[᭕᭕ 55B]
᭕᭕
ᬳᬢᬵᬧᬦ᭄᭞ᬲᬵᬦ᭄ᬢᬸᬓᬦ᭄ᬲ᭄ᬯᬾᬘ᭄ᬙᬲᬂᬫᬸᬦᬶ᭟᭒᭟ᬫᬮᬜ᭄ᬘᬭᬦ᭄ᬳᬶᬤᬭᬶᬂᬳᬮᬲ᭄ᬧᬢᬵᬧᬦ᭄᭞ᬓᬢᬫ᭄ᬬᬸᬳᬶᬤᬢᬦ᭄ᬫᬭᬶ᭞ᬤᬾᬲᬂᬫᬸᬦᬶᬯᬵᬭ᭞ᬳᬸᬩᬶᬮ
ᬦ᭄ᬩᬸᬯᬄᬩ᭄ᬯᬳᬦ᭄᭞ᬧᬇᬘ᭄ᬙᬦ᭄ᬲᬂᬫᬳᬵᬫᬸᬦᬶ᭞ᬦᬶᬓᬓᬵᬚᭂᬗᬂ᭞ᬳᬶᬤᬭᬶᬗᬮᬲᬾᬲᬳᬶ᭟᭓᭟ᬓᬢᬸᬚᬸᬯᭂᬗᬶᬧᬸᬦᬶᬓᬲᬵᬫ᭄ᬧᬸᬦ᭄ᬢᭂᬓ᭞ᬲᬶᬋᬧ᭄ᬳᬶᬤᬦᬾ
ᬦᬾᬫᬗ᭄ᬓᬶᬦ᭄᭞ᬳᬶᬭᬶᬓᬭᬶᬂᬳᬮᬲ᭄᭞ᬓᭂᬮᬲᬦᬶᬤᬧᬸᬦᬶᬓ᭞ᬫᬓᬤᬶᬤᭀᬦ᭄ᬓᬬᬸᬯ᭄ᬬᬓ᭄ᬢᬶ᭞ᬧᬓᬳ᭄ᬬᬸᬦ᭄ᬳᬶᬤ᭞ᬧᬕᭂᬄᬫᬩ᭄ᬭᬢᬦ᭄ᬫᬭᬶ᭟᭔᭟ᬓᬮᬭᬳᬶ
ᬦᬫᬳᬲ᭄ᬳᬶᬤᬭᬶᬂᬳᬮᬲ᭄᭞ᬢᬍᬃᬳᬶᬤᬓᬓᬃᬥᬶᬦᬶᬦ᭄᭞ᬲᬫ᭄ᬩᬶᬮ᭄ᬫ᭄ᬩᬸᬭᬸᬓᭂᬦᬲ᭄᭞ᬳᬓᬾᬄᬩᬸᬭᭀᬦ᭄ᬓᬧᬵᬥᭂᬫᬂ᭞ᬇᬭᬶᬓᬭᬶᬗᬮᬲ᭄ᬯ᭄ᬬᬓ᭄ᬢᬶ᭞ᬓ
[᭕᭖ 56A]
ᬗ᭄ᬕᬾᬦ᭄ᬗᬲ᭄ᬢᬯ᭞ᬳᬦ᭄ᬢᬸᬓ᭄ᬳᬶᬤᬲᬳᬶᬲᬳᬶ᭟᭕᭟ᬯᬶᬓᬸᬧᬡ᭄ᬥᬶᬢᬳᬸᬦᬶᬂᬭᬶᬂᬤᬕᬶᬂᬯᬿᬤ᭞ᬲᬜ᭄ᬚᬦ᭄ᬫᬮᬮᬶᬮᬮᬶ᭞ᬭᬶᬓᬭᬶᬂᬧᬰ᭄ᬭᬫᬦ᭄᭞ᬓᬤᬫ᭄ᬬᬸᬳᬶᬤᬳᬶᬭᬶ
ᬓ᭞ᬳᭀᬮᬶᬄᬲᬂᬭᬵᬫᬦᬾᬫᬗ᭄ᬓᬶᬦ᭄᭞ᬳᬚᭂᬗᬦ᭄ᬳᬶᬤ᭞ᬮᬸᬗ᭄ᬲᬸᬭᬦ᭄ᬳᬶᬤᬲᬂᬢᬫ᭄ᬯᬶ᭟᭖᭟ᬫᬭᬹᬧᬯᬶᬓᬹᬳᬶᬦ᭄ᬤᬶᬓ᭄ᬳᬶᬤᬭᬶᬗᬮᬲ᭄᭞ᬲᬧᬸᬦᬶᬓᬳᬶᬤᬚᬵᬢᬶ᭞
ᬧᬥᬓᬰᬦ᭄ᬢᭀᬰ᭞ᬳᬶᬧᬸᬜᬦ᭄ᬓᬬᬸᬧᬸᬦᬶᬓ᭞ᬲᬃᬕᬦ᭄ᬳᬶᬤᬦᬾᬓᬲ᭄ᬬᬲᬶᬄ᭞ᬳᬗ᭄ᬕᬾᬦ᭄ᬧᬬᬸᬩᬦ᭄᭞ᬭᬶᬓᬢᬸᬚᬸᬧᬦᭂᬲ᭄ᬯ᭄ᬬᬓ᭄ᬢᬶ᭟᭗᭟ᬮᬓ᭄ᬱᬡᬦ᭄
ᬳᬶᬤᬧᬡ᭄ᬥᬶᬢᬓᬓᬦ᭄ᬢᭂᬦᬂ᭞ᬦᬗ᭄ᬳᬶᬂᬲᬜ᭄ᬚᬢᬧᬸᬦᬶᬓᬶ᭞ᬢᬦ᭄ᬦᬳᬦᬶᬦ᭄ᬩᭂᬮ᭠ᬲ᭄᭞ᬓᬭᬳᬬ᭄ᬯᬦ᭄ᬲᬂᬧᬡ᭄ᬥᬶᬢ᭞ᬫᬓᬩ᭄ᬯᬢᬦ᭄ᬜᬾᬚᬢᬶ᭞ᬓ᭄ᬭᬫᬦ᭄ᬲᬂᬯᬶᬸᬲ
Kaca:Bali-lontar-paparikan-ramayana-350ppi.pdf/56
Kaca puniki sampun kauji-wacén
