[᭗᭑ 71B]
᭗᭑
ᬢ᭄ᬓᬮᬶᬄᬩᬚ᭄ᬭᬵ᭞ᬫᬗ᭄ᬥᬵᬮᬦᬸᬲ᭄ᬲᬶᬤ᭄ᬥᬵᬓᬃᬬ᭄ᬬᬜ᭄ᬚᬬᬰᬢ᭄ᬭᬸ᭞ᬲᬂᬧ᭄ᬭᬪᬸᬢᬫ᭄ᬧᬸᬄᬯᬘᬡᬵ᭞ᬬᬬᬶᬅᬃᬬ᭄ᬬᬗᬶᬚᭂᬂᬧᬹᬭᬶ᭟ᬧᬋᬂᬭᬶᬂᬯᬢᭂᬓ᭄ᬤᬶᬓ᭄ᬱᬶᬢᬵ᭞ᬜᬩ᭄ᬭᬦ᭄
ᬦᬸᬕᬸᬃᬫᬗᬶᬚᭂᬂᬲᬶᬬᬂᬭᬢ᭄ᬭᬶ᭞ᬲᬂᬧ᭄ᬭᬪᬹᬫᬫᬃᬕ᭄ᬕᬶᬲᬵᬫ᭄ᬧᬸᬦ᭄᭞ᬲᬋᬂᬲᬂᬮ᭄ᬯᬶᬃᬳ᭄ᬬᬂᬓᬫᬵ᭞ᬭᬤᬾᬦᬵᬮᬸᬫᬧᬫᬶᬢ᭄ᬓᬾᬗᬶᬦ᭄ᬧᬧᬸᬘᬸᬓ᭄᭞ᬧᬸᬗ᭄ᬕᬯᬵᬳᬓᬾᬄᬫᬓᭂᬩᬢ᭄᭞
ᬗᬫ᭄ᬩ᭄ᬬᬃᬗ᭄ᬕᬫᭂᬮ᭄ᬢᭂᬧᬶᬲᬶᬭᬶᬂ᭟ᬚᬭᬦ᭄ᬕᬚᬳᬾᬬᬸᬢᬳᬦ᭄᭞ᬧᬥᬳᬸᬬᬸᬢ᭄ᬗᬺᬤᭂᬕ᭄ᬗᭂᬫ᭄ᬧᭂᬗᬶᬦ᭄ᬓᭀᬧᬶᬂ᭞ᬮ᭄ᬯᬶᬄᬰ᭄ᬭᬶᬕᬕ᭄ᬮᬂᬧ᭄ᬭᬪᬹ᭞ᬰ᭄ᬭᬷᬫᬮᬬᬹᬗᬶᬭᬶᬗᬂ᭞ᬫᬩᬋᬗ
ᬦ᭄᭞ᬭᬶᬂᬲᬶᬭᬧᬜ᭄ᬚᬶᬫᬮᬢ᭄ᬓᬸᬂ᭞ᬫᬓᬤᬶᬭᬤᬾᬦ᭄ᬲᭂᬦᭂᬢᬦ᭄᭞ᬗᬮᬶᬗ᭄ᬕᬶᬳᬶᬦ᭄ᬕᬚᬄᬢᬶᬗ᭄ᬕᬶ᭟ᬲᬋᬂᬭᬶᬂᬓᬸᬤᬦᬶᬭᬵᬃᬱᬵ᭞ᬕᬚᬄᬦᬸᬯᬶᬡ᭄ᬥ᭞ᬍᬫ᭄ᬩᬸᬲᬸᬭᬗ᭄ᬕᬦᬫᬮᬶᬄ᭞
[᭗᭒ 72A]
ᬫᬢᭂᬕᬓᬦ᭄ᬕᬚᬄᬧᬢᬸᬄ᭞ᬯᬶᬢ᭄ᬳᬶᬮᬾᬯᬢᭂᬓ᭄ᬫᬜ᭄ᬘ᭞ᬢᬸᬃᬫᬢᬸᬗ᭄ᬕᬮ᭄ᬫᬘᬶᬭᬶᬩᬵᬦ᭄ᬧᬚᭂᬂᬳᬕᬸᬂ᭞ᬭᬫᬾᬳᬸᬕ᭄ᬲᬮᬦ᭄ᬢᬂᬫᬃᬕ᭄ᬕᬵ᭞ᬢᬸᬭᬄᬓᬤᬶᬗᭂᬦ᭄ᬤᭀ
ᬦ᭄ᬭᬰ᭄ᬫᬶᬦ᭄᭟ᬭᬤᬾᬦᬵᬮᬸᬲᬵᬫ᭄ᬧᬸᬦ᭄ᬦᬧᬓ᭄᭞ᬭᬶᬂᬕᭂᬮᭀᬕᭀᬃᬫᬦᬩ᭄ᬤᬩ᭄ᬧᬾᬢᬓ᭄ᬩᭂᬘᬶᬓ᭄᭞ᬲᬂᬧ᭄ᬭᬪᬹᬥᬳᬸᬃᬧᬶᬢᬸᬢᬸᬃ᭞ᬳᬢᬸᬄᬳᬾᬮᬶᬂᬧ᭄ᬭᬫᬜ᭄ᬘ᭞ᬦ᭄ᬤᬶᬭᬶ
ᬦ᭄ᬤᬶᬭᬶᬧᬕᬫ᭄ᬩᭂᬮᬾᬫᬗ᭄ᬥᬵᬓᬸᬓᬸᬄ᭞ᬲᬫᬶᬫᬳᬶᬦᬸᬫᬶᬦᬸᬫᬦ᭄᭞ᬗᬶᬧᬸᬓᬯᬓ᭄ᬢ᭄ᬯᬭᬫᬭᬶ᭟ᬲᬳᬢᬫ᭄ᬩᬸᬃᬕᭀᬂᬫᬰ᭄ᬯᬭ᭞ᬗᬮᬶᬓᬮᬶᬓ᭄ᬫᬸᬜᬶᬦᬾᬫᬗᭂ
ᬫ᭄ᬧᭂᬗᬶᬦ᭄᭞ᬩᬶᬮᬂᬫᬕᬶᬲᬶᬫᬢᬩᬸᬄ᭞ᬲᬫᬶᬮ᭄ᬬᬂᬫᬓᬲᬸᬓᬦ᭄᭞ᬫ᭄ᬯᬄᬳᬸᬘᬧᬂᬲᬂᬭᬢᬸᬲᬦᬾᬫᬕᭂᬩᬸᬕ᭄᭞ᬭᬳᬸᬄᬤᬶᬢᭂᬧᬶᬦᬵᬕᬭ᭞ᬫᬫᭀᬜ᭄ᬚᭀᬓ᭄
Kaca:Bali-lontar-paparikan-malat-01-550ppi.pdf/72
Kaca puniki sampun kauji-wacén
