[᭔᭔ 44B]
᭔᭔
ᬲ᭄ᬫᬓᭀᬘᭀᬩᬗ᭄ᬲᬄ᭞ᬤ᭄ᬬᬄᬳᬲ᭄ᬢ᭄ᬭᬋᬚᬱᬫᬮᬶᬄ᭞ᬫᬯᬲ᭄ᬢ᭄ᬭᬲᬸᬢ᭄ᬭᬵ᭞ᬩᬭᬓ᭄ᬫᬲᭀᬗ᭄ᬓᬾᬢ᭄ᬯᭂᬮᬶᬲ᭄᭟ᬢᬸᬃᬫᬲᬩᬸᬓ᭄ᬦᬲᬓ᭄ᬕᭂᬥᬂᬲᬓᬾᬂᬘᬶᬦᬵ᭞ᬳᬦᬸᬢ᭄
ᬫᬲ᭄ᬮᬾᬫ᭄ᬧᭀᬢ᭄ᬧ᭄ᬭᬜ᭄ᬘᬶᬲ᭄᭞ᬧᬶᬗ᭄ᬕᭂᬮ᭄ᬢ᭄ᬥᬸᬦ᭄ᬫᬸᬗ᭄ᬕᬄ᭞ᬫᬲᬸᬩᭂᬂᬳᬦ᭄ᬢᬸᬓ᭄ᬮᭀᬦ᭄ᬢᬃ᭞ᬫᬢ᭄ᬭᬗ᭄ᬖᬡᬳᬗ᭄ᬕ᭄ᬭᬾᬓ᭄ᬱ᭄ᬳᬰᬶᬄ᭞ᬤ᭄ᬬᬄᬓᬸᬲᬸᬫᬶᬢ᭄ᬭᬵ᭞ᬫᬯᬲ᭄ᬢ᭄ᬭᬚᬗ᭄ᬕᬯᬭᬶ᭟ᬢᬸᬃᬫᬲ
ᬩᬸᬓ᭄ᬯᬸᬗᬸᬩᬶᬭᬸᬗᬸᬤᬵ᭞ᬲ᭄ᬮᬾᬫ᭄ᬧᭀᬢ᭄ᬘᬡ᭄ᬥᬦᬓᬯᬶ᭞ᬧᬢ᭄ᬭᬲᬲᬸᬮᬫᬦ᭄᭞ᬫᬕᭂᬮᬂᬓᬫ᭄ᬩᬂᬲᭂᬥᬄ᭞ᬫᬲᬸᬜᭂᬂᬩᬦ᭄ᬮᭀᬦ᭄ᬢᬃᬧᬸᬢᬶᬄ᭞ᬳᬸᬲᬦ᭄ᬫᬩᬸᬗ᭄ᬳ᭞
ᬫᬲᭂᬓᬃᬰ᭄ᬭᬸᬡᬶᬓᬸᬦᬶᬂ᭟ᬧᬗᬗ᭄ᬕᭀᬦᬾᬲᬥᬭᬡᬗᬸᬯᬄᬓᬃᬡ᭄ᬦᬵ᭞ᬭᬾᬄᬲᭀᬮᬄᬳᬦᬓ᭄ᬱᭂᬥᬶᬄ᭞ᬓᬢᭂᬢᭂᬳᬦ᭄ᬮᬭᬵ᭞ᬓᬶᬫᬸᬤ᭄ᬳᬓᭂᬲ᭄ᬬᬩ᭄ᬓᭂᬲ᭄ᬬᬸᬩ᭄
[᭔᭕ 45A]
ᬫᬫᬃᬕ᭄ᬕᬶᬫᬧᬬᬸᬂᬢᬶᬗ᭄ᬕᬶ᭞ᬫᬸᬭᬸᬩ᭄ᬩᬳᬦ᭄ᬧ᭄ᬭᬥ᭞ᬫᬭᬾᬡ᭄ᬥᬭᬫ᭄ᬩᬸᬓᬸᬦᬶᬂ᭟ᬧᬗᬬᬳᬾᬧᬥᬵᬗᬶᬭᬶᬂᬓᬚ᭄ᬭᭀᬧᬹᬭ᭞ᬲᬂᬧ᭄ᬭᬪᬸᬗᬯᬲ᭄ᬗᬓ᭄ᬱᬶ᭞ᬯ᭄ᬯᬂᬚ᭄ᬭᭀᬳᬃᬱᬫᬸᬮᬢ᭄᭞
ᬧ᭄ᬭᬫᬶᬰ᭄ᬯᬭᬶᬓᬯᭂᬗᬦ᭄᭞ᬳᬗᬸᬘᬧ᭄ᬯᬘᬡᬫᬦᬶᬲ᭄᭞ᬮᬄᬦᬶᬦᬶᬧᬥᬵ᭞ᬲᬫᬵᬫᬸᬗ᭄ᬕᬄᬳᬮᬶᬗ᭄ᬕᬶᬄ᭟ᬧᬭᬧᬸᬢ᭄ᬭᬶᬳᬮᬸᬗ᭄ᬕᬸᬄᬲᬫᬵᬳᬦᭂᬫ᭄ᬩᬄ᭞ᬧᬗᬬᬄᬤᬕᬶᬂᬧᬹᬭᬶ᭞ᬩᭂᬗᭀᬂ
ᬲᬫᬵᬗᬸᬘᬧ᭄᭞ᬓᬲᭀᬩ᭄ᬧᬥᬗ᭄ᬕᬯᭀᬓᬂ᭞ᬗᬍᬫ᭄ᬜᬸᬫ᭄ᬩᬸᬂᬲᬶᬭᬧᬜ᭄ᬚᬶ᭞ᬯᭂᬓᬲᬶᬂᬯᬶᬓᬦ᭄᭞ᬯᬶᬤᬕ᭄ᬥᬵᬗ᭄ᬕᭂᬮᬶᬓ᭄ᬭᬩᬶ᭟ᬳᬲᬶᬂᬲᬫ᭄ᬩᬢ᭄ᬲᬫᬶᬲᬼᬄᬲᬺᬗ᭄ᬕᬭᬵ᭞ᬳᬦᬹᬢ᭄
ᬲᬋᬂᬫᬓᬶᬮᬶᬢ᭄᭞ᬲᬧᬸᬢ᭄ᬤᬶᬧᬫᬺᬫᬦ᭄᭞ᬓᬮᬶᬄᬦᬾᬗ᭄ᬓᬾᬦ᭄ᬓᬳᬾᬫᬦ᭄᭞ᬭᬩᬶᬦᬾᬦᬶᬓᬫᬲᬦ᭄ᬥᬶᬂ᭞ᬢᭀᬂᬩᬓᬢ᭄ᬘᬾᬤᬵ᭞ᬧᬢᭂᬄᬲᬺᬗ᭄ᬕᬭᬩᬗ᭄ᬓᬶᬢ᭄᭟ᬲᬫᬶ
Kaca:Bali-lontar-paparikan-malat-01-550ppi.pdf/45
Kaca puniki sampun kauji-wacén
