[᭓᭑ 31B]
᭓᭑
ᬭᬫᬗ᭄ᬓᬶᬦ᭄᭟ᬬᬦᬶᬂᬤᬸᬭᬸᬲ᭄ᬲᬾᬤᬳᬶᬤᬲᬗ᭄ᬳ᭄ᬬᬂᬲ᭄ᬫᬭ᭞ᬚᬕᬢ᭄ᬰ᭄ᬯᬃᬕ᭄ᬕᬦᬾᬲᬫᬶ᭞ᬲᬶᬦᬄᬢᬦ᭄ᬧᬲ᭄ᬫᬭ᭞ᬫᬓᬫᬶᬯᬄᬓᬢᬸᬭᬶᬤᬦ᭄᭞ᬧᬢᭂᬫᬸᬦᬾᬳᬶᬘᬮ᭄ᬲᬫᬶ᭞ᬮᬦ᭄ᬧᬜ᭄ᬘᬳᬶᬦ᭄ᬤ᭄ᬭᬶ
ᬬ᭞ᬤᬾᬦᬶᬂᬢᬦ᭄ᬯᬾᬦ᭄ᬢᭂᬦ᭄ᬗᬯᬶᬦᬶᬦ᭄᭟ᬧᬸᬧᬸᬢ᭄ᬲᬫ᭄ᬧᬸᬦ᭄ᬳᬢᬹᬃᬲᬗ᭄ᬳ᭄ᬬᬂᬯᬺᬳᬲ᭄ᬧᬢᬶᬬ᭞ᬫᬶᬯᬄᬤᬾᬯᬢᬦᬾᬲᬫᬶ᭞ᬦᬗᬶᬲ᭄ᬦᬸᬦᬲ᭄ᬳᬶᬘ᭄ᬙ᭞ᬓᬗᭂᬦ᭄ᬳᬶᬤᬲᬗ᭄ᬳ᭄ᬬᬂᬰᬶᬯ᭄ᬯ᭞ᬫᬫᬶᬦᭂᬄᬫᬶ
ᬦᭂᬳᬂᬫᬮᬶᬄ᭞ᬳᬾᬮᬶᬂᬳᬚᬳᬦ᭄᭞ᬭᬭᬶᬲ᭄ᬫᬗᬦ᭄ᬤᬶᬓᬳᬭᬶᬲ᭄᭟ᬳᬤᬸᬄᬤᬾᬯ᭄ᬯᬧᬶᬳᬦᬓ᭄ᬩᬧᬦᬾᬫᬓᭂᬚᬂ᭞ᬭᬯᭀᬲᬾᬮᬶᬯᬢ᭄ᬗᬗᭂᬦᬶᬦ᭄᭞ᬮᬸᬯᬶᬄᬧᬢᬸᬢ᭄ᬧᬶᬲᬦ᭄᭞ᬲᭂᬤᭂᬂ
ᬢᬸᬯᬄᬩᬧᬗᭂᬥᭂᬧᬂ᭞ᬦᬗ᭄ᬳᬶᬂᬮᬶᬯᬢ᭄ᬲᭂᬗ᭄ᬓᬵᬚᬢᬶ᭞ᬧᬘᬂᬗᬸᬭᬶᬧᬂ᭞ᬬᬳᬶᬲ᭄ᬫᬭᬦᬾᬚᬦᬶ᭟ᬳᬶᬤᬸᬧ᭄ᬜᬦᬾᬳᬶᬲ᭄ᬫᬭᬚᬦᬶᬢᬦ᭄ᬧᬵᬯᬓ᭄᭞ᬲᬸᬓ᭄ᬱ᭄ᬫᬮᬶᬯᬢ᭄ᬲᬶᬗᬶᬤ᭄᭞ᬫᬤ
[᭓᭒ 32A]
᭓᭒
ᬦ᭄ᬳ᭄ᬬᬂᬅᬦᬗ᭄ᬕ᭞ᬫᬶᬯᬄᬳ᭄ᬬᬂᬓᬸᬲᬸᬫᬬᬸᬥ᭞ᬭᬾᬄᬲᬃᬯ᭄ᬯᬩᬸᬗᬦᬾᬫᬶᬳᬶᬓ᭄᭞ᬓᬗ᭄ᬕᭀᬦ᭄ᬲᬜ᭄ᬚᬢ᭞ᬫᬦᬳᬶᬦ᭄ᬩᬧᬳᬶᬢᬸᬦᬶ᭟ᬫᬮᬶᬄᬓ᭄ᬭᬡᬫᬤᬦ᭄ᬳ᭄ᬬᬂᬫᬓᬭᬤ᭄ᬯᬚ᭞ᬭᬾᬄᬢᬸᬗ᭄ᬕᬸ
ᬮ᭄ᬜᬦᬾᬚᬢᬶ᭞ᬧᬶᬦ᭄ᬤᬦ᭄ᬜᬦᬾᬳᬸᬤᬂ᭞ᬦᬾᬚᬦᬶᬩ᭄ᬯᬶᬦ᭄ᬳᬶᬗᭂᬢᬂ᭞ᬓᬫ᭄ᬫᬵᬮᬸᬮᬸᬢ᭄ᬳᬤᬦ᭄ᬫᬮᬶᬄ᭞ᬘᭂᬦᬶᬂᬲᬫᬶᬳᬦ᭄᭞ᬤᬾᬯᬢᬮᬦ᭄ᬧᬭᬋᬱᬶ᭟ᬫᬗ᭄ᬤᬳᬶᬗᭂᬢ᭄ᬭᬶᬂᬧᬦᬄᬜᬲᬗ᭄ᬳ᭄ᬬᬂ
ᬲ᭄ᬫᬭ᭞ᬲᬃᬯ᭄ᬯᬩᬸᬗ᭄ᬳᬵᬗᬸᬮᬗᬸᬦᬶᬦ᭄᭟ᬲᬂᬧᬭᬧᬵᬡ᭄ᬥᬶᬢ᭞ᬯᭂᬓᬲ᭄ᬲᬶᬂᬤᬤᬶᬫᬩᬸᬗ᭄ᬳᬵᬭᬾᬄᬗ᭄ᬕᬯᬾᬳᬶᬦ᭄ᬤ᭄ᬭᬶᬬᬚᬢᬶ᭞ᬩᬧᬪᬸᬓ᭄ᬢᬶᬦ᭄ᬜ᭞ᬮᬶᬯᬢ᭄ᬳᬸᬮᬗᬸᬦ᭄ᬦᬾᬚᬦᬶ᭟ᬓᬲᬸᬲᬸᬧᬦ᭄
ᬩᬳᬦ᭄ᬧᬦᬄᬲᬃᬯ᭄ᬯᬩᬸᬗ᭄ᬳᬵ᭞ᬧᬸᬧᬸᬢ᭄ᬲᬧᬸᬦᬶᬓᬫᬗ᭄ᬓᬶᬦ᭄᭞ᬯᬘᬦᬦ᭄ᬳ᭄ᬬᬂᬰᬶᬯ᭄ᬯᬪᬕᬯᬦ᭄ᬯᬺᬳᬲ᭄ᬧᬢᬶᬬ᭞ᬏᬭᬂᬫᬰ᭄ᬯᬪᬯᬲᭂᬤᬶᬄ᭞ᬭᬾᬄᬢᬦ᭄ᬧᬭᬕ᭄ᬕ᭞ᬳᬶᬤᬲ᭠
