[᭓᭐ 30B]
᭓᭐
ᬲᬗ᭄ᬳ᭄ᬬᬂᬰᬶᬯ᭄ᬯᬦᬾᬫᬗ᭄ᬓᬶᬦ᭄᭟ᬳᬶᬗ᭄ᬕᬶᬄᬭᬢᬸᬪᬝᬵᬭᬳᬯᬶᬦᬦ᭄ᬢᬶᬢᬶᬬᬂ᭞ᬲᬋᬂᬲᬫᬶᬫᬦᬗ᭄ᬓᬶᬮ᭄᭞ᬫᬦᬸᬳᬸᬦ᭄ᬧᬲ᭄ᬯᬾᬘ᭄ᬙ᭞ᬭᬶᬂᬧᬤᬸᬓᬪᬝᬵᬭ᭞ᬳᬦ᭄ᬢᬸᬓ᭄ᬲᬗ᭄ᬳ᭄ᬬᬂᬲ᭄ᬫᬭᬫᬗ᭄ᬓᬶᬦ᭄
ᬲᬾᬤᬓᬤᬶᬮᬄ᭞ᬦ᭄ᬤᬯᭂᬕ᭄ᬫᬺᬢ᭄ᬢᬦᬶᬦ᭄ᬦᬾᬫᬗ᭄ᬓᬶᬦ᭄᭟ᬲᬶᬲᬶᬧ᭄ᬳᬶᬤᬯᬦ᭄ᬢᬄ᭠ᬧ᭄ᬭᬲᬗ᭄ᬕᬦᬾᬓᬮᬶᬦ᭄ᬢᬂ᭞ᬦ᭄ᬤᬯᭂᬕ᭄ᬳᬕᬸᬂᬲᬶᬦᬫ᭄ᬧᬸᬭᬶ᭞ᬲᬧᬸᬦᬶᬓᬯᬦ᭄ᬢᬄᬢᬶᬢᬶᬬᬂ᭞
ᬫᬗ᭄ᬤᬳᬶᬘ᭄ᬙᬧᬤᬸᬓᬪᬝᬵᬭᬗᬫ᭄ᬧᬸᬭ᭞ᬫᬗ᭄ᬤᬳᬶᬤᬜᭂᬦᭂᬂᬫᬮᬶᬄ᭟ᬳᬢᬹᬃᬪᬕᬯᬦ᭄ᬯᬺᬳᬲ᭄ᬧᬢᬶ᭟ᬲᬗ᭄ᬳ᭄ᬬᬂᬰᬶᬯᬫᭂᬦᭂᬂᬳᬶᬤᬢᬦ᭄ᬗᬦ᭄ᬤᬶᬓ᭞ᬤᬸᬭᬸᬂᬧᬹᬃᬡ᭄ᬦᬲᬸᬚᬢᬶ᭞ᬩᭂᬦ᭄ᬤᬸᬭᬶᬂ
ᬳ᭄ᬬᬂᬲ᭄ᬫᬭ᭞ᬪᬕᬯᬦ᭄ᬯᬺᬳᬲ᭄ᬧᬢᬶᬬ᭞ᬫᬜᬸᬫ᭄ᬩᬄᬫᬳᬢᬹᬃᬫᬮᬶᬄ᭞ᬳᬶᬗ᭄ᬕᬶᬄ᭠ᬪᬝᬵᬭ᭞ᬲ᭄ᬯᬾᬘ᭄ᬙᬦᬶᬦ᭄ᬳᬸᬕᬶᬫᬗ᭄ᬓᬶᬦ᭄᭟ᬤᬾᬦᬶᬂᬭᬢᬸᬯᬦ᭄ᬢᬄᬫᬫᭂᬲᭂᬄᬭᬶᬂᬧᬸᬢ᭄ᬭ᭞
[᭓᭑ 31A]
᭓᭑
ᬲᬗ᭄ᬳ᭄ᬬᬂᬲ᭄ᬫᬭᬫᬓᬾᬃᬢ᭄ᬢᬶ᭞ᬳᬯᬶᬦᬦ᭄ᬫᬗ᭄ᬕᭀᬤ᭞ᬬᬰᬦ᭄ᬧᬤᬸᬓᬪᬝᬵᬭ᭞ᬤᬾᬦᬶᬂᬤᬾᬯᬢᬦᬾᬲᬫᬶ᭞ᬗᬢᬸᬭᬶᬦ᭄ᬳᬶᬤ᭞ᬫᬗ᭄ᬤᬳᬶᬤᬫᬫᬦᬳᬶᬦ᭄᭟ᬫᬓᬯᬶᬦᬦ᭄ᬧᬋᬫ᭄ᬩᬸᬕᬾ
ᬲᬧᬸᬦᬶᬓ᭞ᬯᬾᬦ᭄ᬢᭂᬦ᭄ᬲᬂᬤᬳᬶᬢ᭄ᬬᬧᬢᬶ᭞ᬳᬶᬦᬶᬮᬮᬸᬤ᭄ᬭᬓ᭞ᬭᬯᬸᬄᬳᬶᬧᬸᬦ᭄ᬲᬳᬧ᭠ᬜ᭄ᬚᬓ᭄᭞ᬭᬶᬂᬰ᭄ᬯᬃᬕ᭄ᬕᬦ᭄ᬫᬗᬸᬲᬓᬲᬶᬓ᭄᭞ᬢᬦ᭄ᬫᬺᬲᬶᬤᬬᬂ᭞ᬧᬭᬤᬾᬯᬢᬦᬦ᭄ᬤᬶᬗᬶᬦ᭄᭟ᬤᬾ
ᬦᬶᬂᬮ᭄ᬯᬶᬄᬧᬦᬸᬕ᭄ᬭᬄᬧᬤᬸᬓᬪᬝᬵᬭ᭞ᬭᬶᬂᬳᬶᬧᬸᬦ᭄ᬦᬾᬦᬾᬭᬶᬳᬶᬦ᭄᭞ᬦᬾᬧᬢᬸᬢ᭄ᬫᬤᭂᬫᬂ᭞ᬯᬦ᭄ᬢᬄᬧᬸᬢ᭄ᬭᬦ᭄ᬪᬝᬵᬭ᭞ᬲᬦᬾᬫᬶᬚᬶᬮ᭄ᬲᬓᬾᬂᬭᬩᬶ᭞ᬦᬶᬓᬳᬯᬶᬦᬦ᭄᭞ᬓᬲᬭᬢᬂᬲᬋᬂ
ᬲᬫᬶ᭟ᬫᬗ᭄ᬤᬲᬶᬤᬧᬤᬸᬓᬪᬝᬵᬭᬫᬧᬸᬢᬺ᭞ᬓᬮᬶᬄᬫᬗ᭄ᬤᬫᬭᬩᬶ᭞ᬦ᭄ᬤᬯᭂᬕᬂᬢᬸᬫᬸᬲᬂ᭞ᬳᬶᬘᬦ᭄ᬧᬤᬸᬓᬪᬝᬵᬭ᭞ᬗ᭄ᬕᬫᭂᬮᬂᬰ᭄ᬯᬃᬕ᭄ᬕᬦᬾᬲᬫᬶ᭞ᬫᬮᬶᬄᬳᬸᬭᬶᬧᬂ᭞ᬳᬶᬤᬲᬗ᭄ᬳ᭄ᬬᬂᬲ᭄ᬫ
