[᭒᭘ 28B]
᭒᭘
ᬧᬵᬫᬭᬸᬫ᭄᭞ᬕᬺᬢ᭄ᬣᬵᬲᬸᬥᬶᬧᬵᬘᬸᬫᬤ᭄ᬟᬂ᭚ᬫᬶᬯᬄᬘᬭᬸᬩᬸᬩᬸᬃᬧ᭄ᬳᬦ᭄᭞ᬩᬸᬩᬸᬃᬕᬸᬮᬦᬾᬓᬧᬸᬚᬶ᭞ᬮᬯᬦ᭄ᬲ᭄ᬕᬦᬾᬫᬮᬶᬯᭂᬢ᭄᭞ᬘᬭᬸᬩ᭄ᬤᬾᬦᬶᬂᬳᬢ᭄ᬣᬓ᭄ᬯᬶᬮᬶᬲ᭄᭞ᬧᬜ᭄ᬘᬨᬮᬵᬤᬸᬮᬸᬭᬶᬦ᭄᭞ᬨᬦᬫᬢ᭄ᬲ᭄ᬬᬵ
ᬦᬾᬓᬲᬸᬫ᭄ᬩᬸᬂ᭞ᬤᬕᬶᬂᬘᬭᬸᬦᬾᬉᬢ᭄ᬢᬫᬵ᭞ᬲᬲᬚᬶᬦ᭄ᬩ᭄ᬭᬢᬦᬾᬍᬯᬶᬄ᭞ᬦ᭄ᬤᬢᬦ᭄ᬫᬢᬸᬭᬸᬲᬯ᭄ᬗᬶᬢᬦ᭄ᬧᬓᭂᬚᭂᬧᬦ᭄᭚ᬉᬦ᭄ᬬᬉᬦ᭄ᬬᬦᬾᬦᬸᬗ᭄ᬓᬸᬮᬂ᭞ᬳᬗ᭄ᬕᬾᬧᬜᬮᬶᬫᬹᬃᬳᬭᬶᬧ᭄᭞ᬫᬶᬯᬄᬫᬦᬸᬢᬸᬭᬂᬢᬢ᭄ᬯ᭞ᬓᬶ
ᬤᬸᬂᬓᬓᬯᬶᬦ᭄ᬩᬱᬦᬶᬦ᭄᭞ᬧᬸᬦᬶᬓᬵᬮᬦ᭄ᬢᬭᬦᬶᬂ᭞ᬩ᭄ᬭᬢᬦᬾᬫᬸᬗ᭄ᬕᬸᬄᬭᬶᬗᬬᬸᬦ᭄᭞ᬭᬶᬢ᭄ᬓᬦᬶᬂᬭᬳᬶᬦᬵ᭞ᬫᬮᬶᬄᬤᬸᬮᬸᬭᬶᬦ᭄ᬧᬓᬾᬃᬢ᭄ᬢᬶ᭞ᬤᬦᬵᬧᬸᬦ᭄ᬬᬵ᭞ᬳᬢᬹᬭᬂᬭᬶᬲᬂᬧᬡ᭄ᬥᬶᬢᬵ᭚ᬫᬶᬯᬄᬫᬬᬰᬵᬭᬶᬂᬧᬭ
᭞ᬓᬾᬢᭀᬢᬶᬗ᭄ᬓᬳᬾᬫᬓᬶᬃᬢ᭄ᬢᬶ᭞ᬫᬗᬲᭀᬭᬂᬨᬮᬦ᭄ᬬᬵᬚ᭄ᬜᬵ᭞ᬫᬶᬯᬄᬧᬢᬶᬃᬣᬲᬗᬤᬶ᭞ᬲᬓ᭄ᬯᬾᬳᬶᬂᬧᬧᬵᬕᬶᬗ᭄ᬲᬶᬃ᭞ᬓᬾᬢᭀᬧᬤᬕᬶᬗᬦ᭄ᬳᬶᬧᬸᬦ᭄᭞ᬬᬤᬶᬦ᭄ᬓᬾᬯᬮᬵᬲᬶᬤ᭄ᬟᬵ᭞ᬫᬕᬤᬂᬦ᭄ᬤᬢᬦ᭄ᬧ
[᭒᭙ 29A]
ᬲᬚᬶ᭞ᬢᬍᬃᬫᬸᬗ᭄ᬕᬸᬄ᭞ᬓᬶᬘ᭄ᬙᬨᬮᬵᬤᬾᬪᬝᬭᬵ᭚ᬓᬤᬶᬧᬸᬦᬶᬓᬵᬳᬸᬗ᭄ᬕᬸᬳᬂ᭞ᬓᬢᬢ᭄ᬯᬦ᭄ᬧ᭄ᬯᬱᬵᬲᬸᬚᬢᬶ᭞ᬓᬸᬭᬂᬭᬗ᭄ᬓᬸᬂᬳᬫ᭄ᬧᬸᬭᬬᬂ᭞ᬬᬦ᭄ᬳᬦᬵᬲᬸᬤ᭄ᬬᬵᬗ᭄ᬯᬘᬾᬦᬶ᭞ᬗᬸᬗ᭄ᬕᬸᬳᬂᬢᬸᬢᬸᬃᬳᬚᬶ᭞ᬗᬗ᭄ᬕᬾᬕᭂᬡ᭄ᬟᬶᬂᬢᭂᬫ᭄ᬩᬂᬧᬸᬧᬸᬄ᭞ᬫ᭄ᬕ
ᬢ᭄ᬜᬫ᭄ᬩᬸᬂᬢᬦ᭄ᬓᬭ᭄ᬯᬦ᭄᭞ᬳᬗ᭄ᬕᬾᬧᬜᬮᬶᬫᬸᬃᬳᬭᬶᬧ᭄᭞ᬤᬾᬦᬶᬂᬦᬸᬚᬸ᭞ᬗ᭄ᬯᬗᬸᬦᬂᬧ᭄ᬯᬱᬵᬲᬫ᭄ᬩᬂ᭚ᬧᬸᬧᬸᬢ᭄ᬤᬶᬯᬱᬵᬫᬜᬸᬭᬢ᭄᭞ᬫᬸᬧᬸᬳᬂᬗᬗ᭄ᬕᬾᬕᭂᬡ᭄ᬟᬶᬂ᭞ᬲᬂᬯᬮᬓᬵᬫᬥ᭄ᬬᬧᬗ᭄ᬓᬄ᭞ᬭᬶᬂᬤᬶᬦᬵᬯ᭄ᬭᬲ᭄ᬧᬢᬶᬧᬳᬶᬂ᭞ᬫ᭄ᬤᬂᬲ᭄ᬬᬫᬦᭂ
ᬫᬸᬦᬶᬦ᭄᭞ᬢᬶᬢᬶᬧᬗ᭄ᬮᭀᬂᬧᬶᬂᬭ᭄ᬯᬦᬸᬚᬸᬧᬗᬺᬋᬳᬦ᭄ᬯᬭᬶᬕᬵ᭞ᬰᬰᬶᬄᬲᬤ᭄ᬟᬵᬦᬾᬦᭂᬓᬦᬶᬦ᭄᭞ᬭᬶᬂᬭᬄᬯᬶᬡ᭄ᬥᬸ᭞ᬢᭂᬗ᭄ᬕᭂᬓ᭄ᬧ᭄ᬬᬵᬫᬦᭂᬫᭀᬦᬂ᭚ᬇᬰᬓᬵᬬᬸᬰᬦᬶᬂᬩ᭄ᬯᬦᬵ᭞ᬲ᭄ᬬᬩᬗ᭄ᬲᬶᬢ᭄ᬫ᭄ᬯᬂᬲᬗᬂᬤᬰᬶ᭞ᬳᬶᬭᬶᬓᬵᬧᬸᬧᬸᬢ᭄ᬫᬜᬸ
ᬭᬢ᭄᭞ᬗᬗ᭄ᬕᬾᬢᭂᬫ᭄ᬩᬂᬢᬦ᭄ᬧᬳᬶᬦ᭄ᬤᬶᬓ᭄᭞ᬳᬫ᭄ᬧᬸᬭᬵᬢᬶᬢ᭄ᬬᬂᬚᬢᬶ᭞ᬪᬝᬭᬵᬳ᭄ᬬᬂᬯᬶᬤ᭄ᬟᬶᬭᬶᬂᬪᬹᬄ᭞ᬲᬦ᭄ᬫᬢᬵᬗ᭄ᬯᬂᬯᬶᬫᬸᬤ᭄ᬟᬵ᭞ᬅᬲ᭄ᬢᬸᬫᬸᬳᬬᬸᬳᬸᬦᬶᬧ᭄᭞ᬳ᭄ᬬᬂᬫᬳᬸᬮᬸᬦ᭄᭞ᬦᬸᬕ᭄ᬭᬳᬵᬚᬶᬯ᭄ᬯᬵᬲᬫ᭄ᬧᬹᬃᬡ᭄ᬦᬵ᭚ᬲᭂᬫ᭄ᬩᬄᬦᬶᬂᬗ᭄ᬯᬂᬯ᭄ᬯᬂᬯᬶᬫᬸ
Kaca:Bali-lontar-paparikan-lubdhaka-03-450ppi.pdf/29
Kaca puniki sampun kauji-wacén
