[᭗᭒ 72B]
᭗᭒
ᬤᬶᬯᬶᬥᬲᬭᬶ᭟ᬓ᭄ᬭᬡᬗ᭄ᬭᬶᬱ᭄ᬝᬤᬾᬰᬤᬾᬰᬵ᭞ᬩ᭄ᬭᬶᬱ᭄ᬝᬕᭂᬫ᭄ᬧᬸᬂᬧᬜᭂᬩᭂᬄᬓᬸᬯᬸᬤᬾᬰᬶ᭞ᬧᬥᬲᬫ᭄ᬩᭂᬄᬮᭀᬮᭀᬲ᭄ᬭᬭᬸᬤ᭄᭞ᬧᬘ᭄ᬭᬸᬯᬾᬢ᭄ᬗᬚᬓ᭄ᬧ᭄ᬬᬦ
ᬓ᭄᭞ᬜᬶᬗᬮ᭄ᬜᬗ᭄ᬓᬶᬮ᭄᭞ᬭᬵᬚᬩ᭄ᬭᬡ᭞ᬳᬤᬗᬤᬸᬢ᭄᭞ᬗᬸᬗ᭄ᬲᬶᬗᬮᬶᬄᬓᬥᬂᬩ᭄ᬭᬬᬵ᭞ᬲᬫᬶᬍᬍᬄᬦᬦ᭄ᬥᬂᬓᬦᬶᬦ᭄᭟ᬧ᭄ᬭᬪᬹᬮᬲᭂᬫ᭄ᬫᬗᬦ᭄ᬥᬶᬓᬵ᭞ᬳᬶ
ᬗ᭄ᬕᬶᬄᬳᬤᬶ᭞ᬲᬧᬸᬦᬶᬓᬶᬫᬦᬄᬩ᭄ᬮᬶ᭞ᬫᬗ᭄ᬥᬵᬫᬮᬭᬧᬦ᭄ᬧᬵᬢᬹᬢ᭄᭞ᬫᬗᬗ᭄ᬕᬾᬥᬃᬫ᭄ᬫᬬᬸᬥᬵ᭞ᬓ᭄ᬦᬶᬲᬵᬫ᭄ᬧᬸᬦ᭄ᬬᬸᬥᬦᬾᬓᬳᬸᬘᬧ᭄ᬭᬸᬲᬸᬄ᭞ᬩᭂᬘᬶᬓ᭄ᬯᬾᬦ᭄ᬢᭂᬦᬂᬯᬘᬡ᭞
ᬧᬗᬦ᭄ᬥᬶᬓᬫᬦᬂᬢᬗᬶᬦ᭄᭟ᬬᬦ᭄ᬫᬮᬶᬄᬧᬶᬤᬦ᭄ᬫᬬᬸᬥᬵ᭞ᬫᬲᬫᬬᬵᬫᬗ᭄ᬥᬧᬢᬾᬓᬦ᭄ᬩᬦᬶᬦ᭄᭞ᬧᬸᬦᬶᬓᬶᬳᬶᬧᬢᬶᬄᬳᬸᬢᬸᬲ᭄᭞ᬲᬋᬂᬳᬶᬤᭂᬫᬸᬂᬫᬚᬮᬦ᭄᭞
[᭗᭓ 73A]
ᬫᬗ᭄ᬭᬳᬸᬳᬶᬦ᭄ᬫᬗᬦ᭄ᬢᭂᬦᬶᬦ᭄᭞ᬦᬦ᭄ᬢᬂᬫᬸᬲᬸᬄ᭞ᬯᬸᬲ᭄ᬧᬸᬧᬸᬢ᭄ᬓᬧᬶᬲᭂᬲᭂᬤᬂ᭞ᬫᬧᬫᬶᬢ᭄ᬭᬭᬶᬲ᭄ᬫᬫᬃᬕ᭄ᬕᬶ᭟ᬲᬳᬧᬫᬶᬢ᭄ᬢᬸᬃᬫᬚᬮᬦ᭄᭞ᬢᬦ᭄ᬓᭀᬘᬧ᭄ᬢᬶᬗ᭄ᬓᬳᬾᬤᬶ
ᬫᬃᬕ᭄ᬕᬶ᭞ᬦ᭄ᬓᭂᬤ᭄ᬤᬶᬕᭂᬮᭀᬕᭀᬃᬲᬵᬫ᭄ᬧᬸᬦ᭄᭞ᬲᬶᬗ᭄ᬳᬶᬢ᭄ᬫᬩᬶᬍᬄᬲᬹᬃᬬ᭄ᬬᬵ᭞ᬰ᭄ᬭᬷᬕᬕ᭄ᬮᬂᬓᬢᬗ᭄ᬓᬶᬮ᭄ᬤᬶᬩᬮᬾᬳᬕᬸᬂ᭞ᬳᬸᬢᬸᬲᬦᬾᬲᬕᬾᬢ᭄ᬢ᭄ᬓᬵ᭞ᬧᬋᬓ᭄ᬫᭂᬧᭂ
ᬲ᭄ᬲᬳᬵᬫᬸᬜᬶ᭟ᬳᬶᬗ᭄ᬕᬶᬄᬭᬢᬸᬰ᭄ᬭᬶᬦᬭᬾᬦ᭄ᬤ᭄ᬭᬵ᭞ᬫᬮᬶᬄᬧᬶᬤᬦ᭄ᬤᬸᬭᬸᬲ᭄ᬫᬗᬗ᭄ᬓᭂᬧᬂᬚᬸᬭᬶᬢ᭄᭞ᬫᬬᬸᬥᬧᭂᬢᬾᬓᬦ᭄ᬢᬢᬸ᭞ᬲ᭄ᬭᬦ᭄ᬢᬧᬶᬲᬦ᭄ᬲᬂᬦᬵᬣ᭞ᬗᬸᬤᬵ
ᬭᬢᬸᬗᬺᬗᭃᬗᭂᬧᭂᬤ᭄ᬳᬫᬸᬓ᭄᭞ᬲᬓᬮᬳᬜᬭᬜᬭᬦ᭄᭞ᬦᬧᬶᬳᬦ᭄ᬢᭀᬲ᭄ᬗᬫᬶᬮᬶᬦ᭄᭟ᬧᬶᬡ᭄ᬥᬵᬗᭂᬓᭂᬲ᭄ᬫᬬᬸᬤ᭄ᬥᬵᬚ᭄ᬭᬶᬳᬵ᭞ᬩᭀᬬᬗᬬᬸᬄᬕ᭄ᬮᬶ
Kaca:Bali-lontar-paparikan-malat-01-550ppi.pdf/73
Kaca puniki sampun kauji-wacén
