[᭑᭗᭑ 171B]
᭑᭗᭑
ᬳ᭄ᬬᬸᬦᬶ᭞ᬓᬓᬃᬥᬶᬦᬶᬦ᭄ᬳᬶᬤᬲᬳᬶ᭞ᬓᬢᬶᬭᬸᬦ᭄᭞ᬧᬭᬚᬤ᭄ᬫᬦᬾᬲᬾᬯᭀᬲᬦ᭄᭟᭔᭟ᬧ᭄ᬭᬤᬾᬦᬾᬳᬶᬤᬫᬜᬶᬗᬓ᭄᭞ᬫᬯᬰᬦᬕᬶᬭᬂᬳᬢᬶ᭞ᬜᬶᬗᬓ᭄
ᬳᭀᬓᬦᬾᬧ᭄ᬭᬡᬢ᭞ᬤᭀᬦᬶᬂᬚᬕᬳᬶᬤᬢᬗ᭄ᬓᬶᬮ᭄᭞ᬭᬭᬶᬲ᭄ᬳᬶᬤᬗᬫᬭᬾᬦᬶᬦ᭄᭞ᬭᬶᬂᬲᬂᬯᬶᬪᬷᬱᬡᬢᬸᬳᬸ᭞ᬢᬸᬃᬗᬦ᭄ᬤᬶᬓᬳᬶᬤᬳᬶᬩ᭄ᬬᬂ᭞ᬦᬾᬦ᭄ᬤᬶᬓᬬᬂᬳᬶᬤ
ᬫᬗ᭄ᬓᬶᬦ᭄᭞ᬳᬶᬦ᭄ᬤᬶᬓ᭄ᬳᬶᬓᬸ᭞ᬲᬸᬓᬦᬶᬓᬂᬭᬵᬢ᭄ᬢᬦ᭄ᬮᬶᬬᬦ᭄᭟᭕᭟ᬉᬥᬸᬄᬘᭂᬦᬶᬂᬲᬂᬉᬢ᭄ᬢᬫ᭞ᬓ᭄ᬮᭀᬓ᭄ᬢᬄᬲᬂᬕᬸᬡᬯᬵᬦ᭄ᬚᬵᬢᬶ᭞ᬤᬸᬭᬸᬲ᭄ᬘᬶᬗᬓ᭄ᬘᭂᬦᬶᬂᬘᬶᬗᬓ᭄᭞ᬲᬶᬂ
ᬓᬾᬫᬾᬫᬾᬫᬦᬸᬢᬸᬭᬶᬦ᭄᭞ᬳᬶᬦ᭄ᬤᬶᬓ᭄ᬓᬓᬾᬯᭂᬳᬦ᭄ᬫᬫᬶ᭞ᬦᬾᬗ᭄ᬳᬶᬂᬓᭂᬦᭂᬄᬫᬫᬾᬲᬸᬗ᭄ᬲᬸᬢ᭄᭞ᬲᭂᬤᬶᬄᬫᬶᬯᬄᬓᬵᬗᭂᬦ᭄ᬧᬶᬲ᭄᭞ᬗᬯᬵᬲ᭄ᬧᬤᬳᬶᬓᬂᬪᬹᬫᬶ᭞᭠
[᭑᭗᭒ 172A]
ᬢᬢᬦ᭄ᬮᬸᬧᬸᬢ᭄᭞ᬚᬕᬢ᭄ᬭᬸᬲᬓ᭄ᬓᬲᬗ᭄ᬲᬭᬦ᭄᭟᭖᭟ᬭᬓᬦ᭄ᬘᭂᬦᬶᬂᬳᬶᬭᬄᬯᬡ᭞ᬫᬹᬥᬅᬗ᭄ᬓᬭᬬᬢᬸᬯᬶ᭞ᬫᬶᬯᬄᬫᭀᬫᭀᬓᬤᬢᬦ᭄᭞ᬓᬮᬶᬯᬢ᭄ᬕᭂᬫᭂᬲ᭄ᬤᬶᬳᬵ
ᬢᬶ᭞ᬢᬸᬲᬶᬂᬗᭂᬮᬄᬓᭂᬦᭂᬄᬳᬲᬶᬄ᭞ᬚᬕᬢ᭄ᬲᬫᬶᬦᬦ᭄ᬤᬂᬲᬸᬗ᭄ᬲᬸᬢ᭄᭞ᬓᬲᬓᬶᬢᬶᬦ᭄ᬳᭀᬮᬶᬄᬳᬶᬤ᭞ᬯᬶᬰᬾᬱᬦᬾᬤᭀᬕᬾᬦ᭄ᬧᬱ᭄ᬝᬶ᭞ᬦ᭄ᬢᭀᬓᬧᬸᬘᬸᬓ᭄᭞ᬓᬧᬶᬳᬦ᭄ᬤᭂ
ᬮ᭄ᬦᭀᬭᬮᬾᬦᬦ᭄᭟᭗᭟ᬯᬮᬸᬬᬦ᭄ᬢᭀᬓᬢᬶᬩᬵᬦᬦ᭄᭞ᬦᬵᬕᬭᬦᬾᬓᭂᬦᬘᭂᬢᬶᬓ᭄᭞ᬭᬓᬦ᭄ᬘᭂᬦᬶᬂᬲᬵᬓ᭄ᬱᬵᬢ᭄ᬳᬸᬧᬲ᭄᭞ᬮᬶᬯᬢ᭄ᬲᬗᭂᬢ᭄ᬫᬜᬓᬶᬢᬶᬦ᭄᭞ᬘᭂᬦᬶᬂᬚ
ᬦᬶᬫᬢᬗ᭄ᬕᬸᬳᬶ᭞ᬭᬓᬦ᭄ᬘᭂᬦᬶᬗᬾᬲᬂᬧ᭄ᬭᬪᬸ᭞ᬳᬶᬤᬾᬯᬮᬸᬬᬉᬩᬤ᭄᭞ᬫᬗᬸᬭᬶᬧ᭄ᬚᬕᬢᬾᬲᬫᬶ᭞ᬳᬧᬂᬲᬸᬯᬸᬤ᭄᭞ᬦ᭄ᬢᭀᬚᬕᬢᬾᬓᬲᬓᬶᬢᬦ᭄᭟᭘᭟
Kaca:Bali-lontar-paparikan-ramayana-350ppi.pdf/172
Kaca puniki sampun kauji-wacén
