[᭒᭖ 26B]
᭒᭖
ᬗ᭄ᬲᬭ᭟ᬓᬮᬗ᭄ᬓᬸᬂᬫᬦᬦ᭄ᬤᬂᬲᬓᬶᬢ᭄᭞ᬓᬯᭂᬯᭂᬳᬶᬦ᭄ᬩᬳᬦ᭄ᬢ᭄ᬭᬶᬰᬹᬮ᭞ᬲᬫ᭄ᬧᬸᬦ᭄ᬲᬾ᭠ᬤᬳᬶᬤᬋᬓᭀ᭞ᬳᬢ᭄ᬫᬦᬾᬲᬫ᭄ᬧᬸᬦ᭄ᬫᬍᬲᬢ᭄᭞ᬲᬤᬶᬳᭀᬢ᭄ᬓ᭄ᬭᬦ᭄ᬢᬶᬦᬾᬓᬫ᭄ᬩᬄ᭞ᬫᬃᬕ᭄ᬕ
ᬧᬺᬮᬶᬡᬦᬾᬧᬸᬧᬸᬢ᭄᭞ᬦᬶᬃᬯ᭄ᬯᬦᬦᬾᬓᬳᭂᬜ᭄ᬘᭂᬧᬂ᭟ᬬᬤᬶᬦ᭄ᬢᬦ᭄ᬧᬘᬂᬫᬧᬗ᭄ᬕᬶᬄ᭞ᬗᬮᬮᬸᬭᬶᬂᬓᬬᬸᬦ᭄ᬳᬶᬤ᭞ᬬᬤᬶᬦ᭄ᬧᬘᬂᬗᬸᬧᭂᬢᬶᬦᬾ᭞ᬭᬶᬂᬲᬫ᭄ᬧᬸᬦ᭄ᬳᬶᬤᬦ᭄ᬤᬾᬯᬢ᭞ᬳᬸᬬᬸ
ᬢ᭄ᬫᬩᬶᬬᬬᬸᬳᬦ᭄᭞ᬲᬤᬕᬶᬂᬧᬭᬓᬸᬮᬗᬸᬦ᭄᭞ᬤᬸᬄᬓᬶᬢᬭᬯᬸᬄᬲᬫᬶᬳᬦ᭄᭟ᬓᬲᬗᬵᬮᬦ᭄ᬓᬧᬢ᭄ᬫᬮᬶᬄ᭞ᬓᬤᬰᬢᭂᬓᬫᬶᬥᭂᬭ᭞ᬓᬮᬭᬦ᭄ᬓᭂᬭᬸᬕ᭄ᬜᬳᬮᭀᬦ᭄᭞ᬫᬶ᭠
ᬭᬶᬩ᭄ᬮᬶᬂᬜᬦᬾᬓᭀᬘᬧ᭄᭞ᬲᭂᬓᬭᬾᬫᬧᬸᬮᬶᬲᬳᬦ᭄᭞ᬗᬸᬮᬾᬧᬢ᭄ᬳᬗᬶᬦᬾᬦᭂᬫ᭄ᬧᬸᬄ᭞ᬫᬶᬭᬶᬩ᭄ᬳᭂᬗ᭄ᬲᭂᬓ᭄ᬫᬧᬗᭂᬦᬦ᭄᭟ᬢᬥᬳᬲᬶᬄᬗᬲᬶᬄᬳᬲᬶᬄ᭞ᬫᬓᭂᬩᭂᬃᬬᬫᬳᬶᬍ
[᭒᭗ 27A]
᭒᭗
ᬳᬦ᭄᭞ᬫᬶᬭᬶᬩ᭄ᬫᬲᬫ᭄ᬩᬢᬦ᭄ᬋᬓᭀ᭞ᬘᬫᬭᬢᬾᬓᭀᬫᬸᬜ᭄ᬘᬸᬓ᭄ᬜ᭞ᬮᬬᬸᬫᬲ᭄ᬭᬯᬾᬳᬦ᭄᭞ᬫᬶᬭᬶᬩ᭄ᬳᬶᬧᬸᬦ᭄ᬲᭂᬤᬶᬄᬗᬸᬦ᭄ᬗᬸᬦ᭄᭞ᬳᬸᬚᬦᬾᬫᬶᬭᬶᬩ᭄ᬬᬾᬄᬫᬢ᭟ᬲᬫᬶᬫᬶ
ᬭᬶᬩ᭄ᬫᬗ᭄ᬭᬸᬭᬸᬩᬶᬦ᭄᭞ᬓᬸᬮᬗᬸᬦᬦᬾᬭᬶᬂᬳᬮᬲ᭄ᬧᬶᬲᬗᬾᬭᬶᬂᬚᬸᬭᬂᬋᬓᭀ᭞ᬗ᭠ᬢᬸᬭᬂᬤᭀᬦ᭄ᬢᬮᬸᬚᬸᬗᬦ᭄᭞ᬧᬓ᭄ᬱᬶᬢᬶᬢᬶᬭᬦ᭄ᬫᬰ᭄ᬯᬭ᭞ᬫᬳᬶᬭᬶᬩ᭄ᬳᬶᬧᬸᬦ᭄ᬫᬓᬶᬤᬸᬂ᭞ᬓᬬᬸ᭠
ᬦᬾᬭᬾᬕᬾᬲ᭄ᬫᬲᬢ᭄ᬬ᭟ᬕᬥᬸᬂᬮᬬᬸᬢᭂᬫ᭄ᬧᬸᬄᬳᬗᬶᬦ᭄᭞ᬧᬜ᭄ᬘᭀᬭᬦ᭄ᬜᭂᬩᬸᬭᬶᬦ᭄ᬚᬸᬭᬂ᭞ᬩᬸᬦ᭄ᬯᭂᬮᬲᬲᬶᬳᬾᬋᬓᭀ᭞ᬲᬫᬶᬳᬦ᭄ᬫᬶᬭᬶᬩ᭄ᬫᬲᬢ᭄ᬬ᭞ᬤᬶᬢᬸᬤᬶᬢᭂᬗᬳᬶᬂᬳᬮᬲ᭄
ᬓᭀᬘᬧ᭄ᬲᬗ᭄ᬳ᭄ᬬᬂᬰᬣᬓᬺᬢᬸ᭞ᬫᬶᬯᬄᬧᬵᬡ᭄ᬥᬶᬢᬲᬫᬶᬳᬦ᭄᭟ᬤᬾᬯᬢᬦᬾᬲᬫᬶᬚᭂᬭᬶᬄ᭞ᬜᬶᬗᬓ᭄ᬳᬶᬤᬲᬗ᭄ᬳ᭄ᬬᬂᬭᬹᬤᬺ᭞ᬓᬤᬶᬓᬮᬦ᭄ᬢᬓᬋᬓᭀ᭞ᬕᬮᬓᬾᬓᬮᬶᬦ᭄ᬢᬂ᭠
