[᭑᭘᭐ 180B]
᭑᭘᭐
ᬓᬥᬗᬦ᭄᭞ᬫᬸᬲᬸᬄᬳᭂᬦ᭄ᬢᭀᬧᬳᭂᬓ᭄ᬚᬵᬢᬶ᭞ᬫᬓ᭄ᬭᬡᬵᬲᬶᬂᬓᬲᬬᬗᬂ᭞ᬓᬬᬢ᭄ᬦᬳᭀᬮᬶᬄᬲᬂᬧ᭄ᬭᬪᬸ᭞ᬱᬤ᭄ᬭᬶᬧᬹᬦᬶᬓᬓᭂᬚᭀᬳᬂ᭞ᬢᬦ᭄ᬫᬮᬶᬗ᭄ᬕᬶᬄ᭞ᬦ᭄ᬢᭀᬲ
ᬚ᭄ᬭᭀᬦᬶᬂᬧᬓᬳ᭄ᬬᬸᬦᬦ᭄᭟᭑᭓᭟ᬢᬢᬦ᭄ᬪᬱᬾᬂᬰᬢ᭄ᬭᬸᬳᬶᬤ᭞ᬫ᭄ᬯᬄᬢᬦ᭄ᬬᬢ᭄ᬦᬵᬲᬂᬪᬸᬧᬢᬶ᭞ᬭᬶᬂᬧᬶᬢᬺᬱ᭄ᬡᬫᬶᬯᬄᬦᬵᬬ᭞ᬳᬫ᭄ᬩᬸᬮ᭄ᬳᬧᬚᬢᭀᬳᬶᬲᬗᬸ᭞ᬫᬓᬫᬶᬯᬄ᭠
ᬩᬮᬦ᭄ᬳᬶᬤ᭞ᬲᬶᬦᬄᬧᬱ᭄ᬝᬶ᭞ᬤᬤᬶᬫᬸᬲᬸᬄᬢᭀᬫᬓᭂᬚᬂ᭟᭑᭔᭟ᬦᬾᬓᬢᬗᬭᬶᬦ᭄ᬲᬢᬢ᭞ᬢᬦ᭄ᬚᬵᬳᬶᬤᬫᬗᬃᬥᬶᬦᬶᬦ᭄᭞ᬧᬘᬂᬫᬗᬾᬱ᭄ᬝᬶᬧᬧ᭄ᬭᬗᬦ᭄᭞᭠
ᬬᬦ᭄ᬢᬦ᭄ᬫᬧᬓᭀᬮᬶᬄᬳᬬᬸ᭞ᬬᬤ᭄ᬬᬲ᭄ᬢᬸᬦ᭄ᬫᬫᬗ᭄ᬕᬶᬄᬮᬪ᭞ᬚᬵᬢᬶᬲᬸᬮᬶᬢ᭄᭞ᬫᬓᭀᬮᬶᬳᬂᬳᬦ᭄ᬢᬸᬓ᭄ᬬᬸᬤ᭄ᬥ᭟᭑᭕᭟ᬲᬶᬂᬚᬬᬸᬤ᭄ᬟᬦᬾᬤᭀᬕᬾᬦᬦ᭄᭞ᬳᬶ᭠
[᭑᭘᭑ 181A]
ᬤᬲᬦᬾᬓᬩᬯᭀᬲᬶᬦ᭄᭞ᬬᬤ᭄ᬬᬲ᭄ᬢᬸᬦ᭄ᬫᬓᬓᬲᬶᬳᬦ᭄᭞ᬢᬍᬃᬓᬬᬢ᭄ᬦᬲᬂᬧ᭄ᬭᬪᬸ᭞ᬤᭀᬦᬶᬂᬳᭂᬦ᭄ᬢᭀᬢᬸᬲᬶᬂᬲᬶᬦᬄ᭞ᬨᬮᬩᭂᬘᬶᬓ᭄᭞ᬤᬶᬄᬓᬾᬦ᭄ᬓᬾᬦᬾᬳᬮ
ᬢᭂᬓ᭟᭑᭖᭟ᬤᬶᬢᬸᬓᬚᬤᭂᬗᬶᬦ᭄ᬳᬶᬤ᭞ᬓᬭᬶᬳᬶᬤᬗᬦ᭄ᬢᭀᬲ᭄᭠ᬫᬗ᭄ᬓᬶᬦ᭄᭞ᬗᬋᬋᬄᬮᬶᬗ᭄ᬕᬶᬄᬉᬢᬫ᭞ᬬᬾᬦᬶᬂᬓᬲᬮᬦ᭄ᬲᬂᬧ᭄ᬭᬪᬸ᭞ᬫᬬᬸᬥᬵᬫ
ᬓᬓᬲ᭄ᬬᬦ᭄᭞ᬲᬶᬦᬄᬧᬲ᭄ᬢᬶ᭞ᬢᬢᬸᬚᭀᬦᬾᬢᬦ᭄ᬧᬨᬮ᭟᭑᭗᭟ᬫᬓ᭄ᬭᬡᬭᬶᬲᬂᬫᬫ᭄ᬯᬢᬂ᭞ᬫᬧᬶᬓᭀᬮᬶᬄᬭᬶᬂᬲᬂᬫᬯ᭄ᬬᬤᬶ᭞ᬧᬯᬶᬯᬾᬓᬦᬾᬓᬫᬃᬕ᭠
ᬬᬂ᭞ᬳᬗ᭄ᬕᬾᬦ᭄ᬫᬗᬋᬧᬶᬦ᭄ᬰᬢ᭄ᬭᬸ᭞ᬳᭂᬦ᭄ᬢᭀᬳᬦᬾᬓᬋᬫ᭄ᬩᬬᬂ᭞ᬲᬂᬪᬸᬧᬢᬶ᭞ᬅᬲᬶᬂᬫᬫᬾᬢ᭄ᬓᬭᬳᬚᭂᬗᬦ᭄᭟᭑᭘᭟ᬓᬾᬢᭀᬳᭂᬦ᭄ᬢᭀᬲᬂᬧ᭄ᬭᬚ᭄ᬜᬦ᭄
Kaca:Bali-lontar-paparikan-ramayana-350ppi.pdf/181
Kaca puniki sampun kauji-wacén
