Kaca puniki sampun kauji-wacén
[᭘᭕ 85B]
᭘᭕
᭑᭓᭟ᬧᬭᬧᬸᬢ᭄ᬭᬦ᭄ᬲᬶᬭᬳᬶᬤ᭞ᬧᬸᬦᬶᬓᬳᬶᬤᬲᬂᬰ᭄ᬯᬫᬶ᭞ᬓᬮᬶᬯᬢ᭄ᬓᬩᬶᬲᬦ᭄ᬳᬶᬤ᭞ᬳᬸᬦ᭄ᬤᬸᬓᬾᬶᬤᬾᬯᬤᬶᬦᬶ᭞ᬤᬶᬧᬢᬧᬦ᭄ᬲᬸᬓᭂᬢ᭄ᬚᬵᬢᬶ᭞ᬓᬩ
ᬢᭂᬓ᭄ᬩᬵᬦ᭄ᬳᬶᬤᬢᬓᬸᬢ᭄᭞ᬧᬤᬳᬦᬓ᭄ᬳᬦᬾᬮᬾᬦᬦ᭄᭞ᬫᬦᬗᬮᬶᬦ᭄ᬭᬕᬦ᭄ᬳᬤᬶ᭞ᬓ᭄ᬭᬡᬜᬸᬲᬸᬧ᭄᭞ᬦᭀᬗᭀᬲ᭄ᬤᬶᬦᬶᬭᬶᬂᬧᬰ᭄ᬭᬫᬦ᭄᭟᭑᭔᭟ᬲᬂᬭᬵᬄ
ᬯᬡᬲᬧᬸᬦᬶᬓ᭞ᬧᬗᬦ᭄ᬤᬶᬓᬦ᭄ᬳᬶᬤᬯ᭄ᬬᬓ᭄ᬢᬶ᭞ᬮᬾᬤᬂᬳᬶᬤᬫᬯᬘᬦ᭞ᬲᬂᬲᬶᬢᬚᭂᬚᭂᬧ᭄ᬭᬶᬂᬳᬢᬶ᭞ᬳᬸᬮᬶᬳᬦ᭄ᬳᬶᬤᬓᬧᬹᬚᬶ᭞ᬳᬶᬤᬭᬸᬫᬭᬲ᭄ᬭᬶᬂᬓᬬᬸᬦ᭄
ᬩᬸᬮᬸᬦ᭄ᬢᭂᬗ᭄ᬓᬸᬓ᭄ᬳᬶᬤᬚᭂᬭᬂ᭞ᬫᬭᬲᬚᭂᬚᭂᬄᬭᬶᬗ᭄ᬳᬢᬶ᭞ᬭᬭᬶᬲ᭄ᬫᬵᬢᬹᬃ᭞ᬗᬸ᭠ᬦᬶᬗᬂᬲᬂᬰ᭄ᬯᬫᬶᬦ᭄ᬳᬶᬤ᭟᭑᭕᭟ᬯᬾᬦ᭄ᬢᭂᬦ᭄ᬫᬯᬱ᭄ᬝᬲᬂᬭᬵᬫ᭞ᬳᭀᬓᬦ᭄ᬤᬰᬭᬣ
[᭘᭖ 86A]
ᬧᬢᬶ᭞ᬫᬯᬶᬰᬾᬱᬢᬦ᭄ᬧᬧᬥ᭞ᬳᬶᬤᬧᬸᬦᬶᬓᬬᬳᬶᬦ᭄᭞ᬲᬢ᭄ᬭᬶᬬᭀᬯᬶᬰᬾᬱᭀᬢ᭄ᬢᬫᬶ᭞ᬲᬸᬪᬓ᭄ᬢᬶᬭᬶᬂᬬᬬᬄᬳᬶᬩᬸ᭞ᬳᬶᬗᬶᬭᬶᬂᬲᬶᬂᬦ᭄ᬤᬶᬓᬬᬂ᭞ᬲ
ᬓᬝᬳᬶᬂᬫᬳᬵᬫᬸᬦᬶ᭞ᬧ᭄ᬭᬡ᭄ᬥᬧᬸᬢᬸᬲ᭄᭞ᬳᬶᬤᬗᭂᬫᬶᬢ᭄ᬭᬶᬂᬧᬢᬵᬧᬦ᭄᭟᭑᭖᭟ᬲᬓᬜ᭄ᬘᬦ᭄ᬓᬜ᭄ᬘᬦ᭄ᬧᬸᬦᬶᬓ᭞ᬫᭂᬲᭂᬄᬳᬶᬤᬫᬳᬵᬫᬸᬦᬶ᭞ᬓᬧᬵᬥᭂ
ᬫᬂᬳᬦ᭄ᬢᬸᬓ᭄ᬳᬶᬤ᭞ᬗᬲᭀᬭᬂᬚᬫᬥᬵᬕᭂᬦᬶ᭞ᬭᬶᬂᬲᬫᬭᬳᬶᬤᬢᬸᬯᬶ᭞ᬗᭂᬫᬶᬢ᭄ᬳᬶᬤᬧ᭄ᬭᬡ᭄ᬥᬳᬕᬸᬂ᭞ᬭᬶᬓᬮᬳᬶᬤᬫᬳᭀᬫ᭞ᬮᬸᬗ᭄ᬳᬳᬶᬤᬓᬯᬤᬕᬶ
ᬭᬶ᭞ᬲᬓᬶᬂᬢᬸᬳᬸ᭞ᬪᬓ᭄ᬢᬶᬳᬶᬤᬭᬶᬂᬭᬭᬵᬫ᭟᭑᭗᭟ᬭᬯᬸᬳᬾᬳᬶ᭠ᬤᬭᬶᬂᬗ᭄ᬳᬮᬲ᭄᭞ᬇᬭᬶᬓᬯᬾᬦ᭄ᬢᭂᬦ᭄ᬓᬧᬗ᭄ᬕᬶᬄ᭞ᬳᬶᬭᬵᬓ᭄ᬱᬲᬲᬳᬲᬶᬓ᭞
