬋᬓᬵ᭞ᬳᬫ᭄ᬧᬸᬭᬦᭂᬦ᭄ᬩᬧᬵᬚᬦᬶ᭞ᬳᬬ᭄ᬯᬓᬶᬢᬵᬦᬮᬳᬲᬵ᭞ᬭᬶᬂᬤᬾᬯᬾᬓ᭄ᬩᬧᬵᬦᬾᬚᬢᬷᬦᬾᬩᬧᬵᬳᬤ᭄ᬟᬵᬫᬗᬶᬤᬶᬄ᭞ᬭᬶᬯ᭄ᬓᬗ᭄ᬓᬸᬤᬕᬶᬂᬗᬶᬂᬳ᭄ᬬᬸᬦ᭄᭞ᬳᬢ᭄ᬫᬵᬲᬶᬓᬶᬫᬧᬵᬗᬭᬦ᭄᭞ᬲᬶᬮᬸᬩ᭄ᬤᬓᬵᬚᬸᬭᬸᬩᬸᬭ᭄ᬯᬷ
᭞ᬳ᭄ᬟᭂᬩᭂᬦ᭄ᬥᬸ᭞ᬓᭂᬤᭂᬄᬫᬦᬕᬶᬄᬫᬜᬸᬯᬂ᭚ᬤᬾᬦᬶᬂᬳᬶᬧᬸᬦ᭄ᬫᬜᬶᬤᬬᬂ᭞ᬫᬩ᭄ᬭᬢᬵᬲᬸᬓᬺᬢ᭄ᬢᬶᬍᬯᬶᬄ᭞ᬳᬶᬓᬸᬓᬭᬡᬦᬶᬂᬩᬧᬵ᭞᭞ᬗᬸᬢᬸᬲ᭄ᬯᬢᭂᬓ᭄ᬕᬡ᭄ᬦᬵᬫᬫ᭄ᬭᬶᬄ᭞ᬋᬲᭂᬧ᭄ᬫᬸᬜᬶᬦ᭄ᬩᬧᬵᬚᬦᬶ᭞ᬓ᭄ᬭᬡᬵᬦᬶᬂᬤᬤᬶᬫᬫ
[᭒᭗ 27A]
ᬗ᭄ᬕᬸᬄ᭞ᬫᬗᬸᬲᬶᬭᬵᬰᬶᬯ᭄ᬯᬵᬮᬬᬵ᭞ᬭᬶᬗᬤ᭄ᬟᬶᬬᬸᬕᬦᬾᬗᬹᬦᬶ᭞ᬗ᭄ᬯᬂᬫᬗ᭄ᬯᬗᬸᬦ᭄᭞ᬳᬗᬚᬃᬩ᭄ᬭᬢᬵᬉᬢ᭄ᬢᬫᬵ᭚ᬰᬶᬯ᭄ᬯᬵᬭᬚᬦᬶᬓᬮᬸᬫ᭄ᬩ᭄ᬭᬄ᭞ᬢᬸᬭᬸᬂᬳᬦᬳᬗᬸᬮᬳᬶᬦ᭄᭞ᬗ᭄ᬮᭂᬓᬲᬓᭂᬦ᭄ᬩ᭄ᬭᬢᬵᬓᬳᭀᬢ᭄᭞ᬤᬤᬮᬸᬧᬵᬫ
ᬗ᭄ᬯᬭᬳᬶᬦ᭄᭞ᬩᬧᬵᬫᬗᬚᬃᬚᬷ᭞ᬓᬶᬮᬸᬩ᭄ᬤᬓᬵᬲᬶᬤ᭄ᬟᬵᬜᬸᬫᬸ᭞ᬫᬗᬸᬮᬳᬓᭂᬦ᭄ᬩ᭄ᬭᬢᬵ᭞ᬓᬮᬵᬧᬗ᭄ᬮᭀᬘᬢᬹᬃᬤᬰᬶ᭞ᬰᬶᬰᬶᬄᬳᬶᬧᬸᬦ᭄᭞ᬰᬰᬶᬄᬓᬧᬶᬢᬸᬦᬸᬚ᭄ᬯᬂ᭚ᬲᬶᬤᬵᬧᬹᬃᬡ᭄ᬦᬵᬲᬤᬸᬲ᭄ᬓ᭄ᬭᬢᬵ᭞ᬫᭀᬮᬶᬄᬩᬕ᭄ᬬᬵᬫᬸ
ᬓ᭄ᬢᬶᬓᬶᬃᬢ᭄ᬢᬷ᭞ᬍᬧᬲᬓᬾᬂᬬᬫ᭄ᬫᬵᬮᬬᬵ᭞ᬲᬧᬵᬧᬢ᭄ᬢᬓᬵᬕᬶᬗ᭄ᬲᬶᬃ᭞ᬤᬤᬶᬫᭀᬮᬶᬄᬰ᭄ᬯᬃᬕ᭄ᬕᬵᬤ᭄ᬟᬶ᭞ᬦᬗ᭄ᬳᬶᬂᬳᬶᬧᬸᬦ᭄ᬤᬢᬦ᭄ᬢᬳᬸ᭞ᬦᬶᬫᬶᬢᬦᬶᬂᬫᭀᬮᬶᬄᬩ᭄ᬭᬢᬵ᭞ᬫᬕᬤᬗ᭄ᬲᬓᬭᬶᬂᬳᬚ᭄ᬭᬶᬄ᭞ᬢ᭄ᬯᬄᬓᬢ᭄ᬫᬸᬨᬮᬵᬩ᭄ᬭ
ᬢᬾᬂᬰᬶᬯ᭄ᬯᬵᬮᬬᬵ᭚ᬓᬾᬢᭀᬋᬗᭂᬯᬭᬄᬳᬶᬗ᭄ᬯᬂ᭞ᬳᬶᬥᭂᬧᬂᬧᬯᬭᬄᬫᬫᬶ᭞ᬓᬾᬢᭀᬯᬓ᭄ᬬᬵᬳ᭄ᬬᬂᬇᬰ᭄ᬯᬭᬵ᭞ᬭᬶᬂᬳ᭄ᬬᬂᬬᬫ᭄ᬫᬵᬥᬶᬧᬵᬳᬕ᭄ᬮᬶᬲ᭄᭞ᬢᬹᬃᬓᬦ᭄ᬤᬶᬓᬬᬂᬫᬯᬮᬶ᭞ᬫᬕᭂᬳᬂᬰᬰᬡᬵᬧᬸᬢᬸᬲ᭄᭞ᬧ
Kaca:Bali-lontar-paparikan-lubdhaka-03-450ppi.pdf/27
Kaca puniki sampun kauji-wacén
