[᭔᭘ 48B]
᭔᭘
ᬭᬫ᭄ᬩᬸᬢ᭄ᬳᬤᬶᬦᬾᬗᬗᭀᬩᬶᬦ᭄᭞ᬲᬫᬄᬕᭂᬫ᭄ᬧᬸᬓ᭄᭞ᬕᬸᬍᬫᬾᬚᬢᬶᬓᬲᭀᬭᬦ᭄᭟ᬤᬸᬓ᭄ᬩᭂᬮᬶᬦᬶᬗ᭄ᬕᬮ᭄ᬳᬶᬤᬾᬯ᭄ᬯ᭞ᬤᬸᬭᬸᬂᬧᬶᬲᬦ᭄ᬢᬸᬢᬸᬕ᭄ᬓᭂᬮᬶᬄ᭞ᬓᬭᬶᬫᬧᬸᬢ᭄ᬭᬧᬸᬢ᭄ᬭ
ᬬᬦ᭄᭞ᬳᬦ᭄ᬢᬸᬓ᭄ᬤᬡ᭄ᬝᬦᬾᬫᬳᬸᬓᬶᬃ᭞ᬘᭀᬘᭀᬃᬕᬚᬳᬾᬯᬶᬬᬓ᭄ᬢᬶ᭞ᬳᬶᬦᬡ᭄ᬥᬓᬕᬚᬄᬳᬕᬸᬂ᭞ᬫᬗ᭄ᬓᬶᬦ᭄ᬤᬶᬚᬧᬸᬦᬶᬓ᭞ᬳᬶᬮᬂᬓᬾᬓᬮᬯᬦ᭄ᬓᬭᬶ᭞ᬲᬗ᭄ᬳ᭄ᬬᬂᬳᬬᬸ᭞ᬓᬩᬶᬮ᭄ᬩᬶ
ᬮ᭄ᬳᬶᬤᬢᬦ᭄ᬗᬸᬘᬧ᭄᭟ᬧᬓᬬᬸᬦᬦᬾᬲᬫ᭄ᬧᬸᬦ᭄ᬩᬸᬬᬃ᭞ᬓᬲᬸᬲᬸᬧᬦ᭄ᬲᬗ᭄ᬳ᭄ᬬᬂᬭᬢᬶᬄ᭞ᬭ᭠ᬭᬶᬲ᭄ᬫᬗ᭄ᬓᬶᬦ᭄ᬗᬧᬸᬭᬶᬬᬂ᭞ᬓᬢᬸᬭᬦ᭄ᬭᬬᬸᬦᬦ᭄ᬕᭂᬮᬶᬲ᭄᭞ᬧᬸᬧᬸᬢ᭄ᬲᬧᬸᬮᬧᬮᬶ᭞ᬗᬭᬬᬸᬦᬂᬲ᭠
ᬫ᭄ᬧᬸᬦ᭄ᬧᬸᬧᬸᬢ᭄᭞ᬓᭀᬘᬧ᭄ᬲᬫ᭄ᬧᬸᬦ᭄ᬢᬶᬕᬂᬤᬶᬦ᭞ᬳᬶᬤᬭᬶᬂᬳᬶᬫᬯᬦ᭄ᬕᬶᬭᬶ᭞ᬦᬦ᭄ᬤᬂᬩᬶᬗᬸᬂ᭞ᬳᬸᬮᬗᬸᬦ᭄ᬲᬫᬶᬓᬲ᭄ᬫᬭᬦ᭄᭚᭜᭚ᬧᬸᬧᬸᬄᬧᬗ᭄ᬓᬸᬃ᭚ᬓᭀᬘᬧ᭄ᬳᬶᬤᬲᬗ᭄ᬳ᭄ᬬᬂ
[᭔᭙ 49A]
᭔᭙
ᬰᬶᬯ᭄ᬯ᭞ᬫᬗᬹᬫᬗᬹᬲᭂᬓ᭄ᬗᭂᬭᬕᬫᬮᬶᬗ᭄ᬕᬶᬄ᭞ᬫᬗ᭄ᬭᬯᭀᬲᬚ᭄ᬭᭀᬦᬶᬂᬓᬬᬸᬦ᭄᭞ᬓᬾ᭠ᬦ᭄ᬓᬾᬦ᭄ᬚᬦᬶᬩᬳᬦ᭄ᬤᬬᬦᬂ᭞ᬫᬗ᭄ᬤᬾᬦ᭄ᬲᬶᬤ᭞ᬩᬳᬦ᭄ᬫᬢᭂᬫᬸᬳᬂᬮᬸᬮᬸᬢ᭄᭞ᬬᬦ᭄ᬧᬤᬾ
ᬫᬜᬶᬮᬶᬩ᭄ᬓᭂᬫ᭞ᬓᬶᬫᬸᬤ᭄ᬬᬦ᭄ᬳᬸᬬᬸᬢ᭄ᬗᭂᬦ᭄ᬤᬸᬲᬶᬦ᭄᭟ᬓᬾᬯᭂᬄᬲᬦ᭄ᬚᬩᬳᬦ᭄᭠ᬗᭂᬦᭂᬳᬂ᭞ᬬᬦ᭄ᬫᬘᬾᬝᬶᬫᬦᬸᬦ᭄ᬤᬾᬦᬂᬫᬗ᭄ᬮᭂᬫᭂᬲᬶᬦ᭄᭞ᬫᬤᬸᬮᬸᬭᬦ᭄ᬲᬸᬭᬢ᭄ᬳᬭᬸᬫ᭄᭞ᬫᬲᬸᬭᬢ᭄
ᬫᬭᬶᬂᬧᬸᬥᬓ᭄᭞ᬭᬱᬓᬶᬫᬸᬤ᭄ᬬᬦ᭄ᬧᬓ᭄ᬱᬚᬕ᭄ᬢᭂᬓᬕᭂᬮᬸᬢ᭄᭞ᬲᬶᬦᬄᬓᬲᭂᬗ᭄ᬕᬸᬳᬂᬘᭀᬭᬄ᭞ᬳᬶᬤᬾᬯᬾᬓ᭄ᬧᬢᬸᬢ᭄ᬜᬶᬓ᭄ᬱᬳᬶᬦ᭄᭟ᬫᭂᬮᬳᬦ᭄ᬲᬸᬩᬩᬯᬓᬂ᭞ᬚᬕ᭄
ᬤᬮᬸᬫᬸᬓ᭄ᬫᬲᬜᬾᬦ᭄ᬢᬸᬳᬭᬲᬸᬤᬶ᭞ᬬᬤᬶᬦ᭄ᬧᬤᬾᬩᬓᬮ᭄ᬳᬸᬬᬸᬢ᭄᭞ᬫᬲᬤᬾᬯᬢᬦᬾᬘᭀᬗᬄ᭞ᬭᬾᬄᬳᬶᬭᬕ᭄ᬕᬭᬢᬸᬦ᭄ᬚᬕᬢᬾᬢᬹᬃᬓᬲᬸᬩ᭄᭞ᬜᬾᬦ᭄ᬲᬾ᭞
