[᭘᭑ 81B]
᭘᭑
ᬫᬭᬂᬭᬂᬩᬵᬦ᭄ᬧ᭄ᬭᬥᬫᬳᬗ᭄ᬕᬶᬢ᭄᭞ᬫᬕᭂᬮᬂᬓᬦᬵ᭞ᬫᬢᬢᬄᬧᬢ᭄ᬭᬲᬭᬶ᭞ᬫᬧᬮᬶᬧᬶᬤ᭄ᬩᬵᬦ᭄ᬲᬸᬢ᭄ᬭᬫᬲᬮᬸᬥᬶᬭᬵ᭞ᬫᬓᬯᬘᬲᬸᬢ᭄ᬭᬯᬶᬮᬶᬲ᭄᭞ᬫᬩᬶ
ᬦ᭄ᬢᬂᬩᬵᬦ᭄ᬫᬲ᭄᭞ᬫᬲᭀᬘᬯᬶᬦ᭄ᬢᭂᬦ᭄ᬲᬫ᭄ᬬᬦ᭄᭞ᬧᬢᬶᬢᬶᬲ᭄ᬭᬸᬫ᭄ᬩᬶᬗᬾᬗᭂᬦ᭄ᬤᬶᬄ᭞ᬫᬸᬭᬸᬩ᭄ᬩᬵᬦ᭄ᬭᬢ᭄ᬦᬵ᭞ᬲᬯᬂᬩᬶᬦ᭄ᬢᬂᬤᬶᬮᬗᬶᬢ᭄᭟ᬫᬢᬢ᭄ᬩᬸᬲ᭄ᬩᬵ
ᬦ᭄ᬢ᭄ᬭᬶᬥᬢᬸᬳᬢ᭄ᬫᬵᬭᬓ᭄ᬱᬵ᭞ᬫᬳᬮᬶᬳᬮᬶᬤᬶᬓᬘᬶᬂ᭞ᬳᬦ᭄ᬢᬸᬓ᭄ᬯᬶᬡ᭄ᬥᬸᬲᬭ᭞ᬲᭂᬓᬃᬘᭂᬫ᭄ᬧᬓᬚᭂᬦᬃ᭞ᬕᬶᬲᬶᬲᬶᬫ᭄ᬭᬂᬭᬗ᭄ᬥᬶ᭞ᬳᬸᬦ᭄ᬢᬸᬦᬾᬲᭂᬦ᭄ᬢᬓ᭄᭞ᬗᬸᬮᬾ
ᬮᬫ᭄ᬓᬤᬶᬘᭂᬃᬫ᭄ᬫᬶ᭟ᬬᬦ᭄ᬗᬦ᭄ᬥᬶᬓᬵᬮ᭄ᬯᬶᬃᬗᭂᬫᬸᬕᬸᬮᬤ᭄ᬭᬯᬵ᭞ᬫᬦᬶᬲ᭄ᬚᬸᬭᬸᬄᬫᬫᬹᬃᬢ᭄ᬢᬶ᭞ᬯᬶᬢ᭄ᬩᬕᬸᬲ᭄ᬲᬺᬗ᭄ᬕᬭ᭞ᬜᬫ᭄ᬧᬸᬄᬳᬲᬶᬂᬓᭂᬫᬶᬓᬂ᭞ᬜᬦ᭄ᬥᬂᬧᬺᬧᬸᬢ᭄ᬭᬦ᭄ᬓᬥᬶ
[᭘᭒ 82A]
ᬭᬶ᭞ᬳᬲᬶᬂᬗᬦ᭄ᬢᭂᬦᬂ᭞ᬢᬦᬸᬭᬸᬂᬚᭀᬮᭀᬢ᭄ᬧᬮᬶᬂ᭟ᬧᭀᬮᬶᬄᬬᬸᬱᬯᬳᬸᬲ᭄ᬬᬯ᭄ᬮᬲ᭄ᬢᬶᬩᬦ᭄᭞ᬲᬬᬂᬢ᭄ᬯᬭᬫᬭᬩᬶ᭞ᬢ᭄ᬯᬶᬩᬕᬸᬲ᭄ᬲᬃᬚ᭄ᬚᬯᬵ᭞ᬓᬤᬸᬗᬫᬃᬲ᭄ᬫᬭᬵ᭞ᬓᭂᬜᭂ
ᬓᬦ᭄ᬤ᭄ᬫᭂᬦᬶᬦᬶᬲ᭄ᬢ᭄ᬭᬶ᭞ᬗᬾᬦᬓᬶᬦ᭄ᬭᬲ᭄᭞ᬭᬶᬂᬢᬶᬮᬫ᭄ᬫᬓᬭᬰ᭄ᬫᬶᬦ᭄᭟ᬤᬾᬦ᭄ᬲᭂᬦᭂᬢᬦ᭄ᬫᬯᬲ᭄ᬢ᭄ᬭᬕ᭄ᬭᬶᬗ᭄ᬲᬶᬂᬢᬢᬸᬫ᭄ᬩᬓᬦ᭄᭞ᬫᬲᬧᬸᬢ᭄ᬳᭂᬦ᭄ᬤᭂᬓ᭄ᬯᬶᬮᬶᬲ᭄᭞ᬧᬢ᭄ᬭᬲ
ᬲᭀᬗ᭄ᬮᬾᬢᬦ᭄᭞ᬫᬧᬶᬗ᭄ᬕᭂᬮ᭄ᬓᬾᬭᬶᬓᬦᬦ᭄᭞ᬫᬲᭀᬘᬫᬸᬭᬸᬩ᭄ᬫᬗᭂᬦ᭄ᬤᬶᬄ᭞ᬓᬯᬘᬕᬥᬂ᭞ᬫᬩᬶᬦ᭄ᬢᬂᬲᬓᬶᬂᬚᬯᬶ᭟ᬫᬢᬢᭂᬩᬸᬲ᭄ᬢ᭄ᬭᬶᬥᬢᬸᬢᬡ᭄ᬥᬓᬭᬢ᭄ᬯ
ᬦ᭄᭞ᬧᬢᬶᬢᬶᬲᬾᬗᬾᬤᬦᬶᬦ᭄᭞ᬫᬭᬸᬫ᭄ᬩᬶᬂᬫᬲᭀᬘ᭞ᬲᭂᬓᬃᬘᭂᬫ᭄ᬧᬓᬕᬥᬂ᭞ᬫᬩᬸᬗ᭄ᬓᬸᬂᬫᭂᬮᬄᬤᬶᬢᬸᬤᬶᬂ᭞ᬩᬵᬦ᭄ᬫᬸᬢ᭄ᬬᬭ᭞ᬧᬫᬸᬮᬸᬮᬸᬫ᭄ᬮᬸᬫ᭄ᬕᬥᬶᬂ᭟
Kaca:Bali-lontar-paparikan-malat-01-550ppi.pdf/82
Kaca puniki sampun kauji-wacén
