[᭘᭐ 80B]
᭘᭐
ᬦᬾᬫᬮᬸ᭞ᬳᬤᬶᬲᬸᬢᬶᬦ᭄ᬤᬶᬄᬫᬭᬓ᭞ᬧ᭄ᬭᬤᬾᬦᬾᬲᭂᬗ᭄ᬓᬮᬚᬦᬶ᭞ᬢᬸᬲᬶᬂᬦᬸᬮᬸᬂ᭞ᬮᬶᬯᬢ᭄ᬮᭂᬢᬸᬄᬳᬤᬶᬦᬶᬱ᭄ᬝᬵ᭟᭒᭟ᬢᬳᬸᬫ᭄ᬩᭀᬓ᭄ᬩᬸᬯᬢ᭄ᬧᬸᬦᬶᬓ᭞ᬓᭂᬦᭂᬄ
ᬳᬤᬶᬳᬶᬭᬶᬳᬢᬶ᭞ᬦᭀᬭᬳᬬᬸᬭᬶᬂᬫᬦᬄ᭞ᬤ᭄ᬭᭀᬯᬓᬳᬤᬶᬭᬶᬂᬩᭂᬮᬶ᭞ᬓᭂᬦᭂᬄᬳᬤᬶᬫᭂᬜᭂᬢ᭄ᬮᬮᬶᬲ᭄᭞ᬓᬤᬳᬢᬦ᭄ᬧᭂᬲᬦ᭄ᬍᬢᬸᬄ᭞ᬫᬸᬯᬄᬆ
ᬢᬶᬰᬬᬦᬶᬲ᭄ᬢᬵ᭞ᬢᭀᬲ᭄ᬭᬖᬸᬯᬗ᭄ᬰᬧᬸᬦᬶᬓᬶ᭞ᬯᭂᬦᬂᬧᬸᬭᬸᬦ᭄᭞ᬦᬭᬓᬵ᭠ᬮᬗ᭄ᬖ᭄ᬬᬭᬶᬂᬭᬓ᭟᭓᭟ᬫᬵᬧ᭄ᬢᭂᬓᬾᬦ᭄ᬳᬶᬤᬭᬵᬫ᭞ᬓᬾᬦᬾᬳᭂᬦ᭄ᬢᭀᬓᭂᬦᭂᬄᬳᬤᬶ
᭞ᬬᬾᬦᬶᬂᬫᬢᬶᬩᬓᬦ᭄ᬳᬶᬓᬶᬤᬂ᭞ᬲᬗᭂᬢ᭄ᬓᬲᬵᬥ᭄ᬬᬬᬂᬕᬢᬶ᭞ᬍᬯᬶᬄᬓᬾ᭠ᬳᬕ᭄ᬬᬦᬂᬫᬢᬶ᭞ᬤᬾᬯᬾᬓᬾᬫᬦᬤᬶᬲᬶᬮᬸᬃ᭞ᬳᬶᬲᬶᬢᬥᬾᬯᬾᬓᬾᬗ᭄ᬯᬱ᭞
[᭘᭑ 81A]
ᬜᬾᬦ᭄ᬜᭂᬦ᭄ᬮᬓᬃᬗᬦ᭄ᬢᬶᬦᬶᬦ᭄᭞ᬲᬶᬂᬮᬾᬦ᭄ᬳᬓᬸ᭞ᬓᭂᬦᭂᬄᬳᬤᬶᬓᬾᬢᭀᬲᬶᬦᬄ᭟᭔᭟ᬦᬶᬱ᭄ᬝᬢᬸᬃᬩᭂᬮᭀᬕ᭄ᬮᬓ᭄ᬱ᭄ᬫᬡ᭞ᬭᬲᬳᬤᬶᬓᭂᬦᭂᬄᬫᬫᬶ᭞ᬤᬸᬤᬹᬲᬶᬥᬫ
ᬫ᭄ᬩᭂᬓ᭄ᬘᭀᬭᬄ᭞ᬫᬢᬦ᭄ᬓᬸᬮᬓᬃᬦᬶᬫ᭄ᬧᬮᬶᬦ᭄᭞ᬓᬾᬢᭀᬓᬧᬶᬦᭂᬄᬩᬵᬦ᭄ᬳᬤᬶ᭞ᬰ᭄ᬯᬫᬶᬮᬾᬦ᭄ᬲᬶᬂᬓᭂᬦᭂᬳᬂᬓᬸ᭞ᬫᬫᭂᬲᬶᬓ᭄ᬓᬾᬯᬮᬳᬶᬤ᭞ᬳᬦᬾᬢᬸᬯᬄᬫ᭄ᬩᭀ᭠
ᬓ᭄ᬳᬬᬳᬶᬦ᭄᭞ᬓᭂᬦᬶᬲᬵᬫ᭄ᬧᬸᬦ᭄᭞ᬯᬦ᭄ᬢᬄᬳᬶᬤᬲᬂᬭᬖᬯ᭟᭕᭟ᬬᬦ᭄ᬢᬦ᭄ᬲ᭄ᬯᬾᬘᬳ᭄ᬬᬂᬤᬾᬯᬢ᭞ᬭᬶᬲ᭄ᬲᬾᬤᬲᬂᬲᬶᬯᬶ᭞ᬲᬂᬭᬵᬫᬓᬲᭀᬭᬶᬂᬬᬸ
ᬤ᭄ᬟ᭞ᬓᬧᬕᬸᬢ᭄ᬩᬵᬦ᭄ᬓᬶᬤᬂᬚᬦᬶ᭞ᬓᬢᬸᬕᭂᬮ᭄ᬳᭂᬫ᭄ᬩᭀᬓ᭄ᬧ᭄ᬭᬚᬦᬶ᭞ᬩᬯᭀᬂᬫ᭄ᬩᭀᬓᬾᬧᬘᬂᬓᬸᬢᬸᬂ᭞ᬫ᭄ᬩᭀᬓ᭄ᬫᬮᬩᬸᬄᬕ᭄ᬦᬶᬫᬸᬯᬄ᭞ᬳᭂᬫ᭄ᬩᭀᬓ᭄ᬲᬤ᭄ᬬᬮ᭠
Kaca:Bali-lontar-paparikan-ramayana-350ppi.pdf/81
Kaca puniki sampun kauji-wacén
