[᭒᭓ 23B]
᭒᭓
ᬳᬸᬂᬳᬶᬩᬗᭂᬫᬲᬶᬦ᭄᭞ᬚᬦᬶᬢᬳᬦᬂ᭞ᬧᬶᬓᭀᬮᬶᬄᬳᬶᬩᬦᬾᬩᬦᬶ᭟ᬲᬶᬦᬄᬳᬶᬩᬚᬦᬶᬮᬓᬃᬫᬦᭂᬫᭀᬓᬂ᭞ᬲᬗ᭄ᬲᬭᬗᬫᬲᬶᬦ᭄ᬫᬢᬶ᭞ᬢᬹᬃᬓᬕᭂᬮᬵᬕᭂᬮᬵ᭞
ᬳᬸᬧᬄᬳᬶᬩᬦᬾᬧᬂᬧᬂ᭞ᬓᬭᬹᬤ᭄ᬭᬦ᭄ᬓᬳᬶᬦᬾᬍᬯᬶᬄ᭞ᬦᬾᬚᬦᬶᬢ᭄ᬭᬶᬫ᭞ᬭᬸᬭᬸᬗ᭠ᬦ᭄ᬳᬶᬩᬦᬾᬫᬢᬶ᭟ᬲᬧᬸᬦᬶᬓᬭᬯᭀᬲ᭄ᬳᬶᬤᬲᬗ᭄ᬳ᭄ᬬᬂᬰᬶᬯ᭄ᬯ᭞ᬭᬶᬂᬓᬬᬸᬦ᭄ᬳᬶᬤᬗ᭠
ᬮᬶᬫᬶᬤ᭄᭞ᬢᬹᬃᬫᬮᬶᬄᬓᬧᬦᬄ᭞ᬳᬦ᭄ᬢᬸᬓ᭄ᬳᬶᬤᬲᬗ᭄ᬳ᭄ᬬᬂᬲ᭄ᬫᬭ᭞ᬫᬯᭂᬯᭂᬄᬩᭂᬦ᭄ᬤᬸᬦᬾᬫᬗ᭄ᬓᬶᬦ᭄᭞ᬗᬤᭂᬕ᭄ᬫᬕᬶᬩ᭄ᬭᬲ᭄᭞ᬧᬺᬫᬗ᭄ᬓᬶᬦ᭄ᬳᬶᬤᬫᬫᬹᬃᬢ᭄ᬢᬶ᭟ᬕᭂᬤᬾᬕᬗ᭄ᬕᬲ᭄ᬭᬕᬦᬾ
ᬓᬪᬶᬦᬪᬶᬦ᭞ᬳᬳᬾᬂᬧᬶᬲᬦ᭄ᬫᬜᭂᬚᭂᬳᬶᬦ᭄᭞ᬲᬫ᭄ᬧᬸᬦ᭄ᬫᬩᬳᬶᬭᬯ᭞ᬗ᭄ᬭᬕᬬᬂᬭᬹᬤᬺᬓᬮ᭞ᬢᭂᬕᭂᬳᬾᬫᬢᭂᬗᬄᬮᬗᬶᬢ᭄᭞ᬳᬲᬶᬂᬗᬦ᭄ᬢᭂᬦᬂ᭞ᬓᬫᭂᬫᭂᬕᬦ᭄ᬧᬥᬚ᭄ᬭᬶᬄ᭟
[᭒᭔ 24A]
᭒᭔
ᬰᬶᬭᬄᬮᬮᬶᬫᬭᬫ᭄ᬩᬸᬢᬾᬕᭂᬮ᭄ᬕᭂᬮ᭄ᬜ᭄ᬭᬫ᭄ᬩᬶᬬᬄ᭞ᬧᬗᬓ᭄ᬱᬶᬦ᭄ᬳᬶᬤᬦᬾᬗᭂᬦ᭄ᬤᬶᬄ᭞ᬓᬤᬶᬲᬹᬃᬬ᭄ᬬᬓᭂᬫ᭄ᬩᬃ᭞ᬘᬗ᭄ᬓᭂᬫᬾᬓᬤᬶᬕᭀᬯ᭞ᬮᬶᬗ᭄ᬕᬄᬜᬦᬾᬫᬜᭂᬚᭂᬳᬶᬦ᭄᭞ᬢᬗᬦ᭄
ᬧᬕ᭄ᬭᬶᬬᬫ᭄᭞ᬲᬶᬬᬸᬳᬓᬾᬄᬜᬯᬶᬬᬓ᭄ᬢᬶ᭟ᬘᬮᬶᬂᬭᬾᬗ᭄ᬕᬄᬘᭀᬓᭀᬃᬓᬤᬶᬩᬸ᭠ᬓᬶᬢ᭄ᬓᭂᬫ᭄ᬩᬃ᭞ᬭᬕᬦᬾᬫᬩᬸᬮᬸᬩ᭄ᬭᬶᬲ᭄᭞ᬓᬤᬶᬕᬸᬍᬫ᭄ᬜ᭄ᬭᬫ᭄ᬩᬶᬬᬄ᭞ᬢᬦ᭄ᬪᬶᬦᬓᬮᬦ᭄ᬢᬓᬵ
ᬯᬃᬡ᭄ᬦᬦ᭄ᬳᬶᬤᬳ᭄ᬬᬂᬧᬺᬫᬾᬱ᭄ᬝᬶ᭞ᬮᬶᬦᬸᬄᬲᬚᬕᬢ᭄᭞ᬳᬗᬶᬦ᭄ᬲ᭄ᬮᬳᬸᬂᬫᬦ᭄ᬤᬸᬮᬸᬭᬶᬦ᭄᭟ᬕᬾᬜ᭄ᬚᬂᬕᬾᬜ᭄ᬚᭀᬂᬚᬕᬢᬾᬲᭂᬤᭂᬓ᭄ᬫᬫᬃᬕ᭄ᬕ᭞ᬭᬱᬭᬸᬲᬓ᭄ᬧᬺᬫᬗ᭄ᬓᬶᬦ᭄᭞ᬧᭂᬢᭂᬂᬫᬳᬸ᭠
ᬍᬗᬦ᭄᭞ᬫᬶᬭᬶᬩ᭄ᬓᬮᬶᬲᬗᬭ᭞ᬧᬘᬂᬗ᭄ᬭᬸᬲᬓ᭄ᬚᬕᬢ᭄ᬲᬫᬶ᭞ᬳᬶᬤᬳ᭄ᬬᬂᬲ᭄ᬫᬭ᭞ᬭᬭᬶᬲ᭄ᬳᬶᬤᬫᬗᬸᬮᬧᬶᬦ᭄᭟ᬯᬢᭂᬓ᭄ᬤᬾᬯᬢᬫᬓᬤᬶᬦ᭄ᬜᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭞ᬮᬦ᭄ᬪᬕ᭠
