[᭒᭗ 27B]
᭒᭗
ᬫᬃᬕ᭄ᬕᬶᬦᬶᬂᬧᬓᬃᬬ᭄ᬬᬦ᭄᭞ᬲᬳᬵᬳᬶᬤᬵᬧᬘᬂᬗᬸᬭᬶᬧ᭄᭞ᬲᬦᬾᬫ᭄ᬧᬸᬲ᭄᭞ᬭᬶᬂᬚ᭄ᬭᭀᬦᬶᬂᬭᬡᬵᬧᬬᬸᬤᬦ᭄᭚ᬳᬲᬧᬸᬦᬶᬓᬧᬯᬭᬄ᭞ᬪᬵᬝᬭᬵᬰᬶᬯ᭄ᬯᬵᬫᬶᬲᬶᬗ᭄ᬕᬶᬄ᭞ᬪᬝᬭᬵᬬᬫᬵᬯᭀᬢ᭄ᬲ᭄ᬓᬃ᭞ᬫᬫᬸᬳᬸᬦᬸᬕ᭄ᬭᬳ
ᬯ᭄ᬟᬶ᭞ᬭᬶᬳ᭄ᬬᬂᬕᬡ᭄ᬦᬵᬫᬗ᭄ᬭᬭᬶᬲ᭄᭞ᬫᬗᬮᬧ᭄ᬓᬲᭀᬃᬫᬫᬸᬳᬸᬦ᭄᭞ᬧᬲᬫ᭄ᬩᭀᬤᬦᬵᬉᬢ᭄ᬢᬫᬵ᭞ᬢᬸᬱ᭄ᬝᬵᬳ᭄ᬬᬂᬰᬶᬯ᭄ᬯᬵᬗᬺᬗ᭄ᬯᬦᬶᬤᬕᬶᬂᬳᬢᬸᬃ᭞ᬲᬂᬳ᭄ᬬᬂᬬᬫ᭄ᬫᬵᬫ᭄ᬭᬡᬦᬶᬢ᭄ᬯᬲ᭄᭚ᬢᬹᬃᬫᬗ᭄ᬭᬭᬶᬲ᭄ᬫᬶᬦ᭄ᬢᬵᬮᬸᬕ᭄ᬭᬵ᭞ᬫᬧᬫᬶᬢ᭄ᬫᬦ᭄ᬢᬸ
ᬓ᭄ᬭᬶᬂᬕ᭄ᬮᬶᬲ᭄᭞ᬫᬗᬾᬮᬶᬗᬂᬤᬕᬶᬂᬓᬃᬬ᭄ᬬᬵ᭞ᬰᬰᬡᬦ᭄ᬳᬶᬤᬦᬾᬚᬢᬷ᭞ᬗᬫᬗ᭄ᬕᭂᬳᬂᬧᬺᬓᬺᬢ᭄ᬢᬶ᭞ᬳᬮᬳᬬᬸᬧᭀᬮᬄᬳᬶᬂᬪᬹᬄ᭞ᬢᬦᬸᬘᬧᭂᬦ᭄ᬭᬶᬂᬧᬸᬭᬵ᭞ᬧᬥᬫᬸᬓ᭄ᬢᬶᬓᬮᬗᭂᬦᬶᬂ᭞ᬰ᭄ᬯᬦᬕᬦ᭄ᬢᬸᬦ᭄᭞ᬦᬫ᭄ᬢᬫᬶᬓᬲᬸᬓᬵ
ᬲᬤ᭄ᬟᬦ᭄᭚ᬢᬶᬗ᭄ᬓᬳᬶᬂᬲᬂᬗ᭄ᬯᬗᬸᬦ᭄ᬩ᭄ᬭᬢᬵ᭞ᬭᬶᬗᬾᬜ᭄ᬚᬶᬂᬢ᭄ᬯᬄᬗᬫᬶᬫᬶᬢᬶᬦ᭄᭞ᬫᬺᬰᬶᬳᬶᬦ᭄ᬲᬭᬶᬭᬵᬲᬸᬤ᭄ᬟ᭞ᬳᬦᬸᬲ᭄ᬫᬭᬡᬵᬳ᭄ᬬᬂᬯᬶᬤ᭄ᬟᬶ᭞ᬭᬶᬂᬕᬸᬭᬸᬕᬺᬳᬵᬚᬢᬷ᭞ᬫᭂᬫ᭄ᬩᬄᬫᬦᬸᬳᬸᬦ᭄ᬕᬸᬭᬸ᭞ᬲᬸᬫᬸᬳᬸᬦ᭄ᬧᬤ᭄ᬟᬵᬤᬂᬕᬸᬭ᭄ᬯᬵ᭞ᬗ᭄ᬮᬭᬂ
[᭒᭘ 28A]
ᬰᬶᬯ᭄ᬯᬵᬦᬮᬃᬘ᭄ᬙᬦᬶ᭞ᬢᬹᬃᬫᬤᬸᬮᬸᬃ᭞ᬫᬦᬶᬕᬲᬵᬫᭀᬦᬵᬩ᭄ᬭᬢᬵ᭚ᬭᬶᬢ᭄ᬮᬲ᭄ᬳᬶᬓᬂᬭᬳᬶᬦᬵ᭞ᬭᬶᬯ᭄ᬗᬶᬢᬦ᭄ᬤᬤᬶᬢᬸᬭ᭄ᬯᬶ᭞ᬫᬧ᭄ᬭᬤᬂᬢ᭄ᬯᬄᬫᬓᬵᬍᬫᬄ᭞ᬗᬲ᭄ᬢᬸᬢᬶᬳ᭄ᬬᬂᬚ᭄ᬭᭀᬦᬶᬂᬳᬺᬤᬶ᭞ᬪᬝᬭᬵᬰᬶᬯ᭄ᬯᬵᬮᬶᬗ᭄ᬕᬦᬶ᭞ᬳᬃᬘ᭄ᬙᬦ
ᬬᬂᬚ᭄ᬭᭀᬦᬶᬂᬢᬦᬸ᭞ᬥᬍᬫᬶᬓᬂᬰᬸᬭᬵᬮᬬᬵ᭞ᬳ᭄ᬬᬂᬓᬸᬫᬭᬵᬫᬰᬶᬄᬳᬾᬱ᭄ᬝᬶ᭞ᬧᬶᬦᬶᬄᬭᬸᬳᬸᬦ᭄᭞ᬲᬂᬳ᭄ᬬᬂᬕᬡ᭄ᬦᬵᬳᬶᬤᬵᬧᬸᬚ᭄ᬬᬵ᭚ᬳᬶᬓᬵᬭᬚᬦᬶᬬᬫ᭄ᬫᬧᬢ᭄᭞ᬕ᭄ᬮᬭᬓ᭄ᬦᬵᬢ᭄ᬯᬄᬳᬲ᭄ᬢᬸᬢᬶ᭞ᬫᬦᬸᬭᬸᬢᬂᬧᬳᬶᬦ᭄ᬤᬶᬓᬦ᭄
᭞ᬲᬓᬵᬩ᭄ᬯᬢᬦᬶᬂᬲᬲᬚᬶ᭞ᬲᬃᬯ᭄ᬯᬵᬲ᭄ᬓᬭᬾᬓᬧᬸᬚᬶ᭞ᬫ᭄ᬦᬸᬄᬕᬫ᭄ᬩᬶᬃᬫ᭄ᬯᬂᬓᬘᬸᬩᬸᬂ᭞ᬓᬜᬶᬭᬶᬮᬯᬦ᭄ᬧᬸᬢᬢ᭄᭞ᬢ᭄ᬓᬦᬶᬂᬯᬤᬸᬭᬶᬧᬸᬢᬶᬄ᭞ᬢᬗ᭄ᬕᬮᬶᬩ᭄ᬓᬸᬮ᭄᭞ᬓᬮᬓ᭄ᬘᬫ᭄ᬧᬓᬵᬗ᭄ᬰᭀᬓ᭚ᬦᬩᬧᬸᬱ᭄ᬧᬵᬫ᭄ᬯᬂᬲᬭᭀ
ᬚᬵ᭞ᬲᬦᬾᬳᬩᬂᬩᬶᬭᬸᬧᬸᬢᬶᬄ᭞ᬲᬓᬜ᭄ᬘᬦᬶᬂᬲᬃᬯ᭄ᬯᬵᬲ᭄ᬓᬃ᭞ᬫᬓᬤᬶᬲ᭄ᬫᬶᬦᬶᬂᬯᬶᬮ᭄ᬯᬶ᭞ᬫᬚᬵᬃᬚ᭄ᬚᬵᬓᬯᬱ᭄ᬝᬦᬶᬦ᭄᭞ᬲᬸᬮᬲᬶᬄᬫᬶᬳᬶᬓ᭄ᬧᬫᬸᬘᬸᬓ᭄᭞ᬳᬗ᭄ᬕᬾᬲ᭄ᬓᬃᬗᬃᬘ᭄ᬙᬦᬵ᭞ᬮᬯᬦ᭄ᬲᬳᬦᬵᬯᬯᬗᬶ᭞ᬥᬸ
Kaca:Bali-lontar-paparikan-lubdhaka-03-450ppi.pdf/28
Kaca puniki sampun kauji-wacén
