[᭔᭖ 46B]
᭔᭖
ᬢᬶᬄ᭟ᬰ᭄ᬭᬷᬕᬕ᭄ᬮᬂᬓᭂᬜᭂᬫ᭄ᬢᬸᬫᬸᬮᬶᬫᬳᬗ᭄ᬕᬸᬢᬦ᭄᭞ᬲᬕᬾᬢ᭄ᬕᬶᬩᬸᬗᬦ᭄ᬧ᭄ᬭᬧ᭄ᬢᬶ᭞ᬲᬮ᭄ᬯᬶᬃᬳᬸᬧᬚᬶᬯᬵ᭞ᬲᬕᬭᬕᬸᬦᬸᬂᬮᬸᬯᬄ᭞ᬳᬶᬦᬸᬫᬶᬦᬸᬫᬦ᭄ᬫᬯᬃᬡ᭄ᬦᬶ᭞ᬲᬂᬧ᭄ᬭᬪᬹᬦᬥᬄ᭞ᬧᬧᬶᬗᬶᬢ
ᬦ᭄ᬗᬬᬳᬶᬦ᭄᭟ᬲᬶᬭᬧᬜ᭄ᬚᬶᬓᬦ᭄ᬥᬶᬓᬬᬂᬫᬗᬬᬸᬦᬂ᭞ᬮᬦ᭄ᬧᬭᬫᬦ᭄ᬢ᭄ᬭᬷᬲᬫᬶ᭞ᬓᬮᬶᬭᬦ᭄ᬢᬦᬚᬵ᭞ᬧ᭄ᬭᬫᬶᬰ᭄ᬯᬭᬶᬫᬦᬥᬄ᭞ᬕᬫ᭄ᬩᭂᬮᬦ᭄ᬮᬾᬕᭀᬂᬫᬫᬸᬜᬶ᭞ᬭᬶᬂᬳᬲᭂᬧ᭄ᬫᭂᬜ
ᬦ᭄᭞ᬕᬫ᭄ᬩᬂᬫᬗᬮᬶᬓᬮᬶᬓ᭄᭟ᬲᬮᬶᬂᬢᬶᬫ᭄ᬩᬮ᭄ᬭᬶᬂᬲ᭄ᬫᬭᬧᬕᬸᬮᬶᬗᬦ᭄᭞ᬫᬦᬩᬸᬄᬓᬺᬜ᭄ᬘᬶᬂᬓ᭄ᬭᬶᬜ᭄ᬘᬶᬂ᭞ᬦᬸᬭᬸᬦᬸᬭᬸᬫᬦᬄ᭞ᬫᬢᬶᬫ᭄ᬩᬮᬂᬭᬶᬂᬕᬸᬦ᭄ᬢᬂ᭞ᬯᬢᭂᬓ᭄ᬧᬭᬧᬸᬢ᭄ᬭᬶᬲᬫᬶ᭞
ᬦᬩᬸᬄᬕᬫ᭄ᬩᭂᬮᬦ᭄᭞ᬯᬶᬢ᭄ᬩ᭄ᬬᬲᬗᬗ᭄ᬕᬶᬢ᭄ᬕᭂᬦ᭄ᬥᬶᬂ᭟ᬲᬵᬫ᭄ᬧᬸᬦᬸᬲᬦ᭄ᬲᬫᬶᬫᬦᬥᬄᬗᬚᭂᬗᬂ᭞ᬲᬂᬧᬜ᭄ᬚᬶᬫᬢᬸᬃᬳᬭᬶᬲ᭄᭞ᬭᬢᬸᬫᬦᬄᬢᬶᬢ᭄ᬬᬂ᭞ᬚᬕᬫᬓᬃᬬ᭄ᬬᬧ
[᭔᭗ 47A]
ᬢᬓ᭄᭞ᬕᬮᭀᬕᭀᬃᬫᬓᬸᬢᬫᭂᬲᬶᬃ᭞ᬲᬳᬵᬩᬮᬸᬫ᭄ᬩᬂ᭞ᬫᬲᬗ᭄ᬓ᭄ᬭᬩ᭄ᬲᬸᬗ᭄ᬕᬵᬧᬸᬮᬶᬂ᭟ᬰ᭄ᬭᬶᬕᬕᭂᬮᬂᬫᬫᬵᬢᬹᬢ᭄ᬦᬸᬮᬶᬗᬦ᭄ᬤᬶᬓᬵ᭞ᬇᬓᬵᬯᭂᬓᬲᬶᬂᬩᭂᬘᬶᬓ᭄᭞ᬓ
ᬓᬶᬤᬾᬦᬸᬦᬶᬗᬵ᭞ᬳᬦᬫᬗ᭄ᬓᬾᬦᭂᬗ᭄ᬕᬸᬳᬾ᭞ᬓᬂᬰᬢ᭄ᬭᬸᬓᬭᬶᬭᬶᬂᬫᬃᬕ᭄ᬕᬶ᭞ᬳᬫᬋᬧ᭄ᬭᬶᬂᬓᭀᬢ᭞ᬧ᭄ᬭᬪᬹᬮᬲᭂᬫ᭄ᬪᬹᬧᬢᬶ᭟ᬯᬸᬲ᭄ᬲᬬᬕᬵᬤᬾᬦ᭄ᬬᬫᬗ᭄ᬓᬢ᭄ᬗᭂᬦ᭄ᬥᭀᬦ᭄ᬬᬸᬤ᭄ᬥᬵ᭞ᬓ
ᬳᬕᭂᬫ᭄ᬫᭂᬦᬂᬭᬶᬂᬚᬸᬭᬶᬢ᭄᭞ᬮᬯᬦᬵᬭᬶᬦ᭄ᬬ᭞ᬧᬓ᭄ᬱᬶᬦ᭄ᬬᬳᬗ᭄ᬕᬦ᭄ᬢᬶᬭᬵᬚ᭞ᬲᬂᬧᬜ᭄ᬚᬶᬫᬲᬳᬸᬃᬫᬶᬗᬶᬲ᭄᭞ᬓᭂᬤᬾᬓ᭄ᬫᬗᬓᬓ᭄᭞ᬕᬫ᭄ᬧᬂᬳᬶᬧᬸᬦ᭄ᬫᬜ᭄ᬚᬸᬤᬶ᭟ᬧᬘᬂᬗ᭄ᬭᬶᬱ᭄ᬝᬗ
ᬮᬳᬂᬤᬾᬰᬕᬕ᭄ᬮᬂ᭞ᬫᬜᬭᬄᬬᬬᬶᬧᬸᬢ᭄ᬭᬶ᭞ᬬᬦ᭄ᬢᬦ᭄ᬭᬢᬸᬲ᭄ᬢᬲ᭄᭞ᬩᬲᬂᬢᬶᬢ᭄ᬬᬂᬭᬶᬂᬭᬡ᭞ᬫᬓᬓᭂᬩ᭄ᬫᬗ᭄ᬭᬭᬶᬲ᭄ᬫᬢᬶ᭞ᬇᬭᬶᬓᬓᬮᬄ᭞ᬘᭀᬓᭀᬃᬳᬶᬤᬾᬯᬩᬶᬮᬶᬄ᭟
Kaca:Bali-lontar-paparikan-malat-01-550ppi.pdf/47
Kaca puniki sampun kauji-wacén
